طبعا توتة مش عندها غرفة خاصة للاسف
بس فى الخطة انشاءالله
وده لا يمنع طبعا
ان ندلع لها الركن الخاص بيها فى غرفتنا
على قد ما قدرت يعنى
قولول ايه رايكم فيها
ولو حد عنده تعديلات يقولى
اولا السقف
النجوم الفوسفورييييييييييييييييية رووووووووعه انا نفسى بحب اتفرج عليها
بس ملحوظة الملونة مش بتنور اوى زى اللمونى
ثانيا الاستكيرز
توتة كل يوم قبل ما تسيب السرير لازم تبص لهم واحد واحد كانها بتسلم عليهم ههههههه
وبعدين لعبه السرير
احيانا لما بتزهق فى اى وقت م اليوم بدخلها سريرها تلعب بيها من كتر ما بتحبها
والسرير نفسه
انا اخترت المعدن مش الخشب عشان ناس كتير قالولى الاطفال بتدخل رجليها فى العواميد بتاعت الخشب وكمان مش بيحبو اصلا سرير الاطفال اللى بحواجز لما يكبرو فقلت اجيب ده مؤقتا ولما تكبر شوية كمان سنة مثلا اعملها غرفة اجيبلها واحد عادى واطى بتاع الاطفال الكبار
كان نفسى بس يكون زهر بس ملقيتش اللون اللى فى بالى
بس الحقيقة توتة بتحبه برضه بتحب تبصلنا من ورا الشبك اللى فى الجنب اوووووووى وبتستمع انها شايفه منه
هى الناموسية طلعت ملهاش لزمة بصراحة بتلفها حوالين نفسها فانا خفت منها وشلتها
كان معاه جزء بيتمرجح للبيبى المولود بس توتة
مستعملتوش اصل يا هو يركب يا المرتبة فمنفعش نركبه
و الدولاب بقى هو اساسا مكتبة تليفزيون كانت عندى بس انا حسيت حجمها مناسب للغرفة وهى حتى الان عملية
فى الادراج فرشاه الشعر و الباندانات واوراقها المهمه فى درج تانى كارت التطعيم والروشتات
وفى الدرف لبسها
وفى الرفوف المكشوفة الحاجات اللى بنستعملها كتير
البامبرز والفوط الصغيرة و الببرونة وكدة يعنى
وفوق ساعه صغيرة واللمبة اللى بتنر بالضغط جاية مع عله النجوم افسفورية وبرواز فاضى المفروض اعملها فيه صورة هههه
وفرش السرير برضه كله الوان
يعنى اللحاف و المخدة زهرى
والملايات
ام قرود دى اكتر واحدة بتحبها توتة بالذات بوق القر الاحمر هههه
وده كرسى النوم والرضاعه الليلية
بصراحة مريح ليا جداااااااا
بس طبعا بعد ما اتعودت اقوم من عليه بالراحة عشان ميرجعش تانى فى الحيطة ويعمل صوت ويصحيها هههههههه
الروابط المفضلة