جذور الحب ما هي كالغصون
.. .. .. .. .. .. ..وغصن الشوق ما هو كالـورق
وروح الورد لا يمكن تخـون
.. .. .. .. .. .. ..لأنـي كنـت اسقيـها ابعـرق
فلا يمكن يعاندنـي الحنــون
.. .. .. .. .. .. ..قناعـة مـا لهـا جـدٍ طـرق
مدام اني احـب بـلا عيـون
.. .. .. .. .. .. ..ولا حسّيت في لحظـتْ غـرق
فليش ازعل والـوم اليزعلـون
.. .. .. .. .. .. ..ومعنى الخوف في صدري احترق
ولا همني لأني فـي سكـون
.. .. .. .. .. .. ..و لا حلمي من ايامـي انسـرق
جنون بعقل أو عقـل ابجنـون
.. .. .. .. .. .. ..قضيّـة مالهــا معنـى فـرق
يكون الحـب وإلا مـا يكـون
.. .. .. .. .. .. ..سؤال يلـح فـي وقـت الأرق
يعيش ابحـب او يبعـد بـدون
.. .. .. .. .. .. ..طريق الحـب واحـد وافتـرق
وإذا حسّيت في همس المـزون
.. .. .. .. .. .. ..وشفت النور في عينـي بـرق
واذا قربت مـن عيني ابهـون
.. .. .. .. .. .. ..احسك نبض في قلبـي طـرق
وافتـح لك فـؤادي والعيـون
.. .. .. .. .. .. ..واراويـك المعـاند كيـف رق
الروابط المفضلة