الكروشية و الترتر

[bosy_md]

مساء الخير على كل اخواتى بالمنتدى
انا اسفة ان كل موضوعاتى او مشاركاتى بتبقى طلبات مش مشاركات مفيدة
لكن بتعلم منكم كتير جدا
انا عايزه اعمل بلوزة كروشية لكن المشكله انى عايزه ادخل فيها الترتر المربع و مش عارفه ادخله فى الشغل ازاى
يا ريت لو حد يقدر يفهمنى الطريقة اكون شاكرة جدا

[shaymaa-m]

الاول تلضمي الخيط في ابرةرفيعة تدخلي منها الترتر كمية كبيرة ...............و بعد كده تبتدي الشغل و لما توصلي للجزء اللي ح تضيفي فيه الترتر تدخلي مع كل لفة خيط ترتره واحده و جربي و قولي لي

[mima2005]

السلام عليكم ورحمة الله وبركاته
بالنسبة لادخال الترتر على شغل الكروشيه عندك طريقتين
الاولى لو كان الخيط اللى هتشتغلى بيه البلوزة يسمح بمرور الترتر من خلاله بمعنى ان سمكه رفيع بحيث تضعى به كل الترتر كأنك بتعملى عقد وبعدين بتشتغلى بالخيط عادى وبعد كل غرزتين او 3 او على حسب المسافة اللى انتى محدداها لتوزيع الترتر تاخدى واحدة من الترتر وتعملى غرزة حشو او تخليها فى بداية عمل العمود بلفة ثم تكملى بقية العمود
الطريقة الثانية : لو كان الخيط اللى هتشتغلى بيه البلوزة سميك لا يسمح بمرور الترتر يمكن تعبئة الترتر فى خيط رفيع من نفس الاون ثم تشتغلى البلوزة بالخيطين معا وعند المكان اللى هتضعى فيه الترتر وتشتغلى بنفس الطريقة السابقة
واى شىء مش مفهوم هكون معاكى ان شاء الله

[bosy_md]

شكرا لكم اخواتى العزيزات
انشاء الله اخلص الشنطة الى فى ايدى و ابدأ و اعرفكم الأخبار
جزاكم الله خيرا

[دعوة للتفاؤل]

وموضوع حلو