دبابيس للطرح من عجينه السيراميك (ورد-نجوم-فراشات)

[فرح الزهور]

مرحبا يا اختى نسرين

تسلم ايدك شغلك رائع

طيب ممكن تشتركى معانا فى اتحاد الصناعات بصناع الحياه؟

عموما صناع الحياه غنيه عن التعريف

لانها بمجهودات الشباب واحنا بنعمل اتحاد لكل الصناعات اليدويه

وعايزين كل الخبرات اللى زى حضرتك معانا

وياريت نشوف بقية شغلك ونعرف بتشتغلى ايه كمان

واحنا بنسوق المنتجات بطرق كتير ومنها المعارض

وان شاء الله المشروع يكبر ونفيد الدنيا كلها

منتظراااااااااااااااكى

[نســـرين سليمان]

السلام عليكم جميعا و كل عام و انتم بخير
طبعا يسعدنى اختى فرح انى اشترك معكم فى اتحاد صناع الحياه و نفسى الشغل اليدوى ينتشر ويكون ليه سوق كبير و ينتشر المنتج مصر و نقدر ننافس الصين و نسوق كمان خارج مصر بإذن الله دا طموحى و هدفى و اتمنى إن ربنا يوفقنا جميعا و الموضوع عايز شغل و إجتهاد و دراسه لإحتيجات السوق فى مصر و الخارج و أن أحنا نقدر نبتكر و نكون متجديدين فى شغلنا حتى يميزنا عن الغير و أهم حاجه نحب شغلنا عشان نقدر ننتج كميات كبيره مثل الصين
بالنسبه لشغلى أنا الحمد لله بعمل جرابات موبيل من الكروشيه وبقوم بتسوقها الحمد لله و بالنسبه للسيراميك بعمل دبابيس و بروشات و بوكيهات على الشمع ذى ما هو فى الصور و غيرها و معى صوره من شغلى فى البروشات

[نســـرين سليمان]

و دا مزيد من شكل البروشات

[ريموه]

samaa2007 ، ما شاء الله عليك شغل جميل وبارك الله فيك
اتمنى لك التوفيق
وياريت تستغلي افكارك الحلوه بعمل توك ومشابك لاطفال وتبدعي كمان مثلا تصنعي عرايس وشخصيات كرتون بيحبها الاطفال كتير

[ريلينا بيسكرافت]

مشكوووووورة يا عسسسسسسسسسل

[samaa2007]

جزاك الله كل خير أختى سما على توضيحك
لشغلك المتمز من النجوم و الفراشات و عندك حق شغل الفراشات صعب شويه و بالنسبه للأستنباط أو القطاعات فأنا بجبها من محل بيبع كل مستلزمات الحلويات و التورت وبيكون عنده اشكال مختلفه و لكن ملقيتش قطاعات صغيره بحجم الدبابيس ذى عندك و لكن كل الموجود حجم كبير تنفع للبروشات
و انا من إسكندريه و بجبها من باكوس و أنتى من فين فى مصر

انا من الهرم وهحاول ادور على الاستنبات لانى معنديش خالص
شكرا للاهتمام

[samaa2007]

وكمان الورد اللى فى الصوره دى عملتو من غير استنبات
ودى اول تجربه ليا من السيراميك

[samaa2007]

اختى فرح الزهور

انا بردو بعمل حاجات كتير
1- الكروشيه
2-التريكوه (الكوفيات)
3- الرسم على الزجاج
4- الدبابيس

وقريب قوى هصورك الحاجات اللى بعملها
لانى مصورتهاش

[ام ادهم2008]

بصراحه مجموعه هائله وزوقها رقيق تسلم ايدك

[samaa2007]

ودى بعض اعمالى

ده رسم على الورق البردى الفرعونى