السلام عليكم ورحمة الله وبركاته ،،،
الله يسعد صباحكم ومساكم ...
بإعتبار إنو اليوم الجمعة دايما بحب اتفنن بالفطور واليوم سويت تسقية شامية .. بس شو تسقية تستاهل تذوقوها والله .. عن جد طيبة كتير ..
نخش على المقادير بعدين على الصور...
المقادير..
1 علبة لبن زبادي
عصير 2 ليمونه
2 سن ثوم
نص كوب صغير طحينية
2 رغيف خبز مقطع مكعبات ومقلي
2 علبة حمص حب جاهز
لحمة مفرومة محمسة بسمن وعليها شوية ملح وفلفل وبهار وخلي السمنة زيادة
صنوبر مقلي
ملح وكمون
الطريقة..
في بايركس ضعي الخبز المحمص وشوية حمص حب ورشي عليه شوية ملح وكمون وعصير ليمون وحمص حب ونص كوب مرق الحمص وقلبيهم منيح حتى يتبلل الخبز كلو..
ضعي اللبن والثوم وعصير الليمون والطحينية وشوية ملح وكمون ومية الحمص وحمص حب داخل الخلاط وخليهم ينخلطو مع بعض .. إذا كان جامد زيدي عليه شوية مية الحمص وإذا مرق زيدي حمص حب .. وطبعا ذوقي وشوفي إذا محتاج زيادة ثوم أو ليمون او ملح ..
صبي الخليط فوق الخبز اللي في البايركس وزيزني الوجه بالصنوبر المقلي واللحمة المفرومة والسمنة وإذا زاد عندك حبات حمص ممكن تزيني فيها الوجه... أنا كترت اللحمة لأنو زوجي بحبها هيك..
كلو وأدعولي... وعوافي على قلوبكم يا غاليات...
وهاي الصور...
وهاي من جنب ..
الروابط المفضلة