كيف حالكم صبايا هالركن الغالي والمنتدى كمان ؟؟؟؟؟؟؟
اتمنى انه يكون هالعيد عليكم كله خير وبركه للجميع يا رب
المهم خلينا ندخل بالطبيخ
هههههههههههههههههههههههه اليوم بدنا نسوي بيتنجان محشي وورق عنب
اول شي بحتاج بيتنجان للحشي حسب الكمية اللي بتحتاجوها
ولحمة قطع ....حسب الرغبة ( يمكن الاستغناء عنها )
ونص كيلو ورق عنب
وللحشوة
رز مصري منقوع بالماء
شوية زيت زيتون 3 ملاعق
نص ليمونة
وقية لحمة مفرومة على الايد ازكى
بهارات مشكلة وفلفل اسود وملح
يخلط الرز واللحمة المفرومة والزيت واليمون والملح والبهارات
والفلفل الاسود وازا عندك شوية سمنة حطي ملعقة صغيرة
بتعطي طعم طيب
وهي صورة الحشوة
واكيد بدنا ننقر البيتنجان ونفرغه من اللي بداخله
ونغسله بمي وملح
وهسه بنلف ورق الدوالي
بوضع الحشوة بشكل طولي بالورقه ونلف الورقة
اكيد بتعرفوا كيف طريقة اللف
وبنجهز الطنجرة بوضع البندورة المقطع شرائح اسفل الطنجرة
وبعدين اللحمة وفوقها البيتنجان اللي حشيناه بنفس حشوة الورق
وبنسكر البيتنجان بقطع صغيرة من البندورة المقطعه
وهي كمان
وهوون لما خلصت وبدي احطها على الغاز مدة نص ساعة بالضغط
طبعا بنحط مكعب مرقة الدجاج ماجي
وشوية زيت زيتون وليمون على الوجه وملح كمان
واذا بدكم شوية معجون بندوره عشان الحموضه بيصيركمان
وبنحط كمية من الماء السخن لمنتصف الطنجرة
وبنضغطها وبنتركها مدة نص ساعة بعد ما تغلي
وبعدين بنفتح الغطاء وبنخليها تتنشف شوي
وهي النتيجة
وعلى فكرة بطنجرة الضغط بتطلع الطبخة روووعة لانها بتكون دايبه
ويمممممممممممممممممممم بتشهي
اتمنى انها تعجبكم وصحتين وعافية
لا تنسوني من الردود
واي استفسار انا حاضرة وبالخدمة كمان
هههههههههههههه
ويا هلا فيكم
الروابط المفضلة