السلام عليكم .. اول شي بعتذر على طول القصة
انا عمري 20 سنة قصتي طويلة جدا مع اخ زوجة اخي يكبرني ب13 سنة تعرفت عليه بعد زواج اخي بفترة لما سافرنا لكندا بحكم ان عندي اخوتي الاتنين يعيشو هناك وكمان عائلة زوجة اخي وللعلم نحن من ليبيا وزوجة اخي من لبنان ولهذا السبب كانت هناك معارضة شديدة من عائلتنا يعني الاعمام والخوال لزواج اخي من غير جنسيتنا ولكن بابا وماما وباقي اخوتي وافقو وماكان عندنا مشكلة ..
ارجع لموضوعي طبعا انا تعرفت عليه من 6 سنوات كان عمري وقتها 14 يعني كتير صغيرة هو صار شريك لاخوتي بالشغل وكرمال هيك صارو هو واخوته يجو دائما على البيت اللي عندنا هناك ويتصلو وصارت علاقتهم كتير مفتوحة مع كل العائلة وصارو اصدقاء مقربين.. كنت لما رد عليه عالتليفون يصير يطول معي الكلام وحتى في كتير مرات انا لما اعرفه قله لحظة لناديلك اخي يقلي لا ليش ما بدك تحكي معي وانا بدي نصير رفقة وهيك اشياء .. على طول كان يفتح معي مواضيع ويمزح معي على لغتي الانجليزية لانو كانت كتير ضعيفة وقتها ويقلي خلاص انا بعلمك المهم انو ماترجعي لليبيا وتضلي هون.. المهم بسفرتنا الاولى بقينا هناك حوالي 6 شهور ورجعنا لليبيا ومن تاني يوم اتصل على رقم بيتنا كلم اختي وطلب منها انو يحكي معي طبعا انا انصدمت هو اخذ رقمنا خصوصا من اخي حتى يحكي معي طبعا قلي انو كان حابب يطمن علي وهيك اشياء وطبعا بعدها صار يتصل على طول حتى مرة من المرات طلب مني شي وانا قلتلو لا قالي بمزحة انتي لازم تسمعي كلامي لانو انتي صرتي خطيبتي انا طبعا ضحكت على اساس الموضوع مزحة هو قالي عن جد عم احكي انا حكيت مع اخوتك وبدي اخطبك بس طبعا اذا موافقة انا كنت بعدني معتبرة القصة مزحة بس بعدين عرفت من اخي انو فعلا هو حكي معهم وقال انه ناوي يخطبني بس طبعا مش مستعجل لانه يعرف اني صغيرة بس كان لازم يكلمهم حتى يكون ماشي بالطريق الصح واخي كمان كان يضحك لما خبرني وقالي هذا مجنون لازم يستناك عشرة سنين لحتى تكبري ..
طبعا ضلت الامور على حالها حوالي سنة صرنا نسافركل مدة وهو صار كمان يجي كتير على ليبيا وصرنا كتير متعلقين ببعض وصارت كمان كتير اشياء ومواقف خلتني كتير حبه خصوصا لما دخلت المستشفى لاني كنت عاملة عملية ولازم اعمل مراجعة كل 4 شهور بهذاك الوقت وعملولي بوقتها تخدير ضليت يومين بالمستشفى هو ضل كل الوقت معنا وما تركنا ابدا ولا دقيقة بس في اليوم اللي خرجت فيه في المستشفى كان لازم يسافر هو واخي لشغل ورغم اني كنت الحمد لله تمام ومافي شي ابدا حكي معي وهم بالطريق للمطار وكان يقلي انو حاسس بالذنب وانه ما بدو يسافر وهيك انا كنت واخذة الموضوع عاااااادي واضحك يعني مافي شي بعدها عرفت من اختي لانها كانت معهم انه ضل يبكي طول الطريق تخيلو هم انصدموا مفكرين صارت شي مصيبة اخي يساله شو صار شو في هو طبعا ما قاله شي قدام اختي بس بعدين عرفت هي من اخي انه قاله كان كتير خايف علي وبعدو مش مطمن علي طبعا اختي لما قالتلي انا فعلا انصدمت وحسيت حالي اكثر انسانة محظوظة في العالم انه هالقد يحبني انا من هذاك الموقف صرت اعامله بطريقة تانية وصرت فعلا بحبه اكثر بكتير من قبل .
طبعا صارت تقريبا كل عائلتهم تعرف بالموضوع يعني كانو يعتبرونا مخطوبين وعائلتنا( يعني الاخوال والاعمام) كمان عرفو بالقصة بس طبعا كانو معارضين كتير وخالاتي واعمامي صارو يعملوا مشاكل بكل فرصة وحتى يجو للبيت حتى يحكو مع ماما او اخوي او حتى بابا ويخبروهم انهم مش رح يرضو بنتهم تتزوج من غير جنسية وانه هم ما كانو موافقين للولد كيف للبنت وحتى صارو يتحججوا بفارق السن وانه عايش بدولة اجنبية ويعيبو فيه قدام بابا واخوتي حتى يخلوهم يرفضوه وطبعا مش بس هيك وصلت لدرجة انهم اخذو رقمه بطريقة ما وصارو يتصلو فيه ويشتموه يعني يحاولو يفتنو بأي طريقة طبعا بهذاك الوقت كنت انا بدرس بالمرحلة الثانوية وكانت بعد عندي سنتين كنت ناوية انو بعد ما خلص الشهادة رح روح لكندا انا وماما ورح نبقى هونيك حتى يتقدملي رسمي لانو طبعا هم كل عائلتهم هناك ..
بس هون صارت المشكلة الكبيرة وهو انه صار يتغير كتير صار يشك في كل تصرفاتي وكلامي صار كتير يغار من اي حد ومن كل شي يعني لدرجة انه لو كان يحكي معي ورن التليفون يقلي مين عم يتصل هلا ويلا ردي وخليني عالخط حتى يسمع ولو رن التليفون مثلا والوقت متأخر شوي يقلي مين يا ترا كمان اختك او صديقتك مش عم يجيهم نوم؟ طبعا يقولها بطريقة استفزازية يعني كأنو مكذبني ولو كان التليفون مشغول او انتظار يعني انا بعرف شخص تاني ويقلي انا مش غبي وانا اكبر منك وبفهم اكثر منك ومابتقدري تضحكي علي حتى لما يتصل هو بي وانا بحكي مع صديقتي او اختي على تليفون البيت يعصب ويقلي اذا ما بدك تحكي قولي مو ضروري تخترعي قصة انك عم تحكي مع حدا يعني بطريقة غير مباشرة انتي كذابة حتى وصلت لدرجة لما قلو اني رايحة لمكان مع اخي مثلا يتصل بأخي حتى يتأكد بطريقة غير مباشرة صارت ثقته فيا معدومة تماما وصارت كل مكالماتنا على هالمواضيع مشكلته انه دائما بيتأثر بكلام الناس وكل الناس اللي حواليه من عايلتهم يعني اولاد اعمامه واقاربه وكمان الناس من عايلتنا اللي ضلو عم يتصلو فيه كانو يقولو اني صغيرة ورح غير رأيي واني ما بحبو واكيد عندي علاقة مع شخص تاني واني عم عيش المراهقة وما بعرف حالي شو بدي..
وهو نفسه قالي هالحكي وقالي انهم متأكدين انك مش عارفة حالك شو بدك وشوي شوي صار هو يحكي كلامهم ويقلي انتي مش عم تفهميني وانتي صغيرة كتير بالنسبة الي بس الشي اللي طفح بيه الكيل كان لما كنا نتناقش بالموضوع قلي كمان مرة انتي كتير صغيرة ومستحيل تفهميني قلتلو انت حاسس حالك عملت غلطة وندمان لانك ارتبطت فيا قالي بصراحة ايه انا صرت بشك طبعا بوقتها انا كل شي تسكر قدامي وقلتلو يعني خلاص انا مو ضروري تضلك شاك انا كمان بصراحة غلطانة وخلينا نعمل حل خلينا بس اصدقاء لاننا عائلة واحدة ومجبورين في بعض بس ماعاد في شي اكثر من هيك وخلينا ننهي الموضوع طبعا هو قالي هالقد انا رخيص عندك كتير سهل عندك تتركيني طبعا انا كنت كتير معصبة وقتها قلتلو ايه اصلا انا ما كنت متأكدة من شي من الاول رغم اني والله بحبه بس حسيت انه اهانني وكان بدي رجعلو الاهانة طبعا هو انصدم وقالي الله معك وبس وسكر التليفون وبعدها طبعا انا اعتبرت كل شي انتهي خلاص كانت حالتي النفسية كتير منهارة ومعصبة وحاسة بالاهانة بس بنفس الوقت كتير مشتاقتله وبدي احكي معه بس انا بطبعي ما بحب بين لحد حتى ماما كانت تقلي انتي باين عليكي اصلا ما كنتي تحبيه والموضوع عندك ساهل ..
طبعا اقنعت حالي انه خلاص ماعاد ارجع احكي معه ابدا ولازم انسى كل شي وركزت على دراستي خصوصا لان السنة اللي فاتت كانت عندي الشهادة الثانوية وفعلا درست والحمد لله نجحت وطبعا طول السنة ما حكينا مع بعض ابدا وكنت.. المهم في بداية الصيف السنة اللي فاتت اجا هو واخوتي على ليبيا وطبعا اختي عزمتهم في بيتها وانجبرت انو روح هونيك بس لما طلعت لسلم عليهم سلمت عليه بطريقة كتير جافة وحتى ما شوفتله ولا قلتله ولا كلمة بس سلمت ورجعت دخلت طبعا بعدها رغم انه ضل فترة طويلة شوي بليبيا لما نتلاقى ما كنا نحكي ولا شي وصار هو كمان يتجاهلني تماما مثل ماانا بتجاهله حتى اني حسيت انه صار يكرهني ..
بس المفاجأة كانت بعد بشهور لما توفى جدي الله يرحمه هو طبعا اتصل على تليفوني اكثر من مرة عرفت انه عرف مارديت لان كنت خايفة من طريقة كلامه كيف رح تكون وكانت حالتي النفسية سيئة جدا حتى اتحمل اي شي بعدين اتصل على تليفون ماما وبعد ما حكي معها طلب منها اني احكيه طبعا صرت بوضع محرج وحكيت معه تفاجات كتير بطريقة كلامه رجع يحكيني تماما مثل قبل وكانو ماصاير شي يعني وكأننا بعدنا مع بعض ويقلي انو اشتاقلي وانو بيحبني وانا طبعا بهداك الوقت كنت كتير مضغوطة لدرجة رهبية وماعرفت شو اقول طلب مني بس انو اسمحلو يحكي معي ويضل حدي هالفترة لانو بيعرف انو الوضع كتير صعب وهيك ..طبعا ضل بعدها يتصل و صار يقلي انو ندمان وانو يعرف ان كل شي صار ببسبه وانه غلط بحقي وندمان وظلمني بس هو عمل كل هالشي لانو بيحبني وخايف يخسرني ولان الناس خلوه يشك وهو وطلب مني سامحه
هو هلا في المانيا لمدة سنة شغل راح من قبل رمضان طلبت منه انو نعطي لبعض وقت بهالفترة ومانحكي ونشوف الامور لوين بتوصل ..بعتلي مسج قبل ما يروح اعتذر كمان مرة وقالي انه رح يعطيني الوقت وانه رح يستناني ومش رح يحكي معي حتى انا احكيه المشكلة انو عمه اللي كان في مقام ابوه كان كتير قريب منه توفى قبل ماهو يروح لالمانيا بشي اسبوعين وهو صارت حالته النفسية كتير سيئة حسيت انو لازم اتصل على الاقل مرة لحتى اسال عنه اتصلت وماكنت ناوية ارجع اتصل مرة تانية ابدا بس لما رد علي صوته كان كتير متغير وتعبان سألته اذا كان مريض هو على طول صار يبكي لدرجة انه ما قدر يحكي معي ولا كلمة وانا صرت ابكي معه قالي انه رح يرجع يتصل وسكر .. وبعدين رجع اتصل قالي انه كتير مشتاقلي ومحتاجني وانه بغربة على اهله وحاسس انه ما عنده اي احد وانه على طول بيخرب على حالو الاشياء الحلوة وبيخلي الناس اللي بيحبهم يتركوه وهيك وكان كل الوقت يبكي لدرجة ان المكالمة كان اغلبها ساكت ومش قادر يتكلم.. حسيت اني بتخلى عنه وهو بوضع سيئ واني ظالمته ومش واقفة معه رغم انه ما تركني ابدا بوقت الضيقة .. الله يخليكم انصحوني شو لازم اعمل انا غلطانة ؟ لو كنتو مكاني شو بتعملو؟
اسفة كتير كتير على الاطالة
رد مع الاستدلال
كتبت بواسطة عيون123
الروابط المفضلة