صحة فطورك مسبقا
وشنى هو السن كويك هادا
والدحى راهو مش باهى انى الحق برغم نحب الدحى بس ديما تلقينى نحاول نقلل منه خايفه يطلعلى حب واصلا الافراط في حاجة مش باهى
انى بوريك الملسوقه تدير فيها بحشوة تانية واخدة طريقتها من حناى ربي يشفيها ان شاء الله
للبحث في شبكة لكِ النسائية:
|
صحة فطورك مسبقا
وشنى هو السن كويك هادا
والدحى راهو مش باهى انى الحق برغم نحب الدحى بس ديما تلقينى نحاول نقلل منه خايفه يطلعلى حب واصلا الافراط في حاجة مش باهى
انى بوريك الملسوقه تدير فيها بحشوة تانية واخدة طريقتها من حناى ربي يشفيها ان شاء الله
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
مشاء الله عليكم
يا غاليات
وان شاء الله ديمه عامره عندكم وملمومين يا رب
والله سا محونى نتمنى نشترك معاكم
بس نفطر بروحى خخخخخخخ يعنى مش صفره صفيره هههههههه
بس اول مندير صفره انشارك بيها معاكم
.............
ربى يحفضكم
والله ديمه منورينا
نوشة وسنفورة صحيتوووووووووووا
حنان سفرة عامرة البوريك يهبل وشكله يبي خدمة ليه ليه
ماشاء الله البنات ماقصروا
ربي يدوم هاللمة الحلوة
و صحة صحة فطوركم
هناء و ام السنفور و حنان ليبيا الله يسلم دياتكن و سفرة عامرة ان شاء الله
نوسة عاش من شاف خطك وين الغيبة و امس فطرين انتم .؟؟؟؟
و بالنسبة ليا امس درت براك و شربة و امبطن و خبيزة محشية شورمة دجاج
لكن ماصورتش لاني تأخرت في الطبخ و انتم عارفين الحكاية صيام
فرفورة
شوفي طريقة الخبزة المعتمدة عندي زي القطنة خخخخخخ
ثلات اكواب حليب و ثلات ملاعق سكر و ملعقة ملح و ملعقتين زبدة اتحطيهم علي نار
هادئه لين الزبد تبدأ في الذوبان و الحليب يعني يصبح دافي و بعدين اتنحيهم من علي النار و تحطي الدقيق و ملعقة خميرة و ملعقة
بيكن بودر و اعجيهنم زين و بعد تخمر و اتشكليها و تحشيها و خليها في الطواجن نص ساعة و حطيهم في الفرن
و ادعيلي .. مافي واحد كلاها الاو سأل علي الطريقة
كيتي ربي يشفي والدك و يخليه لكم و يلمكم ببعض بالخير زي مالميتينا
ملكة نقابي ربي يشفيك و يخليك لبنياتك و طهور ان شاء الله
مشاء الله تبارك الرحمن يارب عامرة هالسفر بالخير والبركه وربى يسلم اهلها للجميع اخواتى
كيف حال الكل ان شاء الله بخير
وكيف حالك اخت حنان ليبيا والله والله ليكى وحشه وكل سنه وانتى طيبه وانشاء الله رمضان الجاى ربى محققلك ماتتمنى انتى وكل الحبوبات
وصحه فطورك ومحلاها سمبوستك تهبل بالعافيه عليكم وسلام
مينا عجينتك باين عليها سحرية غير ماقلتيش الملعقه تقصدى كبيرة ولا صغيرة
كتبتها عاد توا الورقة والبيرو جنبنا لطوارئ هههههه وان شاء الله بنجربها في اقرب فرصة
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
السلام عليكم
ما شاء الله يا حنونة حاجاتك يفتحوا النفس يسلمو ايدياتك
ماينا تعيشي يا سمحة اهو كيتي جمعتنا مرة تانية ربي يعطيها ما في بالها و يشفي والدها
ام السنفور اني في جنوب افريقيا و اليوم عندنا اول يوم رمضان
اليوم فطوري طبعا شربة و بيتزا و مبطن و سكالوب دجاج
فضلت عجينة من البيتزا و مفروم من المبطن مشي درت بيتزا بالمفروم
و هده صفرتي اليوم
و هادي من جيهة تانية
هادا الحلو مع القهوة العربية
السلام عليكم ياحلوات وصحه فطوركم جميعا طبعا انا انفكر في السحور حاليا هههههههههههه ياعني التوقيت زي ماعرفين احنا نفطرو والناس التانيه مزال تحوس في المطبخ المهم ان شاء الله حنزل افطوري قريبا لاني حاليا تعبانه يادوب صليت وقريت قران خليه فطوري مفاجاه نين تتنزل الصوره مني بنسالك علي العجينه كم كوب دقيق اديري حتي اني عجينتي معتمده وعيني ميزاني بس الطمع باهي وتعلم ولاتكون حسود بالك اعجينتك اخف واحلي فاريت تقوليلنا المقادير بازبط ومبارك اعليكم رمضان
ام سنفور وحنونه وهناء ماشاء الله صفرتكم حلوه وديما عامره
نتلاقو علي خير بادن الله
نوسه صحه فطورك ياحلوه ماشاء الله صفرتك حلوه والحلو باين اعليه اهبل شني الي مدايراته الي عليها لوزه شني هيا وصحه وهني عليك وعلي عويلتك
نوسة ماشاء الله صحة فطورك حتى انى اليوم فطوري زيك سكالوب و بيتزا ومبطن من امس والحلو بلح الشام
توا نجيبلكم الصور بعدين شوي
gudona ياعينى صار بتخليهالنا مفاجئة واحنى نحبو المفاجئات
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
الروابط المفضلة