السلام عليكم ورحمة الله
أخواتي في الله أولا عساها الجنه اللي بتهتم بموضوعي حتى لو بدعوه
ثانيا : قد يكون موضوعي طويل لكنه غريب وانا لن أكتب الموضوع بكامل تفاصيله لاني ذكرتها لشيخ فقال لي هذي أغرب حاله سمعتها في حياتي
بيتنا مكون من عمتي ( أم زوجي ) أنا أسميها المدير العام ، وأولادها الخمسه المتزوجين و زوجاتهم وأولادهم كلنا في بيت واحد ، هذي أول مصيبه الاختلاط كل واحد حافظ كل شي عن زوجات اخوانه لا ويتدخل في شؤونها بعد
أول كل شهر الاولاد الخمسه المحترمين وزوج عمتي الموقر يعطون عمتي اللي هي المدير العام الراتب كامل وهذي المصيبه الثانيه
ولدها الكبير زوجته وحده ثانيه ومن غير علم زوجته الاولى والسبب أن الثانيه عندها فلوس وأنا خايفه تسويها فيني
تصدقون أني متزوجه من 3 سنين وطلعاتي مع زوجي لوحدنا تنعد على الصابع أظن 3 مرات
كل ما تصير مشكله عند وحده منا بعد فتره تصير مع وحده ثانيه نفس المشكله
قائمة الممنوعات في البيت :
الدراسه ، المبيت خارج البيت ، السفر ، الشغل ، شغاله لج وحدج ممنوع والقائمه طويله عريضه
الخلاصه :
اكتشفنا أن عيالها وزوجها مسحورين والله هذا الكلام مب من عندي حتى أن الشيخ قال لي اقري على زوجك الرقيه ولما قريت عليه صار عصبي بشكل فضيع فقال لي زوجك مسحور
وفي وحده اعترف أنها ساحره قالت لي نفس الكلام وعطتني بخور وأشياء ثانيه لكن والله قلبي ما طاوعني وما قدرت أخسر آخرتي على دنيا بسيطه ومستحيل أتعامل معاها مهما صار، لا تعاتبوني لاني ندمت لاني رحت للمشعوذه
لكن المشاكل والتحكم فينا يزيد يوم بعد يوم
دعواتكن
الروابط المفضلة