أخواتي العزيزات بالمنتدى الغالي
من كام يوم دعيت صديقاتي لعندي و عملت بوفيه من فضل الله كان ناجح للغاية فحبيت أني أشارككم بالصور و أتمنى تنال الإعجاب
هاي صور البوفيه و اللي بتشوفوه عليها هو ما يلي :
السلطات
سلطة الزيتون - سلطة الكول سلو- وتبلة سلقينية ( فيها بعض الشبه من التبولة )
المقبلات
يلنجي بالباذنجان - فيونكات الهوت دوغ - كروكيت بطاطا -فطيرات التاج - معجنات ( بيتزا- فطاير بجبنة -فطيرات بدبس الفليفلة - لفائف بالزعتر
الأطباق الرئيسية
فتة مكدوس - حراق أصبعو ( أكلتين دمشقيتين عريقتين ) - لازانيا - دجاج بالكاري مع الرز المبخر على طريقة أختي الحبيبة رند
كبة صاجية و كبة معجوقة و كبة الرز و كفتة ستي ( بسميها بها الأسم لأنها كانت رحمها الله مشهورة فيها ) مع البطاطا المقلية و طبعا لا بد من المخللات كان عندي مخلل خيار و مخلل الخس
طبعا كلو كان من عمايل إيدي عدا فتة المكدوس و حراق أصبعو كان من عمايل أمي الله يخليها و صحن التبلة هدية من خالتي عندها إختصاص فيه
http://www.lakii.net/images/May07/imane_wh_70286244.jpg
http://www.lakii.net/images/May07/imane_wh_80282804.jpg
الحلويات
هون بتشوفو الحلو اللي كان من عمايل إيديا وحيات عينيه عا]قولة الأخوات المصريات الغاليات
كيكة الشوكولا و كيكة الأناناس و ليالي لبنان باللوز و خلية النحل بحشو التفاح و و كمان حلى الشطرنج بس للأسف ما صورتو يا ترى شو رأيكون بالبوفيه اللي عملتو
http://www.lakii.net/images/May07/imane_wh_38904503.jpg
http://www.lakii.net/images/May07/imane_wh_71252790.jpg
http://www.lakii.net/images/May07/imane_wh_89141567.jpg
http://www.lakii.net/images/May07/imane_wh_18686461.jpg
وقريبا إن شاء الله رح أبدأ أحط بعض الوصفات المصورة بناء على طلب من الأخوات اللي بيعرفو نفسهم تماما
و أي سؤال أنا جاهزة
الروابط المفضلة