ازيكم اخواتى فى الله يا رب تكونوا كلكم بالف خير و بصحة يا رب
النهاردة باذن الله هنعمل حلو الفينو وكراة البطاطا الحلوة حلويات سهلة و سريعة و اقتصادية جدا جدا يعنى ينفع لزنقات اخر الشهر
كراة البطاطا الحلوة
حلو الفينو
*******************************
اولاكراة البطاطا الحلوة
مكوناتها رخيصة جدا و هى سهله و مش بتاخد وقت
بطاطا مسلوقة و مهروسة (انا هنا عملت حوالى نص كيلوبطاطا )
بسكويت سادة متكسر (باكو بسكوت صغير )
جوز هند حوالى نص كوباية – معلقتين زبيب – 3 معالق سكر نص معلقة صغيرة قرفة – معلقة كبيرة زبدة سايحة
شيكولاته و هنسيحها للتزيين
الطريقة ..,,, مفيش اسهل منها
هنا البطاطا المسلوقة و المهروسة
و هنضيف عليها باقى المكونات السابقة و هنخلطهمم ببعض كويس جدااا
**و هنشكل كور و بعدين نسيح شيكولاته و نزوق بيها وش كرات البطاطا بالشكل ده
....شوفتى ....مفيش اسهل و لا اسرع و لا اوفر من كدا و هتعجب الاولاد بالذات جداااااااااااااااا و الله يحيى ومازن خلصو عليها بالهنا و الشفا
*******************
الحلو التانى حلو الفينو
مكوناته سهلة جدا و متوفرة فى كل بيت
عيش فينو بايت – معلقة سمنة او زبده
لبن حليب – سكر - معلقة قرفة صغيرة – جوز هند
الطريقة
هنقطع العيش بالشكل ده ( هنقسمه نصين بالطول و بعدين نقطعه بالعرض بالشكل ده )
و الله يا جماعة حلو جدا جدا و ينفع كده لليالى الشتوية الباردة ههههههههه
جربيه و ان شاء الله هتدعيلى
يااااااااااااااااا رب موضوعى البسيط ده يكون عجبكوا
و بالله عليكو ما تنسوش تدعى لمازن ابنى بالشفا
فى رعاية الله يا احلى صحبه
الروابط المفضلة