السلام عليكم ورحمة الله وبركاته
ازيكم يا بنات يا شرباتات هاكلمكم النهارده عن موضوع محيركم وهو فرد الشعر صح ؟
امممم ياربى اعمل فرد كيمائى ولا اروح لسحر ولا اجرب الحنة ولا اليوكو الى معرفش هو فين فى بلادنا مصر دى ما علينا هاحكلكم بالتفصيل
صلوا على النبى
انا شعرى مش مجعد اوى بس هو بيهيش وبيحتاج لف ودهان وكده وانا داخله على جواز فا مش هاينفع بقى
فا بدايه زمان كنت جربت الى اسمه جلات ده وهو وحش
بعدين جربت حنه الفرد السوده المهببه ايه عشان بتهبب فعلا مميزها لو سعرك موجه مش جامده هاتفرده جامد ويبقى ليس زى اليابانين بس ايه المشكله بقىىى؟
1- اولا بتبقى على راسك ليله كامله وتنشب وتحسى انك بقيتى امنحوتوب
2- غسيلها مرهق جدا تقريبا كل مره بستحمى كانت بتنزل اسود واحوط حاجه على المخده عشان البقع والايشاربات بتبوظ
3- ارخم حاجه مافيش تغييير لللون الشعر واصل واصل ولو بالدناميت
4- عند تجديد الحنه للمره التانيه شعرك بيبقى مفررووووووود اوى لدرجه تحسى معاها انه بقى صناعى
5- هى قعدت معايا من ساعه ما عملتها ماتغيرتش ولا رجع شعرى تانى مجعد خالص انا الى زهقت من اللون الاسود وقصيت شعرى
دى مميزتها وعيوبها
بالنسبه لكوافير سحر انا مجربتوش بس اسمع انه فى الاول الشعر بتفرحى بيه وبعد كده كل سنه وانتى طيبه شعرك راح بيتحرق ويبقى زى الخيش ودا الى شفته فى شعر جارتى وكمان شعرها خف جدا جدا
اخر حاجه الى جربتها وفرحت جدا وبشكر عليها الاخت الحب الحقيقى والمنتدى كله وبدعلهم من كل قلبى ربنا يكرمهم
الى هو كوافير اوشين ده
هى فعلا مدام يابنيه اسمها يوريكو او ياسمين هى مسميه نفسها كده لذيذه جدا وحبوبه هى فى المعادى قريب من محطة المترو
المهم كلمتهم ورحت شافت شعرى وقالت هايتكلف 700 جنيه مصرى (يا فرحتى) ماما اتكلمت معاها قامت خلتهم 650 بس بدأنا بعد كده عسلوا شعرى جامد اوى وبعدين حطو ماده الفرد عليه وقعدت بتاع 25 دقيقه تحت حمام بخار وبعدين غسلوه تانى وبعدين عملوا سيشوار ومكواه سيراميك وحطو كريم مثبت وقعدت بتاع 20 دقيقه حمام بخار تانى وبعدين غسلوه وحطوا بلسم حلو اوى وبعدين شطفوه وكان شعرى بكده اتفرد قامه عملوه سيشوار تانى وقالوا اوعى اغسله قبل 3 ايام انا قعدت اسبوع
وكمان بلاش بنس واساتك والعجن الى بنعمله فى شعورنا ده
المميزات
لون شعرى زى ما هو
ممكن الونه بعدها ب3 اسابيع
هايفضل مفرود طول العمر والى بيطلع جديد بيتعمل ب200 جنيه
المعامله هناك زوق جدا وممتازه
بشكر الحب الحقيقى الى دلتنى عليه
واى استفارات انا معاكم
ويارب كل بنات مصر يبقوا قمر
بالمناسبه انا كتبت الموضوع ده لعده اسباب
افيدكم واشكر الحب الحقيقي ووعدت مدام يوريكو ان لو عجبنى هاكتب كده عالنت
على فكره هاتفرح اوى لو قولتلها انكم عرفتوها من النت
ادينى وفيت بوعدى يا مدام ياسمين
سلام يا بنات
يسرا
الروابط المفضلة