الجزء الثامن
طبعا بعد ذلك أنتبهنا لحفل الخطوبة وللأسف أجلنا الميعاد شهر ونص لأن كان الميعاد الأول أقترب ولم نستطيع فعل شىء من المشاكل
بعد كل هذا كنت أتصل بحماتى ولكن ليس مثل الأول كنت أتصل ليس بدافع الحب والود
كنت أتصل بدافع الواجب وانها ام خطيبى وزوج المستقبل وإذا ردت علية أختة التى تلية سلمت وقلت لها أعطينى طنط طبعاً أختة شعرت أنها منبوذة منى فكم فعلت فى مواقف وسط الماشكل مواقف لا أحسد عليها فى نقل الكلام وبعد تحويرة وتلويثة إلخ إلخ
كان خطيبى يعلم أنى أعاملها هكذا وكان يشجعنى ويقول لى عامليها بسطحية مش ناقصين مشاكل
الكل أتلها فى تجهيزات الحفل
كانت هدنة صغيرة
أنتهى الحفل ولبست الشبكة اللى عملو عليها أفلام كانهم جابو حتة من السماء وأنا أصلاً بنت عز ووالدى ملبسنى دهب واللهى كان عندى شعور أنهم بعد الحفل ها يأخذو منى الشبكة مره أخرى
كان بداخلى ألم فظيع من كل ما فات خصوصاً بعد حفل الخطوبة كلما قابلت أحد يعرف أهل زوجى ويعرفنا معاً أسمع منهم الكثير والكثير فى حقى أنا وأهلى
كنت أسكت بعدها فضلو أهل زوجى فى تجاهل لى وإن تحسن الوضع قليلاً كانت تتصل بى حماتى من وقت لأخر وكنت كلما أتصلت بها تكلمنى صحيح لكن كلام بارد لاضحك ولا فرفشة لدرجة مره كنت أكلم خطيبى على الهاتف وسمعت أمه تضحك بشدة مع أحد أفراد البيت والله قلت له ماشاء والله طنط بتعرف تضحك أهو !! خطيبى لم يرد على لأنه كان شايف أنى محقة كان لايوجد بينى وبينهم أى حوار جميل كله سلامات وطيبات وخلاص
أم زوجى كانت غيرانه جداً منى أن خطيبى يحكى لى عن يومياته وخلافة وكانت دائماً تنصح أن يقلل من القدوم لى فى بيت أهلى بدعوى أن يكون أنسان خفيف وليس ثقيل
هذه النصائح كانت تشعر زوجى أنه غريب عن أهلى... أهلى اللى أتحملوه وأحتضنوه وتنازلت أمى من أجلة
فى هذه المرحلة كنت بتخنق من وقت لأخر بعدم أهتمامة وفرحتهم بى كأى عروسة أبن وكنت أرى صديقاتى وأهتمام أهل زوجهم بهم على الأقل فى فترة الخطوبة فأحزن وأشعر بالنقص
وأقول ياربى رضينا بالهم والهم مش راضى بينا
فنحن نعلوهم فى مستوايات عدة ورغم ذلك وافقنا وأنا وافقت وقلت هكون كما يقال الحلا بتاعم ويتباهو بى خطيبة وزوجة لأبنهم
كل هذا لم يحدث حسسونى أنى أقل من أى واحدة ممكن يخطبوها لأبنهم
كانو إذا زارونا نلبس ونتجهز أنا وأهلى وننتظر وننتظر ويأتو لنا فى ساعة متأخرة من الليل بعد أن نشعر كلنا بالنعاس ( برود ...برود ....برود)
فى هذه الأثناء كان خطيبى مشغول بتكوين نفسة
فعندما تقدم لى فى البداية خالص كان عنده شقة تبع إسكان الشباب وكانت مش مكتوبة بأسمة مكتوبة بأسم حد من قرايبهم لمسأل قنونية تمنع زوجى حقة فى أمتلاك شقة كهذه لأنه يعمل فى قطاع خاص فلما تقدم لأبى فى الأول قال له أنه عنده شقة لكن هو يرغب جدياً ان يغيرها لأنه عندما ذهب لأستلمها لم تعجبة
فهل لنا دخل فى ذلك؟؟؟؟؟ نحن لم نرى هذه الشقة أبداً أبداً
هو من نفسة قال هايغيرها
ولم نكن نعلم أصلاً أن الشقة مش بأسمة المهم غير زوجى الشقة وجاب شقة أخرى فى حى شعبى وقال تعالو شفوها قبل الشراء
لم نعترض ولم أعترض أنا وقلنا طيب
بعد ذلك سمعنا أمة دايرة فى كل حتة تقول بيعناه الشقة وشرطنا علية وكلفنا علية واثقلنا علية إلخ إلخ
كل هذا وأنا سكاته ولا أبين لها لا أنا ولا أهلى اانا نعلم بالكلام الداير وسط الناس اللى نعرفهم سوياً
بعد ذلك بعدة أشهر كنا نبحث لشقة لخالى الصغير فوجدنا شقة لقطة وسعرها حلو وكان خطيبى يعلم ذلك من باب العلم بالشىء وهذه الشقة أكبر من شقتى فوق الضعف وأغلا فى السعر ب5 ألاف جنية فقط وهذه الشقق إيجاروبتكون مش متوضبة خالص يعنى على الطوب هذا نظام فى مصر المهم سمع خطيبى ذلك قال عايز أروح أشفها جن جنونة لما شاف الشقة وحس أنه أنضحك علية فى الشقة اللى شراها فى الحى الشعبى وهذا الحى يعتبر أفضل قالى لى سأبيع الشقة وهاجى أخذ شقة فى العمارة دى فرصة لكن المشكلة مش معاية فى الوقت الحالى ال5 ألاف جنية عندما وجده أبى وأمى جاد فى رغبتة وكان بيجرى بيده وأسنانه يبيع الشقة سلفة أبى ال5 ألاف وقال له أننا واحد سدهم حين ميسرة وقال له أبى وعشان الشقة دى أوسع شوية أنا معنديش مانع تطول فترة الخطوبة سنة كمان فى سبيل أنكم كلكم ترتاحو بعد الزواج صعب الواحد يغير شقتو لشقة أوسع فى ظل هذه الظروف خصوصاً بعد الزواج ومسؤلياته
وفعلاً هذا ماحدث وبدل ما أبوية عطاه سنة زيادة المسألة طولت أكثر فكان فترة الخطبة المتفق عليها سنتين طالت لأربع سنين هى عمر خطوبتى
طبعاً أهلو فضلو دايرين فى كل حتة أننا بيعناه الشقة تانى واننا طماعين إلخ إلخ برغم أن خطيبى بيفهمهم لكن لا فائدة وبرغم ان كل شىء كان على يدهم وكانو معنا فى كل المراحل من بيع وشراء وراحو كمان أتفرجو على الشقة
المهم كانت الأمور تمشى بالزق بيننا وكانت الخلافات على التليفونات أهلة مش عايزينه يتصل بيه خوفاً من الفاتورة وحجات كدة منغصة بخلافة عدم أهتمامهم
كان ما يقتلنى هذه الفترة قلة الذوق والحب منهم والأهتمام
والعتاب منهم بأسلوب وحش يعنى لو متصلتش شوية ألاقى حماتى تتكلم معى فى الهاتف بالعين والحاجب وأزاى مش بسأل
ألاقى زوجى مقهور منهم فزوجى لم يساعدة أحد فى زواجنا ولا حتى بعشرة جنية أو حتى بقرش واحد ولم يكن معه شىء وأبى من كان يسلفة مع العلم أبوه معه فلوس وسايب أبنه كدة وكل شوية يقول أنا علية تجهيز البنات أنا علية تجهيز البنات
طيب قلت وماله أحسن زوجى يتحمل ويتعب جاء فى يوم زوجى يقول لى أن أبوة أعطاه مأتين جنية مساعدة ؟؟؟؟
ما يعادل 35 دولار حاجة كدة متشتريش قميص وبنطلون
وجاء يقول لى قلت له أياك تأخذهم قال لى ليه ينفعو أصرف حتى مواصلاتى قلت له بهذا المبلغ التافة سيدور أبوك فى كل حتة أنه بيساعدك أسمع كلامى قال لى طيب ماذا أفعل وانا تركتهم مع أمى على أن أأخذهم منها عندما أحتاجهم قلت له لما يكون أبوك وأمك قاعدين مع بعض قول لأمك فين يا ماما الفلوس الفلانية ستقول لك ها هم أعطيهم لأبوك وقل له خليهم بس معاك وأول ما ها عزهم ها أخذهم منك ووقتها لا تطلبهم قالى طيب
تعرفو أيه اللى حصل ؟؟؟
(كان هذا الموقف بعد حفل الخطوبة بسنة كاملة)
فعل زوجى ما قلته له قال زوجى لأمة أين الفلوس الفلانية ضحكت وقالت له راحت لصاحب ناصبها
قال لها بتعجب أى صاحب نصيبها كل هذا فى وجود حماية فقامت أم زوجى واتت بورقة صغيرة له مكتوب فيها
كوافير
نوروأضاءة
قال لها ما هذا مش فاهم قالت له ده ثمن الكوافير اللى أخواتك البنات راحوة فى خطوبتك!!!!
وهذا ثمن النور اللى علقناه على البيت فى خطوبتك !!!!!
المعنى أن أم زوجى دفعت هذه الأشاء من سنة وقت الخطوبة واخذتهم الأن!!!!!!!
جاء خطيبى يبكى لى بقلبة ويشكى لى ويقولى المفروض لا أقول لكى هذا لكن لو سكت ممكن تجيلى جلطة
جاء لزوجى هنا سفر للخليج ووافقبعد صراع منى لأنى مكنتش موافقة وبدأ يجهز للسفر كدة مرت من خطوبتنا سنتين
والسفر محتاج فلوس ومصاريف وهو مش معاه وأحرج يطلب من ابى وابى مسلفة سابقاً وهو يعلم جيداً أن أبوه معاه فلوس
توجة لوالده يطلب منه يد العون تهرب أبوه قليلاً ثم قال له أنه سيحاول يستلف المبلغ من أحد الأصدقاء وعلى زوجى فور ذهابة للخليج من أول راتب يرسل المبلغ
طبعاً حماية لن يستلف ولا شىء لكنه يفعل هذه التمثيلية عشان زوجى لا يماطل فى السداد
لا حول ولا قوة إلا بالله
فضل زوجى على هذا لحد ما أبوه حن علية وعطاه المبلغ نسيت أقولكم أن خلال فترة الخطوبة كنت أحياناً أسلف خطيبى وأساعدة أنا كنت بشتغل
المهم عطاه المبلغ وأقترب السفر وانا كنت أكره سفرة بشدة وهو حاول يقنعنى كثيراً
تكلم معى خطيبى هيكون الوضع إيه لما يسافر بالنسبة للشقة فقال لى سأرسل لكى الفلوس وأنتى وأهلك وضبو الشقة لأن أبوه يعمل لساعات طويلة جداً ثانياً شقتى لا تبعد عن شقة أهلى إلا 10 دقائق وتبعد عنهم كتيرررررررر قوى فقال لى مين فاضى عندنا يوضب قلت له أخاف من المشاكل برغم أنى أرغب فى ذلك حتى أختار ما أريد ولأن عارفة أهله هيتعبونى
فقال لى لن تحدث مشاكل
زوجى يثق فى أهلة بسرعة
قلت له إذان إذا كان ذلك هات أمك وأبوك عندنا وهما يقولو لوالدى أننا موافقين على أن يكون والدى وانا نقوم بهذه المسألة لازم يحصل كدة لو مش كدة خلاص
وفعلاً جاب أمه وابوه وهما وافقو للأسباب السابقة ومحدش أصلاً عنده أستعداد يتعب فى التوضيب ويتبهدل
وجائت حماتى ولازم طبعاً تقول كلمتين
قالت أن ابنها كان زمانه أتجوز وخلف ( تقصد لولا أنه غير الشقة )
أمى قالت لها لأ دا كمان كان زمان العيال دخلت المدرسة 
أمى تتعجب زوجى لم يكن معه مليم بعد شراء الشقة الأولى فكيف كان سيتزوج وأحنا اللى عطلناه
قلت لها سيبى اللى يتكلم يتكلم
حماتى بعد الزيارة وهية نزلة على السلم تقول لأبنها أيه رايك
شفت الكلمتين اللى أنا قلتهم
قال لها ياماما مفيش داعى أحنا بقينا أهل
( الم أقل لكم حماتى دخلة مسابقة لأفضل رد حارق ومحرج )
لم تستفيد حماتى بهذا النسب أى محبة لماذا لا أعرف كان ممكن تدخل علينا بالحب والود والتفهم وكانت ستشاركنا بأرئها وأقتراحاتها
وكنا كلنا نصبح عيلة واحدة
لكن هيهات
حماتى ربت العداوة والكره فى قلوبنا أنا واهلى
المهم زوجى حبيبى علية وقتها ديون وكان داخل جمعية تحتاج كل شهر مبلغ كل هذا كان فوق رأسة كأى شاب بيكون نفسة ولا يوجد منهم من يرحم ويساعد
وقبل السفر تقول له أمه أعمل حسابك فى فلوس تبعتها هنا تساعد فى جهاز أختك ( لم تكن أصلاً مخطوبة ذالك الوقت)
جهاز أختة اللى حماية يبرر عدم مساعدة لأخطيبى حتى يتكفل بالبنات ونحن نقول لا بأس
كمان حماتى عايزة خطيبى ينسى خطبتة بنت الناس اللى مستنياه وينسى ديونة وألتزامته ويرسل مبلغ كل شهر لجهاز أخته ماهذا أى قلب أم هذا ( أستغفر الله العظيم من كل ذنب عظيم)
أنا لا أنكر على زوجى أن يساعد أهلة سواء فى السابق أو فى الحاضر لكن هذا إذا كانو حقاً فى حاجة لمساعدة ولكن هم فى حاجة للزيادة ( البحر يحب الزيادة)
المهم زوجى لم يلتفت لطلب أمه كان على عاتقة الكثير
وللحديث بقية
"متميزة صيف 1429هـ و مُبدعة صيف 1430هـ "صانعة الأطايب
كتبت بواسطة my snow white
حبيبتى النفقطة دى بالذات هتشوفى فيها العجب لما أحوالنا تتصلح أصبرى وهتشوفى
أعضاء قرؤوا هذا الموضوع: 0
[
الروابط المفضلة