كتبت بواسطة
نجلا الجمل
عزيزتى انا بنتى سنتين ونص وعنيدة الى ابعد الحدود واذا قلت لها على اى حاجة لاء تفضل تعيط لغاية ما احس ان الشارع كلة هيطلع ويقولى فى ايه بجد قوليلى اعمل ايه انا عملت قبل كدة موضوع انها تقعد فى اوضة لوحدها وحاولت اقفل الباب بس يا قلبى فضلت تصرخ فخفت عليها اوى وفضلت اعيط معاها وحسيت انى قاسية
بصى بمنتهى الامانة انا يمكن بكون مضغوطة وساعات بنفعل عليها بس انا معذورة انا يومى بيبتدى من الساعة 7 الصبح احضر الفطار للوجى والغدا بتاع الحضانة واكوى ليها ولباباها وبعدين احضر الفطار لجوزى واصحيه وافطرة وبعدين اغسل الاطباق بتاعة الفطار والبس والبس لوجى ولو حبت تفطر اوكى او لو لاء خلاص بتفطر فى الحضانة بتكون الساعة بقت 9 اوديها الحضانة واروح شغلى واخلص الساعة 6 وارجع اجبها من الحضانة الساعة 7 واروح بيها بعد ما تكون لازم راحت على اى سوبر ماركت تدلع وتجيب اى حاجة علشان ترضى نروح والا تفضل تعيط على باب العمارة المهم اروح المفروض انى اطبخ الغدا واحمى لوجى وطبعا اغسل وانضف الشقة لانى بنزل قبل باباها و لما برجع ولو عمل لنفسه كوباية شاى بعد ما ننزل الاقى المطبخ كل الادراج مفتوحة وحالته حاااااااااااااله المهم اخلص الغدا اللى لازم يكون كل يوم حاجة جديدة لازم رز وخضار وسلطة وطبعا فراخ او لحمة مينفعش معاه البانية والمكرونة ولو معملتيش محشى اسبوع تخيلى انه يحس انك مطبختيش ؟؟؟؟؟؟؟؟؟؟؟؟؟؟؟؟ وان الشغل عندى اهم
المهم اعقد مع لوجى من الساعة مثلا 10 للساعة 1 نلعب وهى عموما مش بتنام قبل الساعة 1 وساعات 2 وباباها بيجى الساعة 11 دة لو مخرجش مع اصحابه ولو قلتى له مش لازم اصحابك كل يوم طبعا يقولك انت نكدية فتخيلى انسانه يومها كلة شغل من الساعة 7 لغاية 2 تفتكرى اعصابها هتكون عاملة ازاى عندها وقت تدلع بس والله بدلعها لدرجة ان الناس بتقولى بنتك دى مدلعة جدااااااااا وساعات بتنزلنى 10 باليل افسحها كمان وافضل الف بيها او اوديها اى مكان بس احيانا من التعب بصراحة بصرخ لانى مش قادرة وبعدين اندم واقول هى ايه ذنبها بجد
ده شغلى انا هى طفلة وبس تلعب وتدلع وبس
بس انا اصلى نمكية شوية يعنى لازم لوجى تكون نضيفة جدا علطول مسرحة شعرها ساعات بحس انى بعاملها اكبر من سنها فعلا مش عارفة بس انا خايفة تطلع زى باباها بصراحة متهتمش بالحاجات انها ترجع مثلا العروسة لمكانها او اللعبة او الطبق بتاع الاكل تسبه على الارض انا عارفة ان دة عادى فى الاطفال بس انا عايزها تكون نضيفة ودايما جميلة وتسمع الكلام قولو لى اعمل اية .
حتى جوزى يفضل يتريق عليه هو يعنى لازم تنضفى الشقة كل يوم كل يوم تلمعى وتمسحى وتنضفى انا مش بقتنع بالشغالات بصراحة ودايما بحب الشقة تكون نضيفة علشان انا عارفة لو يوم لقى ترباية هيقولى طبعا الشغل مش مخليكى تخدى بالك من البيت يعنى بجد مش ممكن اعرف ارضية انا دايما بقوله انا معرفش اعيش لو المكان فيه حته ترباية فما بالك ببيتى المهم فعلا دى خلافات اكيد عادية بينا بس انا عارفة ان الستات غير الرجاله فى النضافة بس على الاقل ممكن يشجعوا بلاش احباط ؟
صدقونى لو حد قالى انى غلطانه فى اى حاجة هبطل اعملها ؟
انا بس مشكلتى الوحيدة انى من الضغوط اللى عليه ساعات مش بعرف اسيطر على نفسى فبصرخ فيها ...اعمل اية
الروابط المفضلة