النت يفصل معي كل نصف دقيقة ما الحل ؟؟ ارجوا المساعدة

[لحن الحروف]

بسم الله الرحمن الرحيم




السلام عليكم ورحمة الله وبركاته




اخواني اخواتي اعضاء المنتدى ياليت احد يساعدني ويشوف لي حل مع هالمشكلة

الي هي ان النت فجأة جته حالة غريبة صار بطيييئ ويفصل معي كل نصف دقيقة يعني حتى مايمديني افتح صفحة وحده الا فيما ندر

مع انه كان ماشي معي زي الحلاوة

وهالحالة تكثر خصوصا اذا كنت احمل ملف

ياليت تساعدوني واكون شاكرة لكم

جهازي لاب توب
وندوز اكس بي

وشكرا

[غريب الهمس]

أهلا أختي لحن الحروف . .

عادة ما يكون فيروسات أو برامج تجسس . .

وللاحتياط اعملي سكان من أحد هالمواقع اللي بالرابط هذا , والأفضل الأول أو الثاني . .

http://www.lakii.com/vb/showthread.php?t=158312

لما تسوين سكان , أغلقي المتصفح وكل البرامج

وإذا صاد عندك فيروسات وشالها . .

حملي أحد هالبرنامجين , وأعملي تحديث , و سكان . .

البرنامج الأول :

Ad-Aware SE 1.06

(Advertisement Aware كاشف الأعلانات )

http://www.lakii.com/vb/showpost.php?p=1460015&postcount=57

البرنامج الثاني :

Spybot - S&D 1.4

للبحث و تدمير برامج التجسس

http://www.lakii.com/vb/showpost.php?p=1460027&postcount=58

بعدها ظفي الملفات المؤقته , والكوكيز . .

وأفتحي "تشغيل" "Run" من قائمة إبدأ . .

وأكتبي فها

%temp%

بيفتح لك ملف أمسحي اللي فيه . .

واكتبي بعد مرة ثانية

Prefetch

بيفتح لك ملف , إمسحي اللي داخله . .

وكل هذا والمتصفح مغلق . .

[لحن الحروف]

اهلاً أخوي همس

بداية الف شكر على ردك

لكن بالسبة للمواقع الي تسوي سكان للجهاز حاولت بالموقع الثاني بس ماقدرت لأن السكان ياخذ وقت طويل مره وانا مثل ماقلت النت معي بطئ ويفصل

مع العلم اني من يومين سويت لجهازي سكان عن طريق برنامج كاسبر سكاي وما وجدت ولا فايرس

وبالنسبة للباقي ياليت تتوسع فيه شوي واكون شاكرة لك لاني مافهمت مره


ولك مني كل الشكر

وجزاك الله خير

[غريب الهمس]

أهلا أختي لحن الحروف . .

هذا برنامج مجاني بيختصر السالفة ,

أسمه

CC Cleaner

تقدرين تستخدمينه بأي لغة : العربية , الأنجليزية , الفرنسية . . .ألخ

معروف ومشهور وقوي جدا . .

وصغير الحجم بعد . .

529 كيلوبايت . .

رابط صفحة التحميل . .

http://www.filehippo.com/download_ccleaner/

على يمين الصفحة فيه سهم أخضر ومكتوب جنبه

Download

Latest Version

أضغطي عليه بيحمل البرنامج . .

نظفي الملفات الزائدة والريجيستيري . .

بالبرنامج أسمه (المنظف) والـ (المواد) . .

بس قبل كل شي أغلقي المتصفح وأي برامج ثانية . .

وعلمينا شيصير معاكي . .

[لحن الحروف]

أهلاً أخوي غريب الهمس


أخوي أنا سويت كل الي قلت عليه ونظفت الملفات الزائدة والريجيستيري


بس للأسف المشكلة مازالت موجودة



تعتقد يحتاج الجهاز لفرمته ؟؟؟


وجزاك الله الف خير تعبتك معاي

[غريب الهمس]

أهلا أختي لحن الحروف . .
إن شاء الله ما تحتاجين فورمات ولا شي . .

اول شي تأكدي من الخط نفسه . .
يمكن المشكله مو من الجهاز , يعني لو عندك جهاز ثاني إشبكيه على نفس الخط وشوفي . .
قبل لا نتوسع وندور على مشكلة غير موجوده . .
إذا الخط ما فيه شي , بعدها بنشوف حل ثاني . .

[لحن الحروف]

مرحبا أخوي غريب الهمس

شبكت اللاب توب على خط ثاني ونفس الحالة

بطئ في الجهاز وفصل في النت بس مو كل نصف دقيقة اخف شوي

مع ان الشركة نفسها وهي اول نت



مع شكري وامتناني

[غريب الهمس]

أهلا أختي لحن الحروف . .
حملي هالبرنامج ...
http://www.merijn.org/files/hijackthis.zip
هذا برنامج بيعطيني تقرير عن البرامج اللي تشتغل في الخلف . .
عشان نشوف يمكن فيه برنامج تجسس أو شي . .

فكي ضغط الملف المضغوط (لازم تطلعينه من الملف المضغوط, بالديسكتوب مثلا), وراح يظهرلك ملف فيه البرنامج ..


دبل كلك .. راح يعطيك مسج ..



اضغطي موافق ..
راح يفتح البرنامج ..



اضغطي الزر "Do system Scan and Save alogFile"

بيشتغل البرنامج بيسويلك سكان .. زي كذا ..


وشوي راح يفتحلك تكست او نوت باد فيها المعلومات هذي ..
مثال ..


راح تلقين التكست هذا بنفس المكان اللي فيه البرنامج ..




او احفظيه يدوي .."حفظ بأسم " بإمتداد TXT . .
وارفقيه بالرد ..

[لحن الحروف]

تفضل اخوي

حفظته بملف مضغوط

ولك كل الشكر

[غريب الهمس]

أهلا اختي لحن الحروف . .

ماشاء الله جهازك نظيف جدا من ناحية برامج التجسس . .

طيب نجرب حذف المتصفح وتنصيبة مرة ثانية . .

بسهولة جدا . .

أحذفي المتصفح , ونصبيه مره ثانيه . .

من قائمة "أبدأ" أو "Start" . .

أختاري "لوحة التحكم" أو " Control Panal" . .

بالكنترول بانال

أفتحي "أضافة وازالة البرامج" أو " Add remove Program" . .

بيفتح لك صندوق فيه البرامج . .

وعلى الجنب فيه زر أسمه

"أضافة/ أزالة مكونات Windows"

أو

"add / Remove windows component"

أو شي زي كذا . .

بيطلع لك صندوق ثاني . .

شيلي علامة الصح من الـ Internet Explorer . .

يعني خليه مو مؤشر عليه . .

وأضغطي "التالي" أو "Next" . .

بيحذف لك المتصفح . .

حتى أيقونة الأكسبلورر تختفي من سطح المكتب . .

اذا أنتهى . .

سوي نفس الطريقة بالضبط

يعني من نفس اضافة وأزالة البرامج

اضغطي على

"أضافة/ أزالة مكونات Windows"

أو

"add / Remove windows component"

أو شي زي كذا . .

بيطلع لك نفس الصندوق الأول . .

بس هالمره أشري على Internet Explorer . .

يعني رجعي علامة الصح على الـ Internet Explorer . .

وأضغطي "التالي" أو "Next" . .

بيرجع المتصفح مره ثانيه . .

-----------------------------------------------------

وللأحتياط اعملي تحديث للوندوز والمتصفح . .

-------------------------------------------------

إذا ما ضبط معك الأتصال , فعلى ما أعتقد يا إما مشكلة بالمودم . .

أو بخطوط الأتصال . .

إذا عندك كمبيوتر ثاني , جربيه على نفس الخط اللي تشبكين منه . .

إذا أتصل تمام , فالمشكلة حسب ظني بالمودم . .