♥♥♥♥♥♥♥♥ مملكة التنظيف والتنظيم ♥♥♥♥♥♥♥♥

[فرح الإسلام]

ربنا يبارك فيكو
منبوسه انتي زي السكل
ازعل منك ازاي دانتي ربنا يباركلك ويكرمك بتساعدي الكل وبتشجعينا ع الشغل
بنات انا زيي زيكوا عملت الموضوع ده مخصوص عشان اشجع نفسي معاكوا

ندي ونونو
ما شاء الله عليكوا
عرفه انا مقصره معاكوا شويتين بس اعذروني
كنت مرضانه شويه وكمان عندي ضيوف
ضيوفي من فلسطين علي فكره

فاضلي حوالي ساعه شغل وارجعلكوا بإذن الله انزل جدول بكره واقول عملت ايه
ومعايه ليكو مفاجأه

[فرح الإسلام]

أنا جيت
خلصت شغلي الحمد لله
مصحيتش بدري للأسف لأني كنت مرضانه شويه
فطرت انا والولاد
دخلت المطبخ اول لأن جايني ضيوف
بعدين خرجت رتبت البيت ع السريع
طليت ع الحمامات
جهزت السفره
استفبلت الضيوف
وبعد الاكل كنت وانا رايحه وجايه اعمل حاجه عشان اسهل علي نفسي بعد ما يمشوا
شغلت بخور وهما في البلكونه عشان ريحة السمك تروح

بعد ما مشيوا الضيوف زوجي كمان راح معاهم
ودخلت انا ع المطبخ شطفت الأطباق ورصيتهم بالغساله
غسلت كبيات الشاي ع الايد عشان الغساله بتبوظهم

مسحت الرخامات ونظفت حوض المطبخ
بس البوتجاز معملتوش لاني بجهز شويه من أكل عزومة بكره ان شاء الله

كنت مشغله الغساله علي فوط التنظيف دخلتهم المجفف
وبسسسسسسسسسسسس

جيت اقولكوا اخباري واشوف اخباركم
بس للأسف ما لقيت حداااا

اهئ اهئ

سلام بقي عايزه اجهز جدول بكره عشان انزلهلكوا

[nada77]

ليه مافى حدا
انا هنا من بدرى ومنتظراكى

بيتك دايما عامر والف سلامه عليكى
وانا واخواتى فى انتظار الجدول

[منبوسه]

صباح الخير بنات
شكرا ابله فرح ده انت اللي سكر وربنا يساعدك ويسترك قدام ضيوفك
ندا و نونو برافو عليكو ايوه كده النشاط والشغل ولا بلاش
انا دلوقتي بس ودعت ابني وجوزي وراحو في حال سبيلهم
وجيت اصبح عليكو و اقلوكو انا حعمل ايه النهارده
*الاعمال اليوميه
*غسيل
*طوي غسيل امبارح
*مهام شهريه وانا أخترت تنظيف النجف لاني ليهم فتره متنظفوش
*ونكمل شغلنا في غرفة امبارح واللي اخترتها غرفة ابني
اقوم اعمل شغلي ولي طله عليكو

[nada77]

صباح الفل منبوسه ويرجعولك بالسلامه ان شاء الله

انا بقا كنت صاحيه من بدرى وولادى نزلوا من بدرى فنضفت بلكونتين عليهم تراب غسلتهم كويس قوى وغلست شوية مشايات
ونضفت حمام الاولاد
والنهارده ححلمع الزجاج والمرايات ( مهم اسبوعيه )
حكمل ترتيب اوضتى اليوم
وحروح اعمل الغدا
مفيش عندى غسيل اليوم

يلا لو فيه حاجه تانيه حعملها حرجعلكم

[nono84]

صباح الفل عليكو جميعا

الف سلامه عليك يا فروحه.احنا كل يوم بنستناكى تنورينا

ازيك يا ندا وازيك يا منبوسه يارب تكونو بخير

انا صحيت بدرى نزلت ابنى وزوجى وشمست الفرش
ونزلت انا وبنتى جبنا مشتروات من السوق
وجيت طبخت ولسه هكمل
شويه كده هلم غسيل امبارح واطويه
وهدخل الفرش وارتب الغرف
انهارده عندى تنظيفه شامله للمطبخ كله(مهام شهريه)
مع تنظيف التلاجه
يلا اشوفكم على خير ان شاء الله لما نخلص

[فرح الإسلام]

انا هنا
الحمد لله عدت العزومه علي خير
جهزت الجدول امبارح بس النت كان فظيع معلرفتش احمله ابدا

[nono84]

الحمد لله يا فروحه انك خلصتى العزومه

انا خلصت البيت وخلصت انا كمان ههههه خلاص مش ادره انا بكتب وانا بنام

عبال ما اخلص البيت وطلبات العيال وواجب الحضانه اكون فصلت ههههه
يلا الحمد لله اليوم خلص
بس مطبخى بئى فله فرحانه اوى
كل شويه انور النور واتفرج عليه ههههههه

يلا تصبحو على خير يابنات

[فرح الإسلام]

جدول اليوم الخميس

[فرح الإسلام]

المد لله يا نونو خلصت
وبارك الله فيكي
هيك الهمه

وعقبال مطبخي