ازيكو يا اغلي عضوات في احلي منتدي
حبيت اقدم لكن تجربتي مع الفايش خاصة ان كتير مننا بيعتبروه صعب التنفيذ وانا كنت اولكم
الحمد لله نجح معايا من اول مرة بفضل الله ونصائح مامتي
اخدت منها الطريقة واتصلت بيها اكتر من مرة استفسر
وكنت خايفة جدا من النتيجة لكن طلع تحفة
وبعد زيادة الطلب عليه من هيا
بقيت اعمله وبعد تجربتي الثالثة
وجدت انه سهل جدا خاصة اني باعمله في كمية قليلة
صعوبته كانت ان مامتي بتعمل كمية كبيرة
وكنا طول اليوم نخبز فيه وكانت متعته في مشاركة الجيران
وتبادل الصواني وفحص الخميرة ووووو
لما ريحته فحفحت حسيت اني في مصر هههههه
قولت استمتع معاكو ونشوف طريقته مع بعض
وا تمني افيد الجميع
اهم مرحلة هي تحضير الخميرة وبيعتمد عليها نجاح الفايش
والتي تعطي له الرائحة والطعم المميز
نبدا بسم الله
مقادير الخميرة
ملعقة كبيرة حمص التسالي مطحون اللي يباع في المقلة
كوب حليب مغلي
يضاف الحمص المطحون الي اللبن ويقلب جيدا
في بطرمان زجاجي محكم الغطاء
نلفه بقماشة صوفية ونتركه لمدة
24 ساعة في مكان دافي
ويومين للاماكن الباردة ذي حالاتي
نفتح البطرمان تاني يوم في نفس المعاد اللي جهزناها فيه
هاتلاقي ان الحمص عمل قرص علي سطح اللبن
وريحة الخميرة غير مستحبة بس ده عادي
اذا لم يتكون هذا القرص عادي نسيبها لتاني يوم
والصور توضح الفكرة ان شاء الله
مقادير العجينة
الكوب المستخدم كوب الماء الكبير هاتحتاجي الي
خمس اكواب دقيق
فنجان حليب دافي مذوب فيه م ص خميرة فورية +م ك سكر
كوب ماء دافي للعجن ويضاف تدريجيا
3\4كوب سمن +نصف كوب زيت
م ص ملح
م ص كركم
م ك سمسم محمص
الطريقة
نضيف مقدار قليل من الدقيق حوالي نصف كوب
الي خميرة الحمص نعجنهم حتي يمتزجو مع بعض
ونتركهم حتي يتخمروا
انا نسيت اصور هذه الخطوة سامحوني
نجهز الخميرة الفورية ونخلط المقادير الجافة
نضيف السمن والزيت ونقلبهم مع الدقيق
نضيف الخميرة وخميرة الحمص ونضيف الماء تدريجيا
الي نحصل علي عجينة متماسكة ولينة
نعجنهم عشر ق او في العجانة
نغطيها ونتركها تتخمر حتي يتضاعف حجمها
ساعتين او اكتر
نشكل العجينة علي هيئة اقراص
نتركهم يخمروا من تلت الي نصف ساعة
نخبزهم في فرن 400 درجة لمدة عشر دقايق
و نشعل الشواية حتي يحمر الوجه
بعد الانتهاء من خبز الاقراص
نتركهم يبردوا
نقطعهم شرايح ونرصهم في الصاج
ونحمصهم حتي يصبح مقرمش ولونه دهبي او حسب ما تحبي
اترككن مع الصور
ويا سلام عليه مع كوباية حليب
الروابط المفضلة