السلام عليكم ورحمه الله وبركاته
حبايبي وحشتوني جدااااا
الحمد لله عملنا دورتين قبل كده والدوره الاولي كانت مع بعضها
الدوره الثانيه اشارت علي الغاليه لبنانيه اني اقسمها مستويات وربنا يجزيها عنا كل الخير
واتضح لي ان الطريقه دي انسب واحسن
علشان كده حااقسم الدوره دي 3مستويات
المستوي الاول الاساسيات
المستوي الثاني الغرز والتدريب علي قراءه الباترون
المستوي الثالث الحردات والتشطيب
وممكن بفي خلال الدوره ناخد تطبيقات خفيفه
وفيه بنات بيطلبوا طلبات معينه بس انا لقيت ان الدوره لما تكون متكامله بتخدم اكبر عدد من البنات
وممكن اللي عندهم فكره ينتظموا معانا برضه من الاول ويعاونوا في الشرح للمبتدئات
المطلوب
ابر تريكو مقاس وسط يعني 4او4ونص وخيط مناسب للشغل عليهم بس مايكونش غالي
وحاتلاقي رقم الابره علي الليبل او الورقه اللي علي شله الخيط
بسم الله الرحمن الرحيم
كنت فكرت اغير شكل الدوره عن الشكل التقليدي وبلاش الخيوط والابر بس لقيت ان فيه بنات بتسال عن شكل الابر
وشكل الخيط علشان كده قررت التزم بالبدايه وهي التعريف بانواع الابر والخيوط
تاني حاجه
يمكن منهج الدوره يكون متشابه مع اللي قبلها بس المهم في الدورات دي التواصل بيننا
يعني اسالوا وانا اجاوب باذن الله
اولا الخيوط
فيه الصوف
وفيه القطن
وفيه الحرير
دي نماذح للخيوط والحاجات اللي ممكن تنتجيها بيها
الروابط المفضلة