احلى صباح لكل البنات ..
مبروك علينا افتتاح الجزء التاني من موضوعنا.. عقبال الجزء المليون يا رب..
امبارح اول ما وصلت البيت طبعا حطيت غسيل وضبيت غسيل اول امبارح وبديت انظف بسطولة الزبالة .. والا زوجي بيتصل وبيقوللي حضري الاولاد عشان نروح نشتريلهم اواعي..
كملت تنظيف سطولة الزبالة وحضرت الاولاد وبديت اطوي بالغسيل الا زوجي جاي..
رحنا اشترينا اواعي وبواط للاولاد.. بمبلغ وقدره مش رح اقولكو عليه قبل ما تنصدموا هاي وانا ما كملتش كل الاغراض اللي بدي اياها.. واتعشينا برة ..
رجعنا عالبيت متأخر شوي.. وزوجي طلع ع شغله الاضافي.. وساعتها بس كملت جدول التنظيف وما خليت شي ما عملته.. ويا ويلي من الجيران اللي كانوا سهرانين عالبرندة.. اكيد قالوا هاي المرة جنت.. قاعدة تمسح وتنظف بنص الليل.. بس مش مهم.. المهم اني خلصت الجدول وما خليت شي لليوم..
اليوم.. ان شاء رح اطبق البرنامج وامسح غبرة البيت وارتب جارور من جوارير التواليت..
الله يقوينا ويعيننا..
الروابط المفضلة