السلام عليكم ورحمة الله وبركاته
-------
اخواتى الحبيبات محتاجة أستشارتكم و أرائكم فى تعلم الخياطة .. و شراء ماكينة خياطة
و ربنا يجزيكم كل خير
اولا
انا لا اعرف اى شىء عن الخياطة تماما و لا عمرى كانت لى ميول للخياطة .. لكن ساعات بشعر انى نفسى انفذ اشياء بالبيت من صنع ايدى
فهل مسألة تعلم الخياطة وحدى و من خلال الكتب و المواقع صعبة ؟ و محتاج قدرات معينة
ثانيا
فكرت أنى أشترى ماكينة خياطة خاصة بالتطريز و أعمال الديكور فى البيت و أستعين بكتب الديكور و الخياطة و أنفذ الأشكال التى تعجبنى
لكن خايفة ان الموضوع يكون مجرد فكرة و أزهق منها سريعاً .. و أكون تهورت فى شرائها و الأمر يطلع أصعب من تخيلى حالياً و تكون الماكينة أستخدامها معقد بالنسبة لى خصوصاً أنى لم أستخدم أى ماكينة قبل كده أبداً و أكتر شىء عملته هو وضع الخيط فى الأبرة
و ده تقريبا الموديل المقصود
لذلك خطر لى حل آخر و أتمنى رأيكم فيه
أنى أشترى ماكينة بسيطة و أقدر استخدمها فى عمل مفارش أو ستائر يعنى مش تفصيل ملابس
و تكون رخيصة علشان اقدر اشترى فيما بعد لو احببت الموضوع الماكينة اللى اعجبتنى و بدون ما تكون الماكينة القديمة مركونة و فلوس مهدرة
و لا من رأيكم أشترى الماكينة الكبيرة من الأول و أخلص نفسى
و لو كان الأختيار الثانى ياريت تساعدونى فى موديل ماكينة محدد علشان اشتريه لأنى بالنسبة لى امكانيات كل ماكينة طلاسم
الروابط المفضلة