الامهات الجدد: كل سنة وانتو وجميع امهات المنتدى طيبين((تم دمج الموضوعين))

[om belal]

لوجيي ربنا يقويكي علي الفطااام يارب
و انا كمان نويه مع بلال في موضوع البوتي بعد العيد لاني حساه كبر بقه و بقه فاهم بس ربنا يعيين لاني شيله الهم اوييييييييييييي
و باقي البناااااااااات عييد سعييييييييييد عليكم كلكم و علي اطفالكم عيزيين نشوف لبس العييد و هااااااااااااااا حتعمله ايه في العييد يا بنااااااااااااااات؟؟؟؟

[2-happy]

كل سنة وانتوا طيبين انتوا وعيالكم وجوازكم .....
ام بلال ولوجى متشيلوش هم موضوع البوتى ده والله بيعدى بس طولوا بالكم والحقوا ادعوا فى اليوم اللى باقى من رمضان ربنا يعيده علينا كلنا واحنا فى صحة وسعادة وعبادة اكتر

[ام توتة 2008]

كل سنة وانتو طيبين
وكل سنة واطفالنا كلنا طيبيبن

عيد سعيد عليكم جميعا

معلش اتشغلت شوية فى هدة الحيل بتاعت البيت دى
مين اخترع العادة السيئة دى ان لازم ننضف قبل العيد هههههه


ام بلال ابدئى يالا ورينا لبس العيد بتاع بلال وعمار احنا عن نفسنا قاعدين فى البيت فى العيد


لوجى حمدالله ع السلامة يا شيخة
ربنا يقوكيى ع الفطام

هابى ربنا يخليكى طمنتينا
احنا بعد العيد كدة كلنا نعمل حمله جديدة للبوتى هههه


سوسو وليد روحتى فين كل سنة وانتى واسيل طيبين


قلب خالد ازيك وازى ميورة واخو ميورة

ترو لاف حبيبتى عاملة ايه جبتى ايه لهنا واحمد فى العيد

ميرا برضه اختفيتى تانى
ازى مانو والبيبى عامل ايه

كوين ، وياسمين ام ديانا، ميرو صديقتى
كل سنة وانتو طيبين
كل سنة وانتو طيبين جميعا


توتة بقى جبت بنطلون كارينا للعيد وبلوزة ودورنا على كوتشى ملقناش
بس جابت شوز وخلاص
ان شاءالله هصورها فى العيد وابعتلوكو الصو رع الخاص
عاوزين نشوف التغييرات يا جماعه
ايه رايكم نبادل صور اطفالنا زى زمااااااااااام ع الخاص
نشوف ايه الجديد اكيد كلهم اتغيرو
توتة فعلا اختلفت خالص

على فكرة انا عيد ميلادى اول يوم العيد
كل واحدة تجيبلى كحك وهدية وتجيب لتوتة لعبه ههههه

[ام توتة 2008]

جزاكِ الله خيرا يا أم بلال وربنا يبارك لك في بلال وعمار

هحاول والله لأنه دايما عنده مغص وغازات

بس المشكلة التانية إنه طول الليل عايزني نايمة جمبه أرضعه لحد الصبح ويروح في النوم على الوضع ده

مش عارفة هو بيقى مش شبعان ولا إيه

وناس بتقولي أديله التتينا بس زوجي مش راضي خالص بيها

مش عارفة الوضع ده غلط ولا إيه

ازيك حبيبتى
واهلا بيكى معانا
كل سنة وانتى طيبة اولا
ثانيا بجد والله لو عاوزة تبطلى حكاية الرضاعه بالليل دى من غير ما تتعبى يبقى قبل ما يكمل سنة
اديله وجبة مشبعه قبل ما ينام وبالليل لو صحى سيبيه يعيط مش هيطول يومين تلاته بالكتير وهيتعود
بعد ما بيكملو سنة بيتغيرو خالص وبيفهمو وبيعندو
والمواضيع بتطول معاهم
ربنا معاكى ويهديلك صلوحة ويقدرك عليه

[ام توتة 2008]

حبيبة تيتو فينك
يالا حضرؤى صور العيد بتاعت ريناد
عاوزين نشوف ملكة جما ل الاطفال فى العيد
طبعا توتة بس ع الولاد مش ع البنات ههه

[Mera]

لوجى حمد الله على السلامه نورتى التجمع من جديد
وعقبالك فى حمل قريب ان شاء الله
وربنا معاكى فى موضوع الفطام
الموضوع سهل ما تقلقيش ادعى كتير مانو برضه كانت متعلقه جدا والحمد لله الموضوع كان سهل

كل سنه وكلكم طيبين وتقبل الله منا يارب

وانتى طيبه يا توته
معرفش فعلا من اللى اخترع موضوع التنظيف ده ان لسه لغايه دلوقتى ما خلصتش
وان شاء الله ابقى اصور مانو وابعتلكم الصور

[حبيبه تيتو]

كل سنه وانتم طيبين
وعيد سعيد عليكم وعلى اطفالنا يارب

[حبيبه تيتو]

حبيبة تيتو فينك
يالا حضرؤى صور العيد بتاعت ريناد
عاوزين نشوف ملكة جما ل الاطفال فى العيد
طبعا توتة بس ع الولاد مش ع البنات ههه

انا اهو يا ام توته تحت النظر
اوك انا محضرلبس رودى واول ما اروح البيت هنزلهم عشان احنا بنعيد عند ماما
ومتنسونيش فى صور الولاد على الخاص عشان اوريكم صور رودى

[حبيبه تيتو]

واحشانى كلكم والهى

[حبيبه تيتو]

كل سنه وانتوا طيبين وعيد سعيد عليكم كلكم

مسافره عند ماما في العيد ونويت افطم جوجو ان شاء الله

ادعولي ربنا يسهل عليها وعليا لانها اليومين دول متعلقه بالرضاعه اوي
ربنا يهونها يارب

هفطمها ان شاء الله عشان بعد العيد نركز شويه في موضوع البوتي ده خلاصبقى داخله على سنتين ربنا يهون فطامها بس الاول

قلب خالد وياسمين وأمنيه ونورا ودكتوره لولا وام ربناد وام بلال وشموسه وهابي وياسميين وسوسو وليد كاكم وحشتوني اوي
كل سنه وانتم طيبين

سالت عليكى العافيه يا قمر
ليكى واحشه