انا متابعة بصمت مش عايزة اكتب حاجة
للبحث في شبكة لكِ النسائية:
|
انا متابعة بصمت مش عايزة اكتب حاجة
طب يا حسنا انا عندى مشكله انهم مش بينامو بالنهار ساعتين على بعض يعنى بياخدو غفوات قصيره جدا نص ساعه تقريبا أو أقل بعد كل وجبه يمكن والدكتوره قالتلى انهم كبرو على كده والمفروض ينامو فى وسط النهار كام ساعه على بعض وقلتلها مش بعرف أظبط الموضوع لانهم بيفضلو يزنو عشان بيبقوا عاوزين ينامو قالتلى الهيم ولاعبيهم عشان يفضلو مصحصحين حبه حلوين وبعد كده ياخدو قيلوله ساعتين على بعض وحاولت بس مفيش فايده وقت مابيكون النوم غالبهم لا يمكن يستجيبو لاى لعب هينامو يعنى هينامو وبعد زن محترم ألاقيهم نامولى نص ساعه بالكتير ببقى هشد شعرى خلاااص لو عندك حل أو أى حد تانى هنا عنده حل ياريت يساعدنى
ام خالد ليه مرحتيش الفرح وأخدتيهم معاكى وخلاص بدل القعده؟؟أنا عارفه ان الموضوع هيكون متعب بس معاكى مامتك ممكن تمسكهم معاكى يعنى تغيير جو ,والحمدلله انك طمنتينا على أم فيصل ربنا يشفيها ويعافيها ويتمملها حملها على خير, وبعد الشر عليكي من السكر مش شرط انه يجيلك حتى لو فى وراثه بس بصراحه أنا متأكده ان هيجيلنا كلنا الضغط من الى احنا فيه
لولا شكرا ليكي حبيبتى وقوليلى هو بتر الاصابع بيأثر على المشى؟؟أنا معلوماتى بتقول انه لو صوباع واحد المشى مش هيتأثر لكن لو اتنين مش عارفه,ربنا يشفى مامتك وحماتى وجميع مرضى المسلمين..وشكل ولادى هيطلعو عفاريت زى ولادك لان كل ما أجيب لعبه أو ألاقى حاجه تلهيهم حبه ويزهقو منها وعاوزين حاجه تانيه زى ماقلت لصبا هما عاوزين أراجوز شغال طول النهار معاهم ربنا يعينا على الى احنا فيه
دقدوقة ازيك وحشتينى
والله كانك بتحكى عن ولادى بالظبط نفس الوضع بالظبط
محدش فادنى لسه هيا السنه لما بتشق تعبها بيروح؟؟أصل سنة كرمه انا شايفاها خلاص بس لسه الزن مستمر وأنا خلاص نفوخى انفجر من الزن بتاعها وطبعا لانها بتزن مش بتعيط فنفسها طويييييل ومبتتعبش تفضل طول الوقت على نغمه واحده ساعات بزعقلها وأقولها ياريت تعيطى أهو على الاقل شويه وهتتعبى وتسكتى لكن الزن ده عرض مستمر والله أنا متعصبه على الآخر بس برضه صعبانه عليا بحاول ألاعبها وأضحكها بلاقيها ياعينى بتضحك وتزن فى نفس الوقت مش عارفه ازاى هيا نفسها تضحك بس أكيد فى حاجه تعباها ومعصباها
هقول ايه يادينا ما انتوا حافظين لا جديد
قولى ياستى احنا ورانا حاجه ما كلنا الى بنعيده نزيده ولا فى حاجه بتتظبط ولا تتحسن الا لما يجي مزاج البهوات عليها وتتظبط لوحدها
عامله ايه لوحدك؟؟بتعرفى تخرجى بيهم ولا لأ؟؟ وبدأو يتقبلو شوربة الخضار ولا لسه
هدى , مامانون ,جيدا فييييييينكم مختفيين لييييييييه
الروابط المفضلة