تسلمي اختي جيهان .. الله يخليكي وشكرا على الاستجابه السريعه منك .. والله من كل قلبي بتشكرك الله يعطيكي يارب على قد نيتك .. انا استعجلت وبعتت للأخت ام سهيل رساله لحتى تخبرك .. بموضوعي بس الحمد لله انك شفتيه بتشكركن ..
اختي انا اكلي تقريبا روتيني .. يعني بصحى الصبح تقريبا الساعه 10 ما بفطر ابدا ..
بتغدى الساعه 2 تقريبا .. اكلي بهاليومين كان على الشكل ..
يوم الخميس يللي مضى كان الغدا .. صحن معكرونه .. بدون جبنة او زيت .. والخضرا يللي بهالطبق كانت بصل وتوم وبندوره وفلفل اخضر حلو ..
العشا كان ساندوش جبنه صفرا .. وصحن نوع من الحلو اسمو رز بحليب
يوم الجمعة ( امبارح ) كان الغدا صحن مقلوبه مع ملوخيه والعشا كانت حبتين شوكولا ..
واليوم كان اكلي نص خبزه مع بطاطا مقليه وشوية فلافل وبس
بعرف انو زدتها بيوم الخميس بس كنت حاسه حالي محتاجه للسكر وهاد يللي بيخليني اكل احيانا حلو اكتر من اللازم ..
كمان ملاحظه خيتا جيهان انو انا ما بشرب مي كتير .. يعني معدل كؤوس المي يللي بشربا باليوم تقريبا ما بتتعدى ال5 كؤوس .. وكمان ما بشرب مشروبات غازية ابدا .. ومن ناحية الرياضه فأنا بعمل رياضه مرتين بالاسبوع مو اكتر
اختي جيهان عنجد ما بعرف كيف بدي اتشكرك .. ان شاء الله ربي بيحققلك كل يللي بتتمنيه يارب ..وبتمنى ما كون زعجتك والله بس كنت محتاجه للمساعده
موفقه اختي .. وبإنتظار ردك
الروابط المفضلة