....ساعدوني عن زواجات الرياض

[بكيت من حظي]

بسم الله الرحمن الرحيم

السلام عليكم ورحمة الله وبركاته.....

مساء / صباح .....الخيرات ..جميعاً


احب اطرح لكم مشكلتي وان شاء الله مو مشكله ..

..انشاء الله تساعدوني


انا من القصيم ..وزواج اختي بالرياض وماني عارفه كيف نظام اهل الرياض بالزواجات

وكيف تقديمهم وكيف طريقت لبسهم او مكياجهم ...

واتمنى تعلموني بالتفصيل .....خصوصاً انهم عائله انفتاحيه بقوه ..

يعني يمشون ع الموضه وع اي شي جديد ..

وانا ماني عارفه كيف طريقة زواجات اهل الرياض...

فياريت تقولولي وتساعدوني ...

ولكم مني دعوه ...

وتشكراتي

[أسيرة الغربة]

الله يوفق اختك ياربي
انا ما اعرف وش بالتحديد تبين تعرفينه ...
الزوجات بدت تتأخر في الليل فتلقينهم على مايجتمعون الساعة 11
طبعا الدعوة شخصية وممنوع الأطفال
ولازم تبرزين البطاقة عند الدخول ...

التقديم وخلافه يرجع لطبيعة العازمين
وطبعا الأغلبية تكون زوجاتهم فيها زفة للعروس وعادة ماتنزف قبل الساعه وحده
وفيه البعض بما ان زوجاتهم تتأخر يحطون بوفيه فطور على الساعة 6 صباحا ...

إذا فيه اسئلة ثانية انا تحت امرك ..

[عزوتي ابوي]

وعليكم السلام ورحمة الله وبركاته

حياك الله اختي ..

ماقصرت الغاليه اسيرة الغربه

التقديم يعتمد على الذوق اولا و اخيرا
بس هو عادة الشكولاته والحلى صواني
يُدار فيهم و القهوة تصبها صبابات
والشاي معاه صواني فطائر
و ممكن عصيرات

اللبس
فساتين ناااعمه الناس تركوا الشك والزحمه
في الفساتين و اتجهوا للبسيط الشيك
و ممكن تشوفين دور الازياء العالميه تاخذين فكره ..

المكياج

بعد اتجهوا للبسيط اللبناني و تركوا الخليجي المزعج
اللي كله الوان وكحل ,,


اي سؤال احنا بالخدمه ولو تبين معلومات عن القاعات
ووش الافضل ؟

[بكيت من حظي]

الله يسلمكم يارب

لا الحجز بالاسطوره ...

لانهم اهم يقولون لكم الحريه في التقديم

واحنا في القصيم مانقدم الا شكولا..... ومعجنات وعصاير بس

طبعا الشكولاتات والمعجنات ع الطاولات مع القهوه والشاي

اما العصير اهم اللي يوزعونه الصبابات

هذا احنا بالقصيم لكن بالرياض ما اعرف كيف

واهم قالوا لنا كذا

صرنا ما نعرف كيف يعني احنا نجيب شي واهم شي او كيف

تيب من ناحية اللبس قلتوا لي انو ناعم شي حلو

تيب عادي لو وحده بعمر 26 ..والبس شي مفتوح او قصير ..كيف يكون وضعها ونظرة الناس لها

بصراحه انا كلمت وحده قالت لا زواجات بالرياض ماقد شفت قصير عن المألوف

نصف الساق ..او ع الركبه طبعا هذول اهل الزوج او الزوجه

والا باقي المعازيم لو بنطلون مو مهم

وهي اختي صرت ما ادري كيف اختار بدلتي قصير او طويل ..والله احترت

اما الميك اب كنت ناويه احط خفيف وناهم بس قلت اخذ رايكم

وربي ماتصدقون شكثر فرحت لما رديتوا علي

الله يوفقكم دنيا واخره ويحقق كل ماتتمنون... امين ...يارب

[عزوتي ابوي]

حياك الله غاليتي

و يسعدنا اننا افدناك واي شيء حنا بالخدمه ,,

بالنسبه للتقديم ممكن تحطين ع الطاوله الحلا والشكولاته
و القهوة والمعجنات و الشاي لكن الافضل والارقى انك تخلين الصبابات
هم اللي يدورون بالصواني و المطلوب تقريبا 6 صواني متوسطه شكولاته
و اذا تبين اسماء محلات شكولاته حلوة وراقيه ابشري ,,,

و 4 صواني فطاير و يكون ع الطاولات ورد او شموع بس,,

والعصير بعد القهوة والشاهي و يكون كله بتقديم الصبابات
و ممكن نفيدك بأرقام احد يمسك لك التقديم كله ,,

مافهمت كيف انت تجيبين شي وهم شي؟؟

البسي ياغاليه اللي تبين و لكن احس ان الطويل و الناعم ارقى من القصير
في الزواجات و الفتحات انت كيفك ,,

حياك ربي مره ثانيه

[بكيت من حظي]

الله يسلمك يارب

ويخليك ويحقق لك كل ماتتمنين

والله ماراح انسى مساعدتك ..شكثر ارتحت ..كنت شايله هم

الله يوفقك وين مارحتي

مشكوووره يالغلا

ماقصرتي

[أسيرة الغربة]

بالنسبة للتقديم مثل ماقالت لك الغاليه عزوتي
بس لازم تتفقون معهم هل هم من ينظم الحفل يعني الكراسي والكوشة والعشاء كيف راح يكون
فيه محلات ممكن تتفقون معهم ويسون لكم الكوشة والكراسي وطاولة في مدخل الصالة فيها دفتر للتوقيع ...
بعد مهم تضعون طاولة بعد العشاء بنفس ستايل الطاولات والكوشة فيها العلوك واللبان وخلافه ...

الاسطورة على ما اعتقد قريبه من شارع خالد بن الوليد اتذكر اني حضرت فيها زواج ...
الصاله ماهي كبيره وحتى العشاء كان جدا عادي خاصة الحلى بعد العشاء .

[بكيت من حظي]

ما ادري بصراحه ...

لكن احنا المسؤلين عن الكوشه وجهزناها كامله

حتى احنا اللي فرشنا لهم الارض من السياره الا الكوشه

وحاجزين ورد طبيعي للكوشه وللمدات اللي توصل للسياره

لانهم حاجزين اوتيل ..

اما الاسطوره ماقد دخلتها ولا نعرف كيف طريقتها ..

لكن هذي مو مشكله لاننا راح نجي قبل الزواج بكم يوم ونشوف الوضع

.....و هم اللي جهزو الطاولات والاغراض الثانيه

.....................................

الله يخليك ويسلمك يارب

[أسيرة الغربة]

الاسطورة نظامها مثل نواره إن كنت دخلتيها بس اصغر شوي ...
إذا دخلتيها فيه صاله صغيره وفيه كورنر للعبايات والصالة تجيك على اليمين
ممر في الوسط وطاولات دائرية يمين ويسار وقدامك الكوشة تقريبا مرتفعة 3 أو4 درجات ...

[هااايدي]

اول شي مبروووووك
واهم شي الله الله بالستر الله يستر عليكم دنيا واخره