الامهات الجدد: تعالوا يالا

[queen2020]

بنات فى حد عنده اطفال فوق 9 شهور عاوزة اسال على كذا حاجة
منهم الاكل بتكلو ياه تانى
انا ابنى معلق قوى على البطاطس والخضار ومش عاوز ياكل حاجة تانى ومحدش يقولى مهلبية ورز بالبن وشعرية وزبادى كللل ده رافضه خالص اعمله ايه- ياريت حد يساعنى

[ملك المالكى]

كوين متخلطى له الخضار مع حاجات تانية

[2-happy]

كوين انا عكسك خالص بنتى رافضة الخضار خالص ومعلقة عالزبادى والفاكهة وبرضو مش عارفة اعملها ايه ياريت حد يفيدنا...موضوع الحلق انا لبستها الاول الطبى وبعدين ببريمة كانت بتقع فى الاول فعلا بس لما كبرت وبقت بترفع راسها خلاص بطلت تقع وموضوع الحوض ده اول مرة اسمعه

[emanaly]

السلام عليكم
اقول لكم تجربتى مع ابنى انا ابتديت معاه لما كمل الاربع شهور واسبوعين تقريبا ابتديت بعصير البرتقال المخفف
لكنه متقبلوش غير مرتين وخلاص وبعدها رحت مدياله ميلوبا الارز للاربع شهور والحمد لله عجبه وفضلت مستمره عليه ولما دخل فى الشهر الخامس زودت الكميه والكثافه

فى اخر الخامس اديتله الزبادى معلقتين كده فى الاول وكل يوم ازود شويه لحد ما باحاول يخلصها كلها بعدها باسبوع دخلتله التفاح المهروس بس مش عاجبه اوى الظاهر مش غاوى فاكهه ولا ايه
دلوقتى هوه فى اول الشهر السادس بياكل سيريلاك ارز الضهر وبالليل الزبادى

عايزه احاول اجرب الخضروات بقى بس مش عارفه اقدمها مع الارز ولا مسلوق ومهروسه لوحدها؟؟عاوزه خبراتكم يا بنات

[om belal]

شوفوا باه انا بلال اصلا عندو ثلاث شهور و نصف اول ما دخل الثالث الدكتور قال لي اعطيه سيريلاك قمح فقط بس بلماية مش اللبن يعني مخفف اوي بيشرابو كدة بلببرونة مش ساميك يعني مش يتاكل طبعا عشان يكون خفيف و بعدين من هو دلوقتي اخر الثالث بدا البطاطا المسلوقة مع الجزرة المسلوقة و معلقة العسل او كمان ممكن تفاح مهروس او موزاية مهروسة و بردو ملعقة العسل العسل بس هو محبش الفاكهه حب بس الخضار يارب اكون افدتكم

[om belal]

ملك الملكي انا بلال يوم 17 يكمل الاربع شهور انشاء الله بنتك اكبر من بلال ب 5 ايام هههههههههه

[queen2020]

ملك المالكى
اخلطها مع ايه تانى يا ملك قوليلى

[queen2020]

انا رائئ يا جماعة بلاش اكل فى ال 3 شهور الاولى لان الامعاء بتكون مش شغالة كويس وبيكون فى غازات فا لما ياكل كمان هيتعب قوى استنو شوية لحد ما يبدا فى الشهر الرابع

[تفاحة مصرية]

السلام عليكم
كيف حال كل الامهات اللى فى الموضوع...أنا رديت فى أول الموضوع وغبت يومين رجعت لقيته
ما شاء الله بقى مليان..ربنا يخلى كل اولادنا ويفرحنا بيهم جميعا
انا كنت سالتكو سؤال ومحدش رد غليا ربنا يسامحكم ..
أنا يا جماعة بنتى عاملة اعتصام عن الاكل ما عدا السريلاك هو الحاجة الوحيدة اللى بتحبها
انا بصراحة كنت عايزة اعرف هل يمكن الاعتماد على السريلاك وحده كغذاء للاطفال؟
واللى عندها وصفات لاكل اطفال يكون طعمه حلو يا ريت تقولها لى
وكمان سؤال لو سمحتم .. الارز المسلوق ده بيتعمل ازاى؟؟
اسفة طولت عليكم ...بس أنا نفسى تساعدونى فى الموضوع ده
لانى الايام دى بقيت بتنرفز على مريم وبزعق لها بسبب رفضها للاكل
وهى يا عينى بتبقى مخضوضة من صوتى ومش فاهمة أنا بقول ايه .. بس انا بعمل كده من خوفى عليها
تقبلوا مرورى وشكرا

[2-happy]

تفاحة متزعقيلهاش عشا متكرهش الاكل...الرز المسلوق بتغلى ميه او شوربة لحمة مفيهاش دهون وتحطى فيها الرز وتسيبيه يستوى على نار هادية وبس..الوصفات والله كان نفسى افيدك بس انا اصلا بنتى مش بتاكل غير الزبادى والفاكهة يعنى موز برقوق تفاح وبس واخر ما تعبت بقيت اضحك عليها والخبطلها الزبادى مع السيريلاك وطبعا السيريلاك مش كفاية لوحده ربنا يهديهم علينا وانا معاكى مستنية وصفات حلوة وياريت للخضااااااااااار