"عروسات المستقبل تعالوا اقولكم".. جزء ( 12)

[هنودة هنانيدو]

العرايس الحلوين والمتزوجات الحلوين

ازيكم عاملين ايه ؟؟؟

تكملمة موضوع البرفيوم نسيت اقولكم ان فى كمان كريمات قابلة الاكل تنفع طبعا المتجوزين

يعنى بيبقى كريم بطعم فروالة او شيكولا او التوت او الموز .... بيدهن بيها الجسم تدى نعومة حلوة وريحة طبعا وعند تذوقها بيبقى ليها طعم حلو ..طبعا اللى حيتذوقها الزوج مش انتى

طبعا كريمات ديه مخصصة للزوجين كنوع من التجديد بس عن اللى جربوها عجبتهم اكتر حاجة بطعم الفروالة وبعدها الشيكولا انا لسه مجربتهم

كريمات ديه من ماركة نكتار ... نكتار موجودة فى دول العربية
وفى مصر موجودة بس فى قاهرة توكيلها فى سيتى ستارز وممكن تلاقيها فى مزايا او فيسيز ثمن الكريم 100 ج بس بيقعد فترة كويسة

بس البنات اللى ان شاء الله حتجوز قريب خلى حركات ديه ادام شوية يعنى بعد فترة من زواجك لانك كدا كدا فى الاول انتى مش محتاجة تعملى اى حركات اما لما تحسى فيما بعد انك عايزة تغيرى وتكسرى الملل هاتى كريمات زى ديه

وايه تانى ؟؟؟ لو افتكرت حاجة تانية حاقولكم

[ميويا86]

نودي حبيبتي وحشتيني اليومين اللي فاتو

جزاكي الله خيرا ع طريقة اليوكو
ربنا يباركلي فيكي حبيبتي

وبالنسبة لموضوع العين والبرفيم
بجد تححححححححححححححفة
ماشاء الله عليكي بجد ربنا يباركلك ويرضي عنك عرفتيني حاجات كتييييييييييييييييييييييييييييييييرة مش كنت اعرفها

بصي بقي يا نودي تلميذتك النجيبة

عايزة تسألك ع سعر كريم عين لورويال وكلينك؟
اجيبهم من العزبي صح؟؟
انتي قصدك مثلا خلال اليوم اعمل وصفة طبيعية وقبل النوم الكريم؟
اصل احنا كنا متفقين قبل النوم زيت لوز اية رايك؟؟

بالنسبة بقه يلنودي للبرفيم
يعني اية بيرفم تقيل يعني ريحته قوية؟الخام فيه اكتر يعني؟؟
انتي قلتي المسك انواع يعني اية ؟مينفعش اقوله عايزة مسك وبس؟ولا لازم احدد؟؟وسعره كام يانودي؟
يعني مش جاهز هوه اللي بيعبهولك؟صح؟
بالنسبة لفكتوريا سكريت البادي سبلاش هوه اللي ب75ج؟
وهوه والبادي فانتاسيا من العزبي؟؟
وبالنسبة يانودي لما آجي اجرب البيرفيم اعمل اية؟؟
يعني احط ع ظهر ايدي واستني ثواني واشم؟
ولا احط ف غطا الزجاجة زي ماكتير بيعمل؟؟
ومنتجات بودي شوب فين ف مصر؟؟

بالنسبة لتعطير السجاد قصدك ماية الورد دي

ويعني اية قطعة بخور؟انا اعرف البخور العيدان ده او اللي من عند العطار بس؟؟

[هنودة هنانيدو]

السلام عليكم

ازيكم يا احلى بنات

عاملين ايه ؟؟؟؟ كلكم وحشتونى اوى؟؟؟

ازيك يا " نودة " عامله ايه


يارب تكونى بالف خير ...موضوع البرفيوم تحفة جدا وجاااااااااااااامد جزاكى الله خيرا

بجد كنت عايزة اسالك عنهم وانتى قلتى كل حاجة
شاملة بجد...

بس هو ايه فيكتوريا سيكرت...انا مش عارفة عنها حاجة

اهلا ياعزة ياقمراية
فيكتوريا سيكرت ديه شركة امريكية متخصصة فى منتجات البشرة والبرفيوم والشاور واللوشن وكمان لها قسم لانجيرى

ادخلى على موقع بتاعها victoriasecret.com
تعمل منتجات اللوشن وشاور وسبراى للجسم وكريمات وبرفيوم بروائح كتيرة

موجودة فى الاسكندرية فى مزايا وفيسيز وفورتشن واى محلات عطور فيها ماركات زى محل اسمه mh فى شارع سوريا وفى محل بالديب مول تفريبا فى الدور الخامس

[هنودة هنانيدو]

السلام عليكم
ازيك يا هنودة
بجد بجد معرفش اقولك ايه على مجهودك ومواضيعك التحفة دى
انتى ماسبتيش حاجة الا وعرفناها
ده انا كنت جاهلة فى المواضع دى خالص
الله يوفقك يا حبيبتى
ويجعل كل اللى بتعمليه ده فى ميزان حسناتك
بجد بحبك قوى

انا كمان بحبك يا حبيبة ويارب اشوفك احلى عروسة فى الدنيا كلها

تسلميلي يانودي ياقمر
بارك الله فيكي
وعندي سؤال هو ال رياضه بتد في خلال قد ايه من التتابع

الرياضة بعد اسبوعين بتلاقى النتيجة تظهر وكل فترة تظهر اكتر

[ميويا86]

الصراحة...... المراحة

انا قلت اعمل فاصل

اتكسفت اسأل كلللللللللللللللل الاسئلة دي مرة واحدة

قلت اعمل الاسئلة ع مرتين
هههههههههههههههههه محترمة انا صح

يارب ماتزهقي مني بس
عدنا بعد الفاصل بفضل الله
ههههههههه
ماء الورد اللي قصدك عليه للمنطقة الحساسة هوه الي فوق صح؟
ومسك الطهارة ده بتجبيه من سان استفانو؟؟بكام يانودي؟؟
بالنسبة لسيتال يانودي المفروض مرة ف الاسبوع؟اصل حاسة الافرازات كتييييير ممكن مرتين؟؟
بالنسبة للشعر انا شعري جااااااااااااااااااااااااااااااااف ومتقصف استخدم سيرم اية؟وبكام؟
بسسسسسسسسسسسسس خلااااااااااااااااااااااااااااااااااااااااااااااص

[هنودة هنانيدو]

ازيك يا هنوده ... بجد انتى ساعدتينى فى حاجات كتير كنت مش عارفاها ربنا يكرمك يا رب ... بس عندى لكى سؤال هو الاسكرب اللى بيتعمل علشان اثار الحبوب اللى فى الكتف بيكون عباره عن ايه وياريت تقوليلى حاجه لازاله اثار حب الشباب ... وياريت لو تعرفى ماركه بارفان رجالى كويس وتكون رائحتها حلوه علشان عاوزه ان شاء الله اجيبها هديه لخطيبى .. وبجد كلنا بنحبك اوى وبنشكرك على مجهودك معانا

السكرب ياقمر ده ملح مع ليمون بيتحطوا على بعض وتغسلى الاول الكتف بالماء وتحطيه عليه وهو مبلول وتفركى بايدك ..

فى سكرب جاهز زى يوكو سبا او ستيفز

اثار حب الشباب حاضر يا جميل حاشوفلك

برفيوم رجالى بصى انتى لازم تشمى بنفسك عشان تختارى حاجة تعجبك لان انواع برفيوم كتيرة وهى اذواق ممكن اقولك عليه مش يعجبك بس عامة حاقولك على انواع من برفيوم زى

ايسى مياكى
212
لي هوم من سان لوران
جوتشى
جيفنشى الجديد
دانهيل
بوس

[ملوكة 12]

هنووووووووووووووووووووودة
وحشتينى قد الدنيا كلها
أولا الف مليون مبروك على الجزء 12 ودايما ومن غير
كلام متألقه
ثانيا بقى بجد موضوع الاهتمام بالعين والبرفيوم ده تحفة بجد
انتى بتمحى جهلنا والله يا بنتى هههههههههههههههه
ربنا يخليكى لينا دايما ونشفك احلى عروسه فى أقرب ووقت

[رحاب الرحمن]

ازيك يا نوده .. ربنا يكرمك على المعلومات الجميله اللى فادتنى اوى ... معلش انا اسئلتى كتير بس انتى عارفه الوصفات بتاخد وقت على ما تدى مفعول وضرورى اهتم قبل فرحى ان شاء الله بمده كافيه ..... عايزه اعرف ايه الاحسن فى تفتيح بشره الوجه خميره+ماء ورد , ولا نشا+ماء ورد , ولا تنصحينى بحاجه تانيه انا بشرتى دهنيه 000 وانا اعرف وصفه لتفتيح تحت الابط وهى ندعك المنطقه بليمون ونسيبه لما ينشف وبعدين نحط عليه نشا من غير ما نغسله ونسيب النشا لما تنشف وبعدين نفركها وبعدين نغسل بالماء,ايه رأيك ولا فى حاجه احسن 000 وهل نستخدم وصفتك فى تفتيح الركبه مع الكوع ولا متنفعش 000 ايه الاحسن لنعومه وتفتيح اليدين والقدمين زيت جليسرين+ماء ورد , ولا كريم جليسوليد+ليمون ولا فى حاجه احسن 000 معلش يا نوده اخر حاجه انا رقبتى اغمق من لون بشره الوجه بطريقه ملحوظه وفيها بقع بيضاء مضايقانى اوى يا ريت تقوليلى حل 000 بصراحه انا فى قمه الاحراج منك لانى المره دى طولت جداااااا وكمان مش بعرف اكتب الرد على هيئه سطور منفصله انا اسفه ليكى اوى

[رحاب الرحمن]

ويا ريت يا نوده تقوليلى ايه افضل طريقه لتفتيح بين الافخاد 0000 انا اسفه للمره التانيه الاسئله كتيره لكن فيها اسئله لبنات قرايبى وده لاننا بنثق فيكى الى ابعد الحدود , جزاكى الله كل خير

[noran_87]

اوك ياقمر
بس ربنا يطمن قلبي بنتظم معاها