تعالوا نسترجع...ذكريات الطفوله والمكياج...

**انفال** · 01-09-2003, 11:30 PM

السلام عليكم ورحمة الله.............
اعتقد مثل ما يقولون اان الموضوع باين من عنوانه........

...
يعني انا ادعوكم لجلسة سوالف نسترجع فيها ذكريات طفولتنا والمواقف الطريفه والمحزنه اللي صارت...طبعا مع المكياج وأدوات التجميل .....لكن بشرط لازم تكون من واحنا صغار.....

طيب وقبل كل شئ اتفضلوا حلو وتقهووا علشان تزين السوالف......

طيب واشرايكم نبخركم بعد.......

طيب انا راح ابدا........
اتذكر لما كنت صغيره ....كنت احب شئ اسمه (حمره) يعني الروج..أحمر الشفايف .....
وكان ابوي الله يعطيه العافيه يارب قولوا آمين.........أكره ما عليه يشوف الحمره ......

أتذكر لما كنت أروح لعرس كنت اشوف البنات حاطين مكياج ...وكنت أحسدهم بصراحه ...
كنت انتظر احد من خالاتي يحضر علشان اقولها تمكيجني .....وتعالوا شوفوا لما احط حمره ومكياج ......ما اكلم احد......ههههههه وكل شوي ارجع على خالتي علشان تعيد عليها.....ههههههههه( من كبر الشفايف عاد)....المهم لما نبي نرجع البيت ....أقوم وأمسح كل اللي حطيته وأمسح وأمسح عاد تعرفون أحمر الشفايف اللي من قبل ما كان يروح بسرعه
كل هذا علشان ما يشوفني ابي.......
وكنت لما نروح زياره لبيت أخوالي على طول طوالي على غرفة خالاتي.....(ما غير مقابله هالمرايه والتسريحه وهات يلعب بالمكياج) الأطفال كانوا كلهم يلعبون الا انا في غرفة خالاتي...هههههههههه....(أخبص)..... يعني لاعبه بالدنيا لعب.......
وأتذكر كمان لما كان عمري تقريبا 15 سنه او أقل....عجبتني تحفه بسيطه على شكل بجعه....
وشريتها والله ومن غير ما أعرف وش فيها.......المهم لما ردينا البيت اختي الصغير الله يهديها (كان عمرها في ذاك الوقت حوالي 6 سنوات) من لقافتها.....تلعب في التحفه هذه وفجأه شالت قاعدة البجعه وطلع فيها حمره(روج) وراحت طوالي على ابوي تركض وانا أركض وراها من هول الصدمه.....

المهم قالت ك: يبه شوف شوف اختي وش شاريه........

وانا والله ما كنت أعرف......المهم الوالد الله يعافيه امر بسكين وقطع رقبة الحمره من (لغاليغها)
وانا كنت في غاية الحرج منه........(موقف ما انساه)...اختي ملقوفه صح........

انا تعبت وانا أكتب .........يله يا حلوين نبي مشاركاتكم....وسوالفكم الحلوه.....
أختكم انفال...........

**كوكب** · 01-09-2003, 11:56 PM

عزيزتي انفال موضوعك مرة حلو
بالنسبة لي انا كنت ما اشرب ماي خوفا على الروج فكنت اموت من العطش طول العرس لا كني اقاوم من اجل الحمرة تعرفين اخاف تروح محد فاضي لي يحط لي مرة ثانية
اما يوم كبرت اشوي يعني عمري 10 اذا زهقت قمت حطيت روج احمر مرة من حق الوالدة الله يخليها ونفشت شعري يعني اني متزينة طبعا اللبس مش لازم اهم شيء الحمرة والشنطة

**انفال** · 02-09-2003, 12:06 AM

ضحكتيني والله يا كوكب....أضحك الله سنك.....صادقه والله اهم شئ الحمره لاتروح......

**غفرانك** · 02-09-2003, 01:43 AM

انا كنت احب اكل الحمره ريحتها امممممم لذيذه

خخخخخخخخخخخخخخخخخخخخخخخخخ

**شموع المحبــــة** · 02-09-2003, 01:46 AM

انفال فكرة حلوة

أما الحمرة سالفتها سالفة

ما نتكلم كثير ولا ناكل ولا نشرب . . اذا راحت ما حصلت مرة ثانية

**نورلينة** · 02-09-2003, 03:04 AM

تدرين ياأنفال أنا أول مرة استخدمت الماكياج فعلياً (مجرد روج ومحدد بس) كان بعد ماتخرجت من الثانوية بسنة

لأن شكلي مايستوعب الماكياج حتى الآن بعد ماتزوجت ماكياجي دائماً ناعم وهادي وماأحب الخبيصة والتكلف فيه

نرجع لموضوعنا.........

أنا في صغري أحب ألعب بالماكياج زي باقي البنات مع أنه الوالد كان زي والدك مايحب الخرابيط هذي

كنت كل ماأروح مع أمي للسوق عنيييييييييدة أبي أشتري علبه ماكياج مدري ليه؟ والوالدة ترفض وفي الأخير تذعن لعنادي

....تستحي من الفشيلة بين الناس في السوق

لما كان عمري (7سنوات) كنت أسوي الماكياج لبنات عمي اللي أكبر مني بسنتين وثلاث (كوافيرة) بس كان في نظرنا يجننننننننننننننننن ولا بتوع السينما

....مع أنه خبيصة وخلطبيطة

مرة شريت علبة ماكياج حلوة (عمري 6سنوات ونص) ياسلام على الدلع
وأعجبت عمتي المتزوجة حديثاً وكانت تغريني وتقول: عطيني العلبة عشان أرويك صور زواجي
وعطيتها طبعاً
مو كرم أخلاق ........لا لا لا

عشان بس أشوف صورتها وهي لابسة الفستان ومتمكيجة ويمكن أسوي زيها خخخخخ

ملاحظة : أنا أشتري العلبة بس ماأحط شئ على وجهي مدري ليه ....
أقعد أخبص على غيري وأطلع مواهبي فيهم (مواهب التهريج مو التجميل)

**بنت بلدها** · 02-09-2003, 03:13 AM

ههههههههههههههههههههههههه

موضوع شيق وذكريات رائعه

أنا موتي شيء إسمه تسريحات من صغري لكن مكياج

لالالالالالالالالالالالالالالالالالا

الوالد الله يرحمه

عنده هذا من قلت الحياء
ما حطيته
إلا وأنا عمري 16 سنه حتى الحمره عمري ما حطيتها إلا في هذا السن

ما أدري ليش !!!!!!!!!!!!!!!!!!!!!!!!!!!!

بس

ما كانت مهمه لي بالدرجه الأولى عكس

التسريحات

كنت من وأنا صغيره أحب ألعب بشعري ماشاء الله

بارك الله فيك
الله يرضي عليك صراحه موضوع رهيب ماشاء الله

تسلممممممممممين

**((الامبراطورة))** · 02-09-2003, 07:06 AM

اما انا فحكايتي حكاية ..كان عندنا في العائلة عيب المكياج للبنات الصغار الي في سننا ..ولا عندنا قطعة روج (احمرالشفاه ) .
اما الكحل مسموح ..فكنت انا وبنت عمي نرسم عيونا ..ونشتري اسكريم احمرغامق (قطعة ثلج )ويصبغ بالحيل ونقعد نمص فيه الين ماتصير شفايفنا ولسانا أحمر قاني تقولين دم ..قال ايه روج آخر ماركة .

**هنوي** · 02-09-2003, 09:52 AM

الله عليك ياخت انفال رجعتينا لايام زمان لم كنا صغار وان عندي موقف مع الروج كنت ما احط الروج إلى في الاعياد وفي عيد من الاعياد كنت حاطه روج احمر ورايحه لبيت جدتي الله يخليها لنا قولو امين وطول الجلسه وانا متكلم ابد يعني مؤادبه واخواتي سوالف وضحك وان ساكت وماده هلبوز وهم يحولون فيني علشان اتكلم او اكل حلويات العيد مافي فايده تعرفون ليه علشان مايروح هروج الي فيني ولا بعد صارت بنت اختي مثلي الان كل مامسح هروج حطة غيره
ولان محب احط روج ولا ماكياج مدري ليه الى في المناسبات

**انفال** · 02-09-2003, 10:32 AM

تآكلينها مره وحده يا غفرانك........هههههههطيب كيف لقيتي طعمها مثل ريحتها والا احلى...؟؟!!

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: تعالوا نسترجع...ذكريات الطفوله والمكياج...

أدوات الموضوع

العرض