ركن الجمال المصرى ..(نرحب بالضيوف)

[هبه60]

حبيبتى حنان وكل اخواتى العزاء اللى من مصر عايزة منكم مساعدة ياريت تهتمو وتجاوبونى :

اللى اشترى الليفة المغربيه اشتراها منين ممكن اعرف العنوان والسعر كمان
وايضا السفيداب الاقى فين وسعره

وبصراحة عايزة اشكرك ياحنان على مجهودك الاكثر من رائع وعايزين المزيد

[mohagraa]

خشونة الكعبين

يا اخت حنان اسمحيلى ارد على الاخت ام سلمى.
الى الاخت ام سلمى الاموره جربى كريم ايفا بالجلسرين هاتى العلبه الموف الصغيره ( ب 2 جنيه بس ) لانها دهنيه اكتر من الكبيره.وادهنى كعوبك منها ولكن بغزاره وخصوصا بليل وممكن تلبسى كيس فى رجلك عشان الكريم مايتمساحش وان شاء الله هتحسي بالفرق بعد يومين واستمرى عليه لحد ماتوصلى للنعومه المطلوبه .وممكن تستعملى دايما زيت الزيتون فيما بعد.

انا دايما اجيب من مصر كام علبه لان هنا الشتاء بيخلى الايدين والرجلين خشنه اوى.واول مااستعمله يجيب نتيجه سريعه.
وكمان استعملته لابنى اول مااتولد كان جسمه مقشر اوى وهى دهنتين والقشر انتهى للابد.والحمد لله.وممكن تستعمليه فى التهابات البشره من الشمس.
والله خطير خطير

والاخت حنان ان شاء الله تعطيكى وصفه طبيعيه.

[jihad]

اختى مهاجره جزاك الله خير على الكريم داه وانا حا استعمله

حنوووووووووووووووووووووووونه الف شكر ياقمر وانا دائما متبعاكم فى الركن الجميل داه

[mohagraa]

اختى مهاجره جزاك الله خير على الكريم داه وانا حا استعمله

ان شاء الله هيعجبك وانا مستنيه اسمع النتيجه

[ام سلمى الامورة]

مهاجرة
ان شاء الله ياقمر ترجعوا للدفا في مصر في اقرب وقت
بالنسبة للكريم انا هاشتريه طالما انك جربتيه وان شاء الله تكون نتيجته معايا حلوة برده
ودي مني ليكي ولابنك الجميل

[raaiaraaia]

هاى بكل المصرينيا جماعه حراز ده عطار كبير اوى فى القاهره جنب الحسين والعتبه والمناطق دى اما عن الليفه المغربيه دى بتيجى من عند اى صيدليه تكون كبيره فى القاهره وسعرها من 21 ال 25 واى خناقه

[raaiaraaia]

حنان انت فين

[حنان فاروق]

بسم الله الرحمن الرحيم
السلام عليكم ورحمة الله وبركاته
اللهم اسالك الثبات على الامر .والعزيمه على الرشد .والغنيمه من كل بر والسلامه من كل اثم .اللهم انى اسألك قلبا سليما ولسانا صادقا.
اولا اسمحو لى ان نرحب باختنا الحبيبه المهاجره واتمنى من الله ان تعود الطيور الماهجره الى اعشاشها وربنا يهون عليك الغربه ياحبيبتاه.
اختى الحبيبه كل اولا بالنسبه لاسئلتك هو انتى صعبتى الموضوع شويه عشان انتى عايزه كل الوصفات من البيت مش من عند العطار وان شاء الله هنحاول مع بعض واحده واحده
1-الحبوب والنمش كنت قولت لاخت من قبل وهو استعمال المر بنقعه فى ماء حار وبعدين بقطن الاذن تدهن حبايا حبايا

2-ازالة الشعر الزاائد نهائيا سيكون موضوعى القادم

3-تنعيم الشعر يمكنك اختى ان تستخدمى الزبده بان تسيحى الزبده عن طريق حمام البخار وتدهنى شعرك جيدا وتلبسى بونيه بلاستيك لمدة ثلا ث ساعات وان شاء الله ستجدى نتيجه مرضيه وان شاء الله ستجدى وصفات مفيده للشعر بعد الانتهاء من البشره .

4-لازالة سواد وخشونة الكوعين والركب
نص فنجان ليمون -
نص فنجان جلسرين
ربع فنجانزيت خروع
ربع فنجان زيت لوز
ويمزج الخليط كله ويدهن على الاماكن السوداء كل يوم بليل ويستعمل حتى بين الفخدين وان شاء الله سترى نعومه وبياض

5- سنفره يدوى هى سكر + ليمون ويدلك بها جميع اجزاء الجسم وبعدين الاستحمام

[حنان فاروق]

بسم الله الرحمن الرحيم
السلام عليكم ورحمة الله وبركاته
اخواتى حبايبى وحشتونى واشكركم فقد قمتم بالواجب فى غيابى الله يبارك لكم
ازيك يارحوبه انتى شاغله نفسك بالاخ حراز ليه منتاجته موجوده فى كل الدنيا ياحبيبتى مش محتاج تروحى المحل بتاعه لانه بعيد فى باب الخلق وعامة لو مصممه قوليلى وانا اكتب لك عنوانه ورقم تليفونه وعلى فكره اخر حاجه جبتها من منتاجاته وتجنن هى الكحل العربى الاثمد واسمه (كحل حراز الطبيعى المحوج )خطير وبيخلى العيون ايه. ولونه رمادى بس ياريت لو اللى تتكحل به يبقى فى البيت بس عشان مغرى اوى وكمان سعره رخيص حاجه ببلاش كده

مرحب بكى اختى ام سلم الاموره ربى يخليها لك واكيد هى طالعه اموره لماما واوعدك انى هزور ركن السياحه وشكرا على وصفتك الجميله واجمل ما فيها انها غير مكلفه وده من شعار الركن بتاعنا.حبينتى بالنسبه لخشونة الكعب اكتر شى بيظهرها هى السبوهات المفتوحه المهم فى حاجات لازم دايما تعمليها اولا هاتى جلسرين وحطى عليه لمون وبعدين قبل
ماتنامى ادعكى كعوبك بالحجر وادهنى الجلسرين والبسى شراب وهتشوفى النعومه بس لازم كل يوم


هبه ....شكرا ياحبيبتى على كلامك الرقيق هنه الليفه المغربى موجوده بس انا قولت على طريقة عملها مش هتكلفك حاجه وصدقينى هى هى النتيجه.

روبى اتصدق ياجميل انتى الوحيده اللى حسيتى بغيابى ربى يخليكى ليه وميحرمنيش منك وانا موجوده ووحشتينى ياشقيه.

[حنان فاروق]

بسم الله الرحمن الرحيم
اللقضاء على الشعر الزائد نهائيا
الترمس المر المطحون يوجد عند العطار مطحون جاهز
ينقع الترمس فى ماء مغلى لمدة يوم كامل وبعدين يصفى ويوضع فى برطمان ويوضع فى الثلاجه عشان مايعملش ريحه وبعدين نشيل الشعر الزائد بالطريقه المعروفه وبعدين ندهن بالميه بتاعة الترمس مرتين فى اليوم لحد الشعر مايطلع نتوقف لحد مانشيل الشعر ونعيد الكره وعلى فكره مفعوله اسرع من السعد...