كتبت بواسطة
سماح عزت
هنودة انت بتستخدمى السيروم كل يوم ولا ازاى يعنى تغسلى شعرك وتعملى حمام كريم وبعدين تحطيه وتلفى شعرك ولا ايه نودى هى البيبى ليس بضر الشعر وانتى ناويه تجبيها فى جهازك ولا تفتكرى مش ليها للزمة وايه يا نودى حمام الكريم الى بتستخدميه وجايب معاكى نتيجة حلوة وسعره كام.. ويا قمر انتى دايما بتنصحينا باستخدام مرطب للجسم بعد الشاور طيب ايه احسن حاجة انتى استخدمتيها ونتيجتها حلوة وبتستخدميها كل شاور يعنى فى الصيف 3 شاور فى اليوم على الاقل هيبقى لوشن وترطيب كل استحمام وسامحينى لو انا دايما بسالك وبتطفل عليكى فى الحاجة الخاصة الى انتى بتستخدميها لكن والله عشان انا الحمد لله بثق فيكى ومعلش يا نودى اخر حاجة ياريت يا نودى لو تقدرى تسالى صيدلى من الى انتى بتثقى فيهم عن الخطوط البيضة ويا ترى بانثينول ينفع ليه.. وبارك الله فيكى
السيروم زى كريم بس خفيف على الشعر ومش دهنى عادى بتحطيه بعد ما تغسلى شعرك او حتى لو شعرك ناشف كانك عادى بتستخدمى كريم للشعر
بيبى ليس حلوة بس اكيد بتضر الشعر لانها فى اخر مكواة سخنة على الشعر بس ده مع التكرار الكتير اما عن الاستعمال العادى بتبقى حلوة ان شاء الله ناوية اجيبها تنفع بعد الجواز لو عندك مناسبة مع جوزك او عايزة تعملى شعرك احسن انك تروحى كوافير وكدة
انا بستخدم بوناويل بجنين القمح عجبنى وسعره انبوبة متوسطة 6 جنيه بس كمان حاجرب بعد كدا حمام كريم بتاع جارنيه فروكتوس
الترطيب بعد الاستحمام اكيد مش حيبقى 3 مرات فى اليوم ومش لازم يوميا يعنى لو بتاخدى شاور كل يوم خليه الترطيب يوم ويوم نهاردة رطبى وبكرة لا وهكذا عشان الجسم يرتاح ويستفيد
انا جربت لوشن نيفيا للبشرة العادية بالاملاح البحرية وفيتماين E تحفة جدا
وبجرب زيت اللوز المر جامد
بيبى اويل جونسون كاموميل حلو وخفيف
كريم ميلك اند هانى من اوريفليم
جرجنز لوشن بالمسك
كلهم حلوين وبحبهم
حاضر يا جميل لو قدرت اسال صيدلى حاقولك عالطول وانتى تامرى ياقمر
بصى حبيبى ايفون منتجاتها متوسطة يعنى مش قوية عادية اقلام كحل انا مجربتهاش بس اللى جربوها قالوا انها مش حلوة اوى مستوها عادى 
الروابط المفضلة