يعطيك العافية ياغلا
للبحث في شبكة لكِ النسائية:
|
يعطيك العافية ياغلا
بصراحة درسك جدا رائع ومفيد الله لايحرمنا منك
دورة رائعة
السلام عليكم الغاليات
انا اسفة على التأخير اللي صار لكن صدق كان خارج عن اراداتي ,, عموما
درس اليوم اتوقع انه راح يناسب الاغلبية ان شاء الله ,, وهو عن كيفية عمل علبة دائرية ,, لكن اول شي راح اراويكم كيف تسوون المسطرة الخاصة بها العلب ,,
(( كيفية عمل المسطرة الخاصة بالعلب الدائرية ))
بسم الله نبدأ
هذه هي الادوات المستخدمة
مسطرة ومقص او سكين الورق وقلم رصاص وورقة مقواة طبعا علشان تتحمل الشغل
نحدد 2 سم كعرض ونرسم مستطيل طوله طول الورقة ونرسم مستطيلين نفس العرض والطور طبعا
نحدد عليهم الارقام بمساعدة المسطرة 1- 1,5 - 2- 2,5 ----------> الخ لين نهاية المستطيل الاول ونخلي اخر سم يعني نوصل عند 28 ونوقف نخلي مساحة تحت ما نسوي فيها شي ,,
نقص المستطيلين بعد ما حددنا الاقام على مستطيل واحد فقط
بعدين عند اخر سم وقفناعنده تحت لو اوراق الـ A4 بيكون تقريبا 28 سم نلزق طرف المستطيل الثاني هناك ونكمل باقي الارقام للنهاية ..
بهاي الطريقة نكون حصلنا على المستطرة اللي نقيس بها الاشكال المنحنية نفس الدوائر او الاشكال اليضاوية بطريقة صحيحة ان شاء الله ...
واكيد اتمنى اشوف تطبيقاتكم المميزة ان شاء الله ... والله يوفق الجميع وييسر الخير ان شاء الله دنيا واخره
@ اختكم في الله @ً
ام ناصر
ما شالله عليكي
أنا متابعه معاكي حبيبتي ويعطيكي الف عافيه يااااارب
السلام عليكم الغاليات
الحين راح ناخذ الدرس الثالث (( طريقة عمل علبة على شكل دائرة ))
نرسم مثلا مستقيم طوله 10 سم ونحدد نقطة المنتصف 5سم
نضع راس الفرجار ( الابرة ) على نقطة المنتصف والقلم في بداية المستقيم طبعا نفتح فرجار على قياس 5سم ,,
ونرسم دائرة قياسها 10 سم يعني ندور الفرجار من النقطة هذي لين ما نوصل لها مرة ثانية بعد ما نكون رسمنا الدائرة بالكامل ,,
باتسخدام المستطرة الخاصة نحاول انا نعرف كم قياس محيط الدائرة بالتقريب طلع القياس 31 سم بس انا زيدتها تقريبا نص سم احتياط,,
نرسم مستطيل عرضه مثلا 3سم + 1سم ( وهو المكان اللي يتلزق على الدائرة ) وطول المستطيل المفروض يكون 31.5 سم بس طبعا ماراح يكفي فنوصل لين 29 سم وبعدين نكمل في روقة ثانية ونخلي تقريبا 1سم وهو المكان اللي بنوصله بالمستطيل الاول علشان في النهاية يصير عندنا مستطيل طوله 31ونص سم
نثني الزيادة الـ 1سم اللي على الجنب وبعدين نقصقصها بطريقة مشرشرة نفس اللي في الصورة
هنيه تقدرون تشوفون جزئين المستطيل
وهنيه وين لزقناهم مع بعض
وهذي اجزاء قاعدة علبة الدائرة مستطيل عرضه 3 سم + 1سم مشرشر ودائرتين نفس القياس ( 10 سم )
واكيد في ظهر الجهة المشرشرة نحطي الصمغ
نحاول انا نلزق المستطيل على وحدة من الدوائر بطريقة مرتبه مثل الصورة..
ان شاء الله الطريقة واضحة
طبعا بيكون شكل العلبة مب حلوو فنحطي صمغ على الدائرة الباقية
نحط الدائرة داخر علبة الدائرة وشوفوا شكلها حلووو جي صح ^_^
^
^
^
يتبع
الحين نسوي غطاء العلبة ::
نرسم دائرة قياسها 10 ونص سم
واكيد نقيس بالمسطرة الخاصة كم محيط الدائرة وتقريبا 33 سم ونص زيادة احتياط ,,,
ونرسم مستطيل طوله 33سم ونص وبعرض 1سم + 1سم زيادة للصمغ ,,
نثني الـ 1سم ونقصه بطريقة مشرشرة
نلزق الجزئين بها الشكل ,,,
هالمرة حطينا الصمغ داخل الجزء المشرشر مب من ظهره ..
نلزق المستطيل حولين الدائرة بطريقة مناسبة ومرتبه
وها شكلها من ورا واكيد مب حلوووو
نحطي صمغ على الدائرة الثانية ونحطها على الدائرة الاولى علشان نرتب شكلها شوي ان شاء الله
بها الشكل يعني حلووو صح ^_^
وها شكل العلبة كاملة الغطاء والقاعدة
ان شاء الله الدرس يكون سهل ومناسب ... واتمنى اشوف ابداعاتكم عليه والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر
السلام عليكم الغالية
اوكي الغالية فالج طيب ان شاء الله شوفي شو الباترونات اللي تحبين تتعلمينها نزليها لي هنيه وانا بعلمج ان شاء الله اشلون تركبينها ولو تبين تعرفيني اشلون ترسمينها بعد انا حاظرة ولا يهمج ان شاء الله ,, واكون شاكرة لج فعلا واتشرف بشوفت تطبيقج الجميل ان شاء الله والله يوفقج وييسر لج الخير ان شاء الله دنيا واخره
@ اختكم في الله @
ام ناصر
الروابط المفضلة