كيفكم الجميع ان شاء الله تكونوا بخير يا رب
عندي مقبلات خفيفه اليوم
خلينا نبلش بسمك الحبار او كالماري
المقادير
سمك منظف وجاهز
ملح +عصير ليمون+زنجبيل طازج
كمون +فلفل اسود+رشة شطه حمراء
2 بيضه مخفوقه
طحين
بقسماط
الطريقه
ضعي الملح+الفلفل +الزنجبيل +الكمون +عصير الليمون على السمك
اغمسي قطعة السمك بالطحين ثم بالبيض ثم بالبقسماط
وهكذا جهزنا السمك للقلي
اقلي السمك في الزيت الساخن ولن ياخذ الا الوقت القليل ليجهز
وصار عندنا احلى طبق من السمك
الآن عندنا الهليون او ما يسمى في فلسطين هليون بالبيض
يعني الفلسطينين ممكن يطلعوا على الجبل في البر ويحضرو اكلهم بسهوله في هذا الموسم موسم الربيع خبازه او هليون او عكوب او زعتر او ورق اللسان كله موجود ما شاء الله
ابني طلع على الجبل نزهه أحضر معه هليون
المقادير
1ضمه من الهليون الاخضر الطازج
2 بيضه
1 بصله صغيره
ملح+فلفل اسود
وبس
الطريقه
افرمي البصله ناعم وذبليها مع قليل من زيت الزيتون
اضيفي الهليون المقطع الى البصله واتركيها على نار خفيفه حتى تنضج
اضيفي البيض +الملح +الفلفل وحركي حتى يجمد البيض
وهذا احلى طبق
عندي عجة القزحه قصتها قصه
كنت وقت الولاده الوالده تعملي اياها حتى تعمل حليب للطفل فكانو اهل البيت يأكلوها قبلي هههههههههه من وقتها كل اولادي بحبوها وأعملها كتير خاصه على الفطور وبحبوها وقت الامتحانات لأن حبة البركه كتير مفيده للذاكره هيك بحكو والله اعلم
المقادير بالعيارات تماماً
نصف كاس ماء
3 ملاعق كبار طحين
1 ملعقه كبيره حبة البركه
1 بيضه
رشة ملح
بنحضر مقلاه فيها زيت مش كتير يعني وسط
بنفرد العجينه بالمقلاه والزيت بارد خذي بالك لانه اذا سخن الزيت بتقرمش المقلاه في الوسط وما بتفرد
بننتظر ليتحمر الاسفل وبنقلبها وبنحمر الوجه التاني
وهكذا عندنااحلى عجه
ادعو لابني الله يهديه ويدرس للتوجيهي وينجح
سلالالالالالالالالالالام
الروابط المفضلة