عايزة اتجوز***

[لارا..]

عايزة اتجوز
من حق كل بنت فى الدنيا انها تتجوز ولا هو عيب ولا حرام انها تطالب
بكدة وتعلن انها عايزة تتجوز
ما الرجالة ليل نهار بتقول انها عايزة تتجوز ومحدش بيقولهم حاجة
وحد يسالنى البنات عايزة تتجوز لية
اقول: فيه اسباب كتير
سبب يخلى البنات عايزة تتجوز
عايزة تتجوز عشان تكون ام
عايزة تتجوز عشان ما تخدش لقب عانس والناس تبقى شايفة ان دة عيب فيها وفشل منها لازم تتحاسب علية
عايزة تتجوز عشان ما تطاردهاش نظرات الشفقة( يا عينى ما تجوزتش لحد دلوقتى) او نظرات الخوف من اللى حواليها لتخطف جوزها
عايزة تتجوز عشان يبقلها بيت لوحدها محدش يشاركها فية
عايزة تتجوز عشان تبقى حرة ومحدش مقيدها فى الداخلة والخارجة( هبلة طبعا)
عايزة تتجوز عشان تخلص من االعرسان اللى بتخبط على بيتها كل شوية(لاقرع وابو شعر)ودة بيسبب احراج والم نفسى لما ماتتمش الجوازة
ميت الف سبب يدى كل بنت الحق فى انها عايزة تتجوز
وانا جاية من خلال الموضوع دة ازاى تتطلع كل بنت اللى جواها
حنتكلم عن العنوسة والمشاكل اللى بتمر بيها كل بنت
واحلام البنات فى شريك حياتها والعقبات اللى بتقبلها فى الواقع
حنتكلم عن احسسكم ومشاعركم وقصص بنات بيجرى بيهم العمر وهما مستنين النصف التانى
حنتكلم ياترى البنت هى سبب عنوستها وبايدها تغير دة ولا دة نصيب من الاول للاخر ومالهاش يد فية
حنتكلم عن نظرة المجتمع للانسة وهو فى فعلا فاتك القطر ومبقاش ينفع انك تتجوزى
حنتكلم اذا كان فية ادعية ممكن البنت تدعيها عشان تتجوز
حنتكلم عن حاجات كتييييييييييييييييييييييير
لكن خليكى معايا وشاركينى بانك تكتبى معايا فى الموضوع
تعالى نفضفض سوا ونحلم سوا
حددى هدفك
انتى عايزة تتجوزى لية؟
عشان تهربى من نظرة المجتمع وكلام الناس ودموع امك وكلامها الحزين وهى شيفاكى قاعدة جنبها
ولا عشان تستقرى وتكونى بيت ويكون ليكى جوز يحبك واولاد صالحين
انا مستنية تردى علية وتقوليلى انت
عايزة تتجوزى لية؟
وتابعى معايا باقى الخطوات
( طبعا المتزوجات ممكن يشاركونا برايهم وخبرتهم فى موضوع الجواز)

تابعينى

[الحان تائهة]

عاوزة اتجوز علشان يكونى شريك فى الحياة نخلف او لا -- نغتنى نفتقر --ننجح نفشل كل دة مش مهم المهم تكون سعدتنا فى وجودنا مع بعض بصرف النظر عن الظروف
عاوزة اتجوز علشان يكونلى حد يروى عطش روحى وقلبى وكمان عطش جسمى وامومتى
تفتكرى ممكن اقابل الشخص دة

[لارا..]

ان شاء الله تلاقيه
حبيبتى وقريب كمان

[l!Nda]

ان شاء الله نلاقي انا وانت وجميع بنات المسلمين الشخص المناسب

شكرا لك على الموضوع

[زهور العالم]

صراحة هبلة اللي بتفكر بالجواز وهي صغيرة

الافضل انها تعيش حياتها عند اهلها بكل حريتها ومن غير قيود ومن غير مسؤلية

ومن غير حماة وبنات حماة

ياختي بلا جواز بلا قرف

[وهمست طفولتي]

ان شاء الله يارب تلاقوا الى بدكم ياها يارب

انا الحمد لله متزوجة وراضية عن زوجى رغم انى ما شفته لما اجا يخطبنى لانى كنت خجلانة بس الحمد لله انا مبسوطة معه كتير

زهور العالم
كلامك يعني شو ممكن اصحح فيه
ليش بلا جيزة بلا قرف
والله الجيزة نعمه والجواز نص الدين
حرام نحكى عنها قرف

صراحة هبلة اللي بتفكر بالجواز وهي صغيرة

الافضل انها تعيش حياتها عند اهلها بكل حريتها ومن غير قيود ومن غير مسؤلية

ومن غير حماة وبنات حماة

ياختي بلا جواز بلا قرف


ليش هيا لما تتجوز بتتقيد وما بتاخد حريتها والله بالعكس والحمد لله

والمسؤولية وصى عليها رسولنا الكريم كلكم راعٍ وكلكم مسؤول عن رعيته..


الشاطرة هى الى بتعرف شو هى بدها مش المجتمع شو بده عشان ترضيه
المهم ترضى نفسها وتكون راضية عن نفسها والله راضى عنها وبس و..... بالمجتمع والناس وكلام الناس

[ام عباد الله]

صراحة هبلة اللي بتفكر بالجواز وهي صغيرة

الافضل انها تعيش حياتها عند اهلها بكل حريتها ومن غير قيود ومن غير مسؤلية

ومن غير حماة وبنات حماة

ياختي بلا جواز بلا قرف

واحدة من اثنتين إما أنك متزوجة ونادمة على اختيارك أو أنك غير متزوجة و تسلين نفسك بهذا الكلام الذي لا يصدر عن عاقلة ،هل هناك بنت لا تحب أن تتزوج ؟ ثم إن الزواج من ديننا والشرع حببنا فيه من دون زواج لن يكون هناك اولاد ولا كثرة للمسلمين ولا قوة ، ثم ما هذه الكلمة هبلة ؟؟ إختاري ألفاظك لأن المتزوجات لسن هبلات فهن ربات بيوت وامهات وعندهن مسؤوليات لا تعد ولا تحصى

[رحيق الاقصى]

ربنا يبعت ابن لحلال لكل بنت نفسها تتزوج

[نور العيون123]

عايزة اتجوز
من حق كل بنت فى الدنيا انها تتجوز ولا هو عيب ولا حرام انها تطالب
بكدة وتعلن انها عايزة تتجوز

نعم اختي لكن كيف تعلن البنت انها تريد الزواج

البنت لا بد ان تتسم بالحياء وطلبها ده شيء بديهي كل الاهالي عارفينه واكيد لما بييجي للبنت ما يناسبها
لن يرفضوه وسيسعوا في تزويجها فما فائدة ان تطالب به هي

ممكن مثلا تكلم احد يتوب عنها او باسلوب غير مباشر
اما ان تتبجح وتقول انا عايزه اتزوج فهذه مخالف للحياء

[ملاذالدنيا]

انا متزوجة وعندى اطفال كنت عايزة اتزوج
بصراحة عشان يبقالى حبيب بتاعى محدش يشاركنى فيه
ويكون عندى اطفال بتوعى برضه اعمل فيهم اللى نفسى فيه
والحمد لله ربنا اعطانى ما رجوته وربنا يعطى كل البنات اللى نفسهم فيه