السلام عليكم ورحمة الله وبركاته
أخواتي والله انا محرجه جدا منكم في الموضوع إللي هكلمكم فيه بس والله أنا مش عارفه اعمل إيه وخايفه جدا ازيكم ومن غير اى مقدمات انا كنت فى اوضة النوم بتاعتى انا وجوزى وكنا(... )وفجأه لقينا بنتنا فى الاوضه وطبعا شافت المنظر اللى انتو عارفينوا
اتارى البنت خبطت على الباب ولاقته فتح معاها ازاى مش عارفه مع انى والله لازم أتاكد كل مره انه مقفول بالترباس كويس حتى المره دى اتأكدت بس ازاى فتح الله اعلم
المهم انا جريت عليها وكنت بأدارى فى نفسى بس بايه وازاى مش عارفه المهم طلعتها بره ورحت وراها بسرعه علشان قبل ما تحكى لاخواتها اصل لسانها متبرى منها شويه
ويا حبايبى لاقيتها مكسوفه وشافت كل حاجه بس انا قعدت اقولها كلام مش عارفه هى مقتنعه ولا لا
المهم انا عيزاكوا تقولولى اقولها ايه انا خايفه عليها قوى وعلى نفسيتها وبرضه دى ممكن تقلد اللى شافته ولا ايه
على فكره هى عمرها 5 سنين
مستنيه ردودكم
رد مع الاستدلال
كتبت بواسطة بربرة
الروابط المفضلة