هلا بيك غاليتي
في البدايه بشكرك من كل قلبي على ثقتك فيني وان شاء الله اكون عند حسن ظنك....
اختي الكريمه انت ما ذكرتي اسم الكريم اللي نصحتك فيه الموظفه عشان هيك ما بقدر احكي عنه انه مليح او لا......بس سعره غالي كتير وهذه مغامرة انك تشتري اشي مش معروف بهذا السعر.....بينما شانيل وديور وكلينك ارخص منه وفي كتير اراء بالنت بتمدح هذه الكريمات.
اما كريم ديور بدي احكي عنه مش دعايه بس لاني مجربته والحمدلله مرتاحه عليه كتير ووجهي بيلمع ومشدود والكل بيشهد اني اصغر من عمري، خاصه زوجي لانه طبيب وبشوف كتير ستات وبيطلع على اعمارهم بحكم شغله...بيجي يحكيلي ويمدحني انه انت شو بتعملي بحالك، انت اصغر بكتير من عمرك وهذه نعمة من رب العالمين.....مش مدح في حالي بس بدي اوضحلك محاسن هالكريم.
مجموعة كريمات ديور dior capture r60 80 هي عبارة عن مجموعه كبيرة لكافة الاعمار......حبيبتي مش معقول يجوا يصنعوا للستات اللي فوق الخمسين وما يصنعوا للصبايا اللي اكتر بيهتموا بحالهن، صح والا لا......
الكريم اللي بستعمله هيدي صورته
مكتوب عليه: للتجاعيد الأولى: وهي بتظهر من سن 25 سنه وفوق وحسب البشرة.....وهي نفسها تجاعيد التعابير اللي بتظهر اول شي
والحلو فيه انه نفس الكريم بيستخدم في الصباح والمساء يعني مش بحاجه تشتري كريمين للنهار والليل .
اما كريم التجاعيد العميقه والنهائية ولسن 50 متل ما بتحكي هذا الكريم
شايفه نفس النوع من الكريم بس كل واحد مكتوب عليه غير....
يعني عاملين لكل الاعمار ونفس الشي شانيل وكلينيك وكل الماركات اللي في العالم.....
نصيحتي الك حبيبتي: ما تسألي موظفه وتاجرة عن نصيحتها، اسالي خبيرة تجميل او صاحبة صالون......راح تعطيكي كل خبرتها عشان تحافظ على سمعتها وتكسب زباين اما الموظفه والتاجره.....بدها تبيع بضاعتها وبس..فهمتي علي؟
انا مرة رحت على محل ما بيعرفوني ولا بعرفهم: سالت الموظفه عن كريم اساس
مناسب الي واعطيتها مواصفات....جابتلي اسوأ نوع عندها وصارت تمدحلي فيه...
فكرتني ما بفهم بالمكياج، الماركات المشهورة الها زباينها بس هدفها تبيع اللي مش ماشي عندها......صرت اضحك ولما عرفت اني بعرف بالمكياج احسن منها...
راحت وصارت تطلعلي بالماركات الحلوة....
اذا ما بدك ديور، في كريم كلينك حلو كتير وبستخدم كريم العيون منه
وكمان انت لما تشتري هذه الكريمات ضعي اشي بسيط على وجهك بس نقطتين ووزعيهن بيكفين لانها كريمات قويه بس رائعه
ان شاء الله وصلتك فكرتي ياقمر
بالنسبه للبشرة الجافه فاتجاعيد بتظهر عليها اسرع من غيرها لانها جافه وخاليه من الماء فلازم ترطيبها باستمرار
اما السبب الرئيسي للتجاعيد المبكرة فهو الشمس غاليتي استخدمي واقي شمس نوعيته ممتازة ومناسبة لبشرتك........
التقشير الزايد عن حده بيضر البشرة فعلا........انا الصراحه بعمل تقشير لوجهي كل اسبوعين مرة لاني برطبها يوميا وبعمل بخار اسبوعيا فشايفه اني مش بحاجه لتقشير يومي.........هذا رأيي بس في بنات بتحكي غير هيك.....
التقشير هو ازالة الخلايا الميته والبشرة بتغير خلاياها يوميا بس بالنظافه و البخار والترطيب فيكي تعالجي هذه المشكله وتعملي تقشير مرة كل اسبوع او اسبوعين
الروابط المفضلة