كل عضوة إللى ولدت طبيعى أو قيصرى أو طبيعى بدون ألم... تدخل (محتاجة تجربتكم)

[buenachica]

السلام عليكم ورحمة الله وبركاته

عاملين إيه يا أخواتى .. ندخل فى الموضوع على طول

الحكاية بقى إنى الحمد لله حامل فى الشهر الخامس أوشكت إنى أدخل فى السادس بإذن الله .. ومن ساعة ما عرفت إنى حامل وأنا عمالة أثقف نفسى عن الحمل والولادة وما بعد الولادة


....... والنتيجة .......


إنى الحمد لله عرفت معلومات كتير أفادتنى فعلا مهمة ( دى النتيجة الإيجابية )

(النتيجة السلبية بقى ) إنى من كتر ما عرفت عن الولادة الطبيعية إترعبببببببببببببتتتتتتتتتتتتتتت وقلقت جدااااا

فأنا حاليا محتارة مابين طرق الولادة كلها ومش عارفة أعمل إيه وزوجى سايبلى الإختيار علشان متعبش أعصابى وكل نوع من أنواع الولادة فيه حاجة مخوفانى

أولا وبإختصار : الولادة الطبيعية طبعا غنية عن التعريف .. مش متخيلة نفسى فيها خالص دانا لما بيجيلى إمساك بحس إنى بموت ولا مغص الدورة الشهرية كان بيتهيألى إنه أصعب من الولادة .. وكمان حاجة أنا زوجى دكتور أطفال حديتى الولادة .. وبيقول إنه لازم يحضر الولادة علشان هو إللى يعمل لإبنه اللازم .. وأنا مش متخيلة إنه يشوفنى فى الوضع ده حتى الدكتورة بتاعتى بتنصحنى إنى مولدش قدامه .. لأنها برده مرت بنفس التجربة وزوجها ولدها مرتين وبتقول مكنتش تتمنى إنه يشوفها فى الوضع ده ( وطبعا مقدرش أمنعه من حضور العملية لأن ده إبنه وده تخصصه وهو ميستأمنش حد تانى عليه )

ثانيا : الولادة القيصرية .. أخويا دكتور وبيخوفنى منها وبيقولى إن الطبيعى أحسن منها لأنها بتكون جرح فى الرحم وده خطر وبيتعب فى الولادات إللى بعد كدة .. وبتبقى عملية وبتخدى فترة عما ترجعى لطبيعتك ومن الصعب إنى أولد طبيعى بعد كدة

ثالثا : الولادة بدون ألم : كويسة مفيهاش مخاوف عندى , بش المشكلة فى دكتور التخدير .. معندناش دكتورة تخدير .. وزوجى بيقولى إن دكتور التخدير بيبقى موجود طول عملية الولادة علشان المخدر بيتاخد جرعات .. وأنا منتقبة وخلاص الحمد لله إتعودت على الستر ومش متخيلة إن راجل غريب يشوفنى فى الوضع ده وكمان دكتور التخدير زميل زوجى .. يعنى الموضوع محرج جدااااا ومحير

طبعا أنا بستخير ربنا .. ولسة كمان هصلى إستخارة كتير لحد معاد الولادة إن شاء الله

بس قولت آخد رأيكم ورأى المجربين أنا عارفة إن عضوات لكى أخواتى الأعزاء كرماء ومش هيملوا من كلامى الكتير وهتحسوا بيا وتساعدونى إن شاء الله .. بشرح كل واحدة فيكم تجربتها بعيوبها ومميزاتها

مستنياكم على أحر من الجمر

[ام سهيل]

اهلين ياغالية

ربنا يقويك وتقومي بالسلامة
حبيبتي الولادة اسمهاالساعة المنسية .

يعني كلها كم ساعة وشوفتك للبيبي تنسيك كل شيء .

انت لاتعملي مثلي
انا في حملي الاول عملت مثلك قرات وثقفت نفسي حتى انه والدي كان عنده كتاب يشرح الولادة بالصور الحقيقية يعني حرمة ومصورينها وكنت كل يوم اتفرج عليه واتخيل نفسي .
المهم يوم جت الولادة اتوترت والرحم من كثر ما اعصابي مشدودة مو راضي يفتح والرحم صار خشن
ومن الساعة 4 الفجر الى الساعة 8 الليل وهو نفس الحال .
بعدين الدكتورة اعطتني ابرة خلتني اناموفي نص ساعة فتح الرحم كله .

المهم انه ماتحطي في بالك لما يبدا الطلق دفي زيت زيتون ومعاه زنجبيل ناعم وخلي زوجك يدهن لك اسفل ظهرك .
وريحي بالك .

[amurra]

حبيبتي هناك ولاده طبيعيه بدون الم بحقنه الابيرادول في الضهر ودي احسن بتكوني واعيه لكن متحسيش بالم الابسيط وبيرشدك الكتور اثناء الولاده تعملي ايه وتنفسي ازاي وفعلا جرح القيصري بيتعبك بعد كده وبتاخدي وقت اطول عشان تستردي صحتك

[amurra]

http://www.lakii.com/vb/showthread.php?t=117960
يارب يفيدك

[صاحبة القلادة]

السلام عليكم ورحمة الله و بركاته
أختي ألف ألف ألف مبروك

[صاحبة القلادة]

السلام عليكم ورحمة الله و بركاته
أختي ألف ألف ألف مبروك

لما قريت العنوان عرفت أنك حامل و فرحت ليك كثير

بس لو تسمعي النصيحة مني يا ريت تولدي عادي
لا تهتمي إن رآك زوجك , لما أنجبت أختي كان من شروط المصحة أن يكون الزوج حاضرا حتى يرى أنها تتعذب حقا لإنجاب طفل له
و الله العظيم أن أختي راحت تولد بعملية قيصرية لأنها متقدرش على الزحم لأن هذا قد يؤدي إلى تمزق بشبكة العين - عينها مريضة- و لما ولدت قيصرية و راح البنج بتقول أن الألم كان فظيع ليس مثل العملية العادية لأن الوجع ينتهي فيها بالإنجاب و مع ذلك حاولت في كل مرة أنها تولد طبيعي و ما أراد الله كانت تلد قيصريا بسبب مرضها
و الله لو شفتيها تصعب عليك , لما راح البنج ظلت تبكي و ما تقدر تذهب حتى للمرحاض بالألم و حاطين لها أنبوب حتى لا تتحرك
و كانت وحدة ست معها في المستشفى تبكي و تبكي و تقول و الله ان تجربتها مع الولادة الطبيعية أرحم بكثير

يا رب ما أكون خوفتك بس ما فيه أحلى و لا أضمن من الطبيعي
أسأل الله العلي القدير أن يجعل ولادتك سهلة ميسرة

[الباش مهندسة]

الف مبروك يا buenachica
وربنا ان شاء الله يديكي ساعه سهله

عايزه اقلك كذا حاجه
1- مهما ثقفتي نفسك وقريتي كل الي شفتيه في عمرك كوم والطلق كوم تاني مش ممكن حد يحيعرف يوصفهولك بس احسن حاجه ان يكون جوزك وامك جمبك امسكي ايده في كل طلقه وخربشيه علي قد ما تقدري ( عشان هو السبب في الي انتي فيه ) ده حيخفف عنك كتير

2- حتولدي طبيعي حتولدي قيصري حتولدي بحقنه لازم بيكون في دكتور تخدير معاكي
بس متقلقيش انتي اصلا بتبقي حاطه علي راسك كيس بلاستك ممكن انتي تجيبيه معاكي وبتلبسي لبس الولاده ده بيبقي مستور ماعدا فتحه فقط تحت عشان الولاده
ودكتور التخدير لو حتولدي طبيعي بيدخل قبل نهايه الولاده بحوالي 10 دقايق وبيكون واقف عند راسك عشان يحطلك الكمامه بتاعت المخدر علي انفك
يعني ان شاء الله مفيش خجل ولا حاجه

3- ايه المشكله ان جوزك يحضر الولاده انتي بتقولي انه طبيب اطفال يعني بيشوف الحجات دي علي طول ومتعود وعلي فكره الدكاتره بيبصوا للموضوع بشكل مختلف لان ده شغلهم زي الجزار بالظبط خلاص
مفيش قرف ولا حاجه عادي ده انا كان نفسي زوجي يحضر الولاده عشان افضل طول عمري افكره بافضالي عليه ومدي المعاناه الي عانيتها عشان اجيبله طفل خليه يحضر

4- انتي عارفه ان دكتور التخدير بتاع حقنه الظهر لازم يبقي شاطر جدا جدا مفيهاش هزار دي لا مش واثقين منه يبقي مفيش داعي علقه تفوت ولا حد يموت بدل ما ندخل في دوامه ملهاش لازمه او البيبي ينزل دايخ وتعبان من الحقنه لاني اعرف انها بتاثر عليه

5- بالنسبالي انا ولدت طبيعي انا دخلت المستشفي الساعه وحده ونص صباحا ولدت الساعه 4 الفجر كنت طبعا بصرخ واقول عايزه حقنه الظهر الحقوني ...بس محدش عبرني الولاده استمره ثلث ساعه وخرجه من المستشفي علي رجلي الساعه 9 صباحا لان البيت كان قريب من المستشفي وانا بكره المستشفيات

علي فكره متقلقيش من الولاده
الولاده نفسها سهله مفيهاش حاجه الصعب في الموضوع الام الطلق الي قبل الولاده بس دعا الوالدين والناس الي حوليكي هو ده الي بيسهل العمليه

الي والده طبيعي عمرها ما حتحس بالي والده قيصري والي والده قيصري عمرها ما حتحس بالي والده طبيعي زي ما قلتي مفيش حاجه بتيجي بالساهل كده امال عايزه تدخلي الجنه ازاي
خليكي في الطبيعي الا اذا استدعي الامر غير ذلك واعملي استخاره علي موضوع الحقنه ده

وابقي طمنينا عليكي

[دنيا الاحلام]

حبيبتى الف مبروك وانشاء دولدتى اسهل ولاده
اما بالنسبه لى
انا ولدت قيصرى وفعلا كلام اخوكى

الولادة القيصرية .. أخويا دكتور وبيخوفنى منها وبيقولى إن الطبيعى أحسن منها لأنها بتكون جرح فى الرحم وده خطر وبيتعب فى الولادات إللى بعد كدة .. وبتبقى عملية وبتخدى فترة عما ترجعى لطبيعتك ومن الصعب إنى أولد طبيعى بعد كدة

وده اللى حصل معايا بعد ما ولدت ابنى قيصرى حملت فى بنتى
والدكتورةقالتلى طبيعى وبردوا ولدت قيصرى
وانا كنت بفكر فى الولاده بشكل فظيع ويا حبيبتى كب شى بيعدى ويتنسى
يارب تولدى طبيعى وتبقى اسهل ولاده باذن الله

[ام علي الامور]

الف مبروك وان بصراحة اتمنالك الولدة الطبيعية (وجع ساعة ولا وجع سنين )وانا ولدة ابني طبيعي نسيت الالم بمجرد ماشفت ابني انا ابي انصحك نصيحة لاتخلين زوجك يشوفك وانت بتولدي

[حمرة الورد]

وعليكم السلام ورحمة الله وبركاته ..

أيام كنت في الجامعة قالت لي دكتورة (رعاية الام والطفل ) كلمة ماراح انساها ..قالت : مافيش حامل ماولدتش .. وعملبة الولادة حاجة طبيعية جداً زي الاكل والشرب والهضم ..

والقطة بتولد لوحدها في الضلام بدون مانسمع لها صوت..

ومن يوم مافكرت دا التفكير ولدت 3 مرات بدون ادوية بدون متاعب والحمد لله ..

صحيح تعب لكن كيف بدنا نخلي الجنة تحت اقدامنا الله ينولنا اياها ..

شي أخير بالنسبة لوجود جوزك .. مو لازم يكون قاعد يستقبل الولد .. يكفي يكون جنبك ولما يجي النونو ياخده ويروح يفحصه في مكان بعيد شوية (عن المناظر) ..

جوزي حضر معايا وحدة ولادة وحسيت انها احسن ولادة مع انها اطول مرة واسوأ مرة لانه جانا دكتور معصب وراسه والف سيف يولدني .. الله أكبر عليه عقد لي الولد ..

نصيحة لاتاخدي معاك نص العيلة ..خليك انت وجوزك بس كفاية الدكتورة راح تتكشف عليك ..ولا تكتري تفكير وكله نصيب ربنا يسهلك امرك وتولدي بسرعة وسهولة .. ماتسمعي عن اليي تولد في السيارة وفي الاسنصير