السلام عليكم
اخواتى انا كنت حاطه نفس الموضوع من قبل كم يوم بس كان فيه مشكله فى الصور ...فقررت انى انزل الموضوع تانى وبالصور والرجاء من اخواتى المشرفات حذف الموضوع الاول..
انا حبيت اول موضوع ليا انه يكون الفطيره لانى بجد معروفه بيها وكل من ذاقها طلب وصفتها ...وفى اللى طلبوا منى اسويها قدامهم.... من كثر ماهى سهلة وهشه ولذيذه وخفيفه فى نفس الوقت.
هدى فطيره مكس بين الفطيره الليبيه و الفطيره المغربيه مع اضافاتى ...والميزه اللى فيها انك ممكن تسويها وتكون حار او ممكن تكون حلو حسب المقادير اللى حتحطيها ووكن انك تسوى كميه كبيره منها وتحطيها فى الفريزر....
المقادير:
4 كوب دقيق
4 م حليب بودره
رشة ملح
1 م ص خميره
نص م ص بيكنج باودر
اوريجانو
1 م ص ثوم بودره
ماء دافئ للعجن.
هذه المقادير لو حبيتى تاكليها على شكل حار ولو حبيتيها حلوه استغنى عن الثوم والاوريجانو.
الطريقه:
تخلط كل المقادير الجافه مع بعض وبعدين نضيف الماء تدريجيا لين نحصلوا عجينه لينه ومتماسكه.. وكل ما عجنتى اكثر كل ما كانت اطيب وهدا سر من اسرار المعجنات.
اتركيها لترتاح ربع ساعه.. وبعدين قرصيها {يعنى قسميها الى كور صغيره} زى ما فى الصوره ولازم كل المواعين تكونى دهنتيها زيت.
وكمان خليها ترتاح 10 دقايق وبعدين افرديها على صحن مدهون زيت.
وابدى صفتيها خدى كل طرف عل حده وجيبيه للمنتصف.
وهيك لعند ماتخلصى كل الكور.
وبعدين ابدى باول وحده صفتيها ..خديها فى الصحن بعد ما تكونى دهنتيه بزيت وافرديها وحاولى قدر الامكان انها تكون واخده شكل المربع.
وبعدين حطى الطاوه على النار ودهنيها بشوى زيت وخليها تسخن وبعدين حطى الفطيره فيها وقلبيها على الوجهين الين ما يتحمروا.
وبعدين احشيها باللى انت حاباه دجاج و لحمه مفرومه و جبنه , على ذوقك .
ولو حبيتى تاكليها حلوه ممكن تحشيها عسل او نيوتيلا او قشطه وعسل..
كلى وتلذذى بطبقاتها الهشه وطعمها المميز.
وهذى شكلها بعد ما حشيتها لحمه مفرومه.
.
وهذا الصحن هديه منى لحنان ليبيا ولباربيتا وايضا لاختى ام البنات .... عشانهم ساعدونى.
عارفه انكم حتقولوا هوا فيه حبتين بس...هههههههههخخ.. الباقى لابس طاقية الاخفى..ههههههههخ
الصور مش واضحه لانى اخذتها بالموبايل.
الروابط المفضلة