صباح الخير اختي.....
انا كنت قول نفس الكلام وقت شوفهم بالميات ما في شهر يكونوا دابو
هيدي يا شفط دهون يا ربط معدة والاتنين اسوا من بعض
لانو ما في شي مضمون ان كان شفط الدهون اذا رجعتي ونصحتني وما دوامتي كل حياتك على الرجيم يلي بعطوك ياه ما راح تستفادي ابدا!!! اتخلي كل عمرك تبقي على هل النظام !!
ربط المعدة بدك تبقي اول شهر من دون رياضة راح تتضعفي 20 كيلو !! بس الجسم راح يترهل كليا وبصير بدك عملية للشد مو رياضة!!
10 كيلو فيك تضعفيهم بشهر
انا الي 3 شهور ضعفت 16 كيلو لان يلي عم تنزليهم ببطئ ومع رياضة ما راح يرجعوا ابدا لو تنزلي 5 كيلو بالشهر احسن ما تنزلي 16 بالشهر وترجعهم مرة تانية!!!
انا الصبح بيكول بيضة مسلوقة مع عصير كريفون ممكن كمان خبز اسمر بس طبعا نص رغيف مع اي نوع جبنة وشاي اخضر
الغدا اول اسبوعين خففت يعني بس جاج مسلوق يا جاج مقلى مع بصل وفليفلة يا بستك يا تونة
بين الاكل تفاح وشاي اخضر
من عشية كورن فليكس مع لبن او حليب لمدة اسبوعين ومع ساعتين رياضة يوميا نزلت 10 كيلو طبعا هيدول ل10 مو كلهم دهون طبعااول شي السوائل الزايدة بالجسم
بعدين بقيت على نفس الفطور والعشا بس الغدا رجعت اتغدا عادي بس بكميات خفيفة يعني رز ملقعتين معكرونة نفس الشي والخضرا كتر منها يعني طبخ ملوخية ايكول فاصوليا يابسة ايكول بالاضافة للسلطة بانواعها انو ما احرم حالي من هيداالاكل لو اكلتي ملقعتين رز مانا مشكلة ابدا
هلق معدتي اتعودت على الاكل القليل ماعاد اقدر ايكول من هيك وهلق صارلي 3 شهور نزلت 16 كيلو كنت البس قياس 48 صرت البس 44 وكتير مرتاحة ومبسوطة من النتيجة
اهم شي بالرجيم ما تجوعي حالك لانو هيدا بخليك وقت تجي لتاكلي تاكلي كل شي ممكن يكون بطريقك وبسرعة وهيدا مانو صحي ابدا خلي معدك دايما فيها شي كلي تفاح خيار زر خس .. انا عانيت كتير من النصاحة وكنت جوع حالي وقت ارجع ايكول ارجع على الوزن هلق فهمت شو يعني نظام رجيم
واهم شي ما تفوتي ولا وجبة اكل فطور غدا عشا .
طولت عليكي ما !! بس حبيت انقل تجربتي يمكن تستفادي منها انتي والاخوات
الروابط المفضلة