مسا الخير يا احلى ستات كيفكم
اليوم جايبتلكم بوظة فراولة بتجنن
والولاد بموتو فيها وغير هيك مغذية كتير
المقادير
كاسة فرولة مفرومة مربعات لاناعمة ولا خشنة
سكر حسب الرغبة
2 علبة شمينت كبيرة يعني 200 ملم
كاسة بوظة فانيلا بنقيمها من الفريز قبل ما نبلش
منشان تسيح
الطريقة
اول اشي بنفرم الفرولة مربعات وبنحط عليها السكر وطبعا
السكر حسب الرغبة
بنترك الفرولة ساعة زمان بنرجع انلاقيها زلت مي لونها احمررررر
بنجيب الشمينت وبنحطه فوق الفرولة وبنخلطة بخفاقة البيض اليدوية
بعدين بنجيب البوظة السايحة وبنحطها فوق الخليط
وفيكي تحطي بوظة اكتر
وفيكي تستغني عن البوظة وبتتاكل طوالي
منحط الخليط كله بعلبة بوظة فاضية او اي علبة بلاستيك
وبنحطها بالفريز
وخليها تجمد حسب ما انتي بدك
وهلأ خلينا مع صورة الطبق النهائي
اسفة ما صورت الخطوات لانه جوالي كان خالص شحنه
فيكي تحطي سور كريم بدل الشمينت
او لبنة حلوة خصوصي للحلويات
بتمنى البوظة تعجبكم وتجربوها
الروابط المفضلة