تجمع احلى مغتربات في المانيا البارده * 4 *

[جوتشي]

سلام يا حلوين كيفكم
زمرد كيفك وكيف الاولاد عن جد فرحت لك عشان دروس السواقه يا رب الله ييسر امرك
وتتسهل امورك وما تاخدي وقت طويل بس انا لسه راح انتظر لما تاخدي الرخصة شدي
حيلك وتعالي قبل الرخصة وان شاء الله لما تاخديها بتيجي مره ثانية انت اللي تسوقيها
الله يسمع منك يا زمرد وتمر الايام واولد واخلص لاني عارفه اللي منتظرني من تعب
الحمل بعد اشهر كمان وعقبال عندك وعند جين وهاله ونسومه
هاله كيفك الله يسلمك يا رب ويعطيكي اخ او اخت لبلال طمنيني عنك وشدي حيلك
بركي زرتيني انت كتير مبعده برلين بعيده عنا شي 7 ساعات بس المواصلات منيحة
حابة ازور برلين بس مع الاولاد كتييييييييير صعب
جين كيفك شو عامله ان شاء الله نفرح بخبر حملك انت كمان يعني بشاره اختك
ما شاء الله بتجنن الله يقومها بالسلامه وتكون هي السابقة وانت الاحقة على طول
باقي الصبايا وين بتغطوا خبرونا عنكم

[jien]

تسلميلي من تمك لباب السما يااااارب
ربي ارزق كل مشتهية
أخت جوتشي في أي شهر أنتي
ربي يتمملك على خير و سلامة
زمرد الله يخليلك اولادك و يرزقك توأم عاجلاو غير آجل يااارب

[zomorod]

سلام
الله يهنيكم يارب
جوتشي كيفك اليوم عزيزتي يارب دايما بصحة وعافية
منورة بيتك
هالة ونسمة الله يوفقكم وكربوجا أيضا ما عاودت تدخل
جين يا عمري ربي يفرحني بيك يا عزيزتي
حولي تبدلي الطبيب مرة أخرى والله يشفيك ويفرحك
بولادك يارب
والله يستجيب دعاءك لي يارب

[zomorod]

صباح الخير عزيزاتي
الله يهنيكم ويسعدكم يارب

[جوتشي]

صباح الخير صبايا كيفكم
جين الله يسمعنا احلى اخبار عنك حاولت والله اشوفلك مره مية زمزم بس والله الناس بتحكي
انه بطلوا يخلوا الناس يطلعوا سوائل على الطيارات بس ان شائ الله بتشربيها من مكان منبعها
يا رب وانا يا جين ب2 الشهر الجاي بدخل بالرابع
زمرد كيفك شو اخبارك وكيف الاولاد انا والله الي يومين مش منيحة لاني وقفت الدوا بس اليوم
رجعت اخده رغم انه الابر الصينية جابت نتيجة بس ما بعرف ليش هيك صار معي مره ثانية
اليوم ادا زاد عدد التقيؤ راح ارجع المستشفى ادعيلي
هاله كيفك وكيف بلال شو عاملين قربت تداومي ما هيك الله ييسر امورك يا رب
طمنونا عنكم دايما يا صبايا

[hala.ph]

السلام عليكم
صبحكم الله بانوار النبي صلى الله عليه وسلم
الحمد لله على سلامتك يا جوتشي ما على قلبك شر ان شاءالله بتقومي بالسلامة يارب وترجعيلنا باتم الصحة والعافية بتمنى دايما اطمن عنك واعرف اخبارك
الله يسلمك حبيبتي زمرد ويفرحك باحبابك جميعهم
جين حبيبتي الله يعوضك باحلا بيبي ويجعله لك قرة عين يا رب
الحمد لله انا وبلال تمام وهلا الحمد لله بلال نومتو منتظمة اكتر صحيح بيسهر لل ساعة 12 بس بينا م منيح بالليل والحمد لله كل الامور بخير وفضل من رب العالمين

[جنة الطيور]

صباح الخير لاهل المانيا معليش انا اتغيب فترة كانت عندي شو ية طروف والان رجعتلك وارجعت للتجمع معكم بتقبلوني من جديد
كيفك زمرد وجين وجوتشي وكيف البرد معكون انا وولادي طول الشتوية كريب هاي اول سنة حس ماعنا مناعة مدري المانيا كلها فيروس هههه
كيف الكل وسلامي للكل وانا معكن من اليوم

[جوتشي]

صباح الخير يا قمرات كيفكم شو عاملين
جنو كيفك عن جد الك زمان الله يعطيكي العافية وسلامتكم انتي والاولاد والله انا ولادي كتير بيمرضوا
والناس بحكولي ليش هالقد بيمرضوا بس يمكن من الكندر جارتين وكيف الاولاد هلا احسن
ان شاء الله ومية اهلا وسهلا فيكي في كل مره
باقي الصبايا كيفكم وينكم ما بينتوا بعد
زمرد طمنينا وين صرتي بالدروس بعدك باول الطريق
هاله كيفك وجين ونسومة شو اخباركم

[جنة الطيور]

صباح الخيرات جوتشي اهلين فيكي
اكيد من الكندر كارتن لان بينعدو ولسى ماعندهون مناعة
انت كيفك شو اخبارك شو عاملة بالمانيا مبسوطة فيها اديش قلك فيها كم سنة
انا نفسي احكي الماني بفهم كلشي تقريبا وما بقدر احكي لسى عندي خجل بحكي شوي بس متمنية احكي منيح اخد حقي بايدي هههه
كيف ولادك وسلامتهون كمان اديش اعمارهون

وكيف كل البنات شو اخبارهون وينهون مو مبينين

[جوتشي]

اهلين جنو كيفك انت
انا منيحة الحمد لله الي 7 سنين بالمانيا وعندي نفس المشكله الخجل من الغلط في اللغة
بس الحمد لله بمشي حالي يعني ما بحتاج مترجم بس مش معناته اني مش بحاجة
للمدرسة كمان مره لانه مع الاولاد صعب كتير تكملي مسيره الدراسة حتى لو على مستوى
اللغة جنو انا عندي 4 بنات وصبي والطفل السادس ادا الله كتب جاي على الطريق
اعمار ولادي 12سنه و6 سنين و 4.5 سنين و3 سنين وسنه