بسم الله الرحمن الرحيم
اخواتي العزيزات هذه اول مشاركه لي
في المنتدى واتنمنى ان تساعدوني
لان مافي احد الا وشكيت له فاتمنى ان تساعدوني بالنصيحه بارك الله فيكن
مشكلتي تبدا منذ ان تزوجت فقد تزوجت رجلا -زي مايقولو-تغشيت فيه فبعد الزواج بشهر اكتشفت ان له علاقات مع فتيات عالنت ويتبادلون احاديث بالهاتف ففي يوم من الايام وجدت مسجات على جواله من بنت وواجهته فقال سوف اتركها وغير شريحته وبعد كده بداء يدخل حجره الكمبيوتر ويقفل عليه الباب وانا كنت ياغافل لك الله ولاحظت بعدها انه يستحم نعم من الجنابه لانه كان...
عالنت ولما كلمته بدات اول مشكله وانكر ثم قام بضربي ورمي اليمين الاول وانا مالي شهرين وحامل قررت اخفي عن اهلي ورجع كل شي لمجراه وبعدها رجع مثل ماكان وخاصه لاما اخرج من البيت سكت وصبرت واخد ضرب ضرب الي ان تطورت وصلت لاهلي وعرفوا وكانوا دايما يصلحوا لاكن الي ما اعرفه ان اهله كانوا يدرون عن كل مشكله وكان يحط الغلط عليا لانهم مايعرفون حقيقته حتى لو يعرفوا راح يقفون في صفه لانهم مستفيدين منه ماديا حتى اثاث ماعندى لانه مطلق قبلي وخسر كتير وقال اصبري علي لما اخلص ديني والحين صار لي ثلاث سنوات مافي ولا قطعة اثاث بس غرفة نوم وقديمه مع انه راتبه يفرش بيتين لاكن يستخصر في او يطلع بظروف كل شهر عند اهله او يحط راتبه في الاسهم ويخسره
دايما يكذب علي ويقول عندي دورات عمل ويطلع كذاب عرفت انه يسافر للخارج عشان يشرب اي يشرب ويهز وسطه مع الفاسدات كلمته قال انتي مالك دخل في حياتي اذا مو عاجبك بيت اهلك وصارت هذه الكلمه لبانه في لسانه اذا مو عاجبك بيت اهلك وانا اصبر عشان ولدي وامي مريضه بالقلب ماقدر كل شوي انكد عليها وفي الاخير بدا ينتقدني انتي جسمك مو مغري انتي دفشه في تعاملك انتي خساره فيك اي شي انتي وانتي ةضرب وسب كل اسبوعين بالكتير مع ان والله الكل يمدح فيني وخاصه اهله لاكن هو يحاول يتجاهل النقاش بيننا معدوم تقريبا بس بيننا الفراش مصروفي شهر ايوا وشهرين
كل كلمه معاه يقول انتي ماعندك كلام زين والحين يقول بسافر وانتي هنا عند اهلي وماني عارفه ويش اسوي
تصدقون انه مايصلي الا يوم الجمعه
ااصحابه كلهم غير متجوزين و...............
وقبل فتره حصلت مشكله صغيره رمى فيها اليمين التاني رحت عند اهلي مدة اسبوعين بعدها سمعت خبر وفاة اخوه رحت اعزي ووقفت مع اهله ومعاه وقلت ارجعي بيتك احسن لك من كلام الناس بعدها تحسن اسبوعين كلمه والدي وقال خلاص باثث البيت ولاحصل شي
اخواتي ساعدوني ويش اسوي مع هالانسان هل هو مريض ام انا تعبت معاه يشهد الله اني احببته من كل قلبي واخلصت له لاكن مادري ليش يسوي فيني كذا انا لااريد خراب بيتي لاكن اتمنى ان يهديه الله ويبعده عن الحرام والله ليل نهار ادعي له وهو مافي كلمه طيبه نهائيا
تصدقون من يوم ماتزوجت مازارني احد في بيتي لان ماعندي اثاث ولا تليفون الخروج مافي الاعند اهلي مين يطيق كذا
ساعدوني اخواتي بالنصيحه والدعاء كيف اخليه يحبني يقول انا ماعندي قلب ولا اعرف حب ولا خرابيط اكيد انه مريض
اسفه للاطاله
الروابط المفضلة