هذي طرائف من مسببات الصداع وارتفاع الضغط انتشرت هذه الأيام
* ........ كثرة كلمات السر اللي ماعاد نلحق عليها
*........ فيه حرب ولا مافيه ,
*....... التركيز على البلاي ستيشن : وهذي صارت مع احد زملائي وراح للدكتور
قاله الدكتور انت عليك ضغط عمل او مركز على معاملات في المكتب
او تتابع حركة الأسهم على الشاشة ؟؟
قال لا والله خمس ساعات اتابع حركة الكوره على البلاي ستيشن !!!
*.......... شريط الأخبار اللي توهم طايحين فيه باسفل التلفزيون
نبي نلحق وش مكتوب والله يخلف على النظر
*..........اذا أحد قعد عندك يجرب نغمات جواله وحاط الصوت اعلى شي
*.........اذا واحد محول جواله عليك بالخطأ ( انواع الأتصالات )
*..........اذا واحد عليمي انترنت وكمبيوتر بعد وقالك سو لي ايميل وسويت فيه
خير وصار كلما مر احد من ربعه ولقا كمبيوتر اتصل عليك والسؤال الروتيني
وش الموقع ؟ وش الأسم ؟ وش كلمة السر ؟
وبعد كم يوم يكلمك ويقول تكفى شيك على ايميلي وشف من ارسلي !!
الى الآن تمام , بس شرايكم انه كلم مره ثانيه وقال تكفى رد عليهم !!!
( لا عادها الله من فزعه ) .
اتمنى تعجبكم واذا ما اعجبتكم زودو على الأسباب اللي فوق واحد
اذا احد من الأخوة أو الأخوات عندة اضافه
شكرا ً لكم .
الروابط المفضلة