¯−ـ‗ऊ_»ऋँ استضافة أخصائية تغذية م. سوسن العمري .. أهلا بها ونستقبل أسألتكم هناऋँ«_ऊ‗ـ

[مولاتى]

السلام عليكم ورحمة الله وبركاته

شكرا كتير للمشرفات على هذا الموضوع الرائع
وشكرا لدكتورة سوسن جزاكى الله كل خير وجعله فى ميزان حسناتك اللهم امين

انا عاوزة اسالك انا اعانى من غازات كتير فى البطن
ياترى فيه اعشاب اشربها تفيدنى فى هذا الموضوع

وسؤال كمان انا دائما اعانى من حموضة وباخد علاج دواء اسمه رانتيدين ( أقراص وأحيانا فوار )
بس سمعت انه المداومة على ادوية الحموضة بتعمل هشاشة فى العظام
ياترى هذه المعلومة صحيحة ام لا ؟؟؟؟
واذا كانت صحيحة فهل هناك حل للحموضة غير الادوية

وجزاكى الله كل خير

[م.سوسن العمري]

مرحبا صبايا كيفكم اليوم وكيف نهار الجمعة كان معكم
اختي ibtissam92
الله يشافيكي ويخفف عنك
ياريت لو تحكيلي عن طبيعة اكلك هلأ هل انتي ملتزمة بحمية معينه وهل في امكانية ومتوفر بمنطقتكم المنتجات الخالية من الجلوتين ياريت لو توضحيلي اكتر لحتا نبني عليه الحمية الخاصة
خبريني كيف الهيموغلوبين عندك ؟؟
وانتي مابتاكلي لان في ممنوع عنك كتير اصناف او ماعندك شهية ياريت لو في توضيح اكتر
بتمنالك الشفاء حبيبتي

[م.سوسن العمري]

اخواتي oum kawtar و مولاني
رح اجاوب على اسالتكم بهالفقرة لانها تقريبا متشابهة
بالنسبة لحموضة المعدة افضل نصائح لتجنبهاالاتي :
التخفيف قدر الامكان من القهوة والمشروبات الغازية والشوكولاته
تجنب المأكولات الدسمة قدر الامكان وعدم النوم بعد الاكل مباشرة او حمل ثقل معين خاصة بوضعية للجسم تشبه حالة الركوع
تخفيف التوابل والبهارات في الطبخ
الامتناع عن التدخين
محاولة تجنب الاكل قبل النوم مباشرة واعطاء فترة على الاقل ساعتين
انقاص الوزن اذا كنتي تعاني من السمنة
تجنب الادوية قدر المستطاع واللجوء اليه في الحالات الشديدة وطبعا بعد استشارة الطبيب
التركيز على الخضروات والفواكه الطازجة وخاصة مايعرف بالخضار المائية مثل الخس ومتل ماحكيتي اختي oumkawtar
الجزر مفيد بهالحالة لان نسبة الماء في تكوينه عاليه والجزر بننصح فيه لانه يعتبر طارد للريح ومفيد للنفخة ومضاد للاسهال ويمنع حموضة المعدة
العلكة مفيدة بهالحالة بس باعتدال
حاولو تركزو على استخدام زيت الزيتون في الطبخ لانه مابغير مستوى حموضة المعدة
وطبعا واهم شي تجنب التوتر والضغوط النفسية ومتل مابيحكو عيشي يومك
وحولو تقللو من الاكل بين الوجبات بشكل عشوائي ومن الافضل توزيع وجباتكم باليوم وعدم الاعتماد على وجبتين رئيسيتين لحتا ماتزيدو الحمل على المعدة والامعاء
اما بالنسبة لمعلومة ادوية حموضة المعدة وعلاقتها بهشاشة العظام ف للاسف الدراسات بينت انه استعمالها للمدى البعيد بيعمل هالمشكلة لانه هالادوية بتعمل على تقليل قدرة الامعاء في امتصاص الكالسيوم والاستفادة منه ولهالسبب معظم الاطباء بيوصفو لمرضاهم مكملات الكالسيوم وفيتامين (د)و ( ك)
بالنسبة للاعشاب التي تساعد في حل مشاكل الانتفاخ :مفيد اليانسون,الشبت,البابونج,الكمون,الحلبة .الكراوية ,القرنفل.القرفة.النعنع.الزنجبيل.الشاي الاخضر واغلبهم نفس الطريقة اغلي كاس ماء وبعد ماتطفي النار بتضيفي المكونات يعني احد هالاعشاب وبتتركيها دقائق وبتشربيها
ولاتنسي انه زيت الزيتون مفيد لهالحالة ضيفيه للسلطة والطبخ واذا بتقدري تاخدي ملعقة منه شرب بكون كمان منيح
وانتبهي لطريقة اكلك خليكي تاكلي ببطء ولاتشربي كولا كتير او عصائر والعلكة بحالتك مو منيحة لانها بتزيد الانتفاخات
وحاولي انك تمارسي الرياضة
وربنا ييسر اموركم اخواتي

[م.سوسن العمري]

اختي naji.2007
للاسف الحمية الي متبعيتها مو صحية لانها قليلة بالسعرات الحرارية كتير وتفتقر للمغذيات الاساسية ويمكن تنزلي اول فترة مقدار منيح من وزنك بس للاسف بكون سوائل ومجرد اترجعي لعادات الاولى رح ترجعي ونك وتعاني نفس المشكلة ولكن مع احباط زيادة عن اول
خليكي متابعتينا وان شاء الله الايام الجاية بنزل الحميات

[م.سوسن العمري]

اختي bicky
الحمية 12*12 غير صحية ومابتستفيدي منها الا اول فترة بنزل وزنك وبعدها بترجعي تزيديهم اول بأول ويمكن واحتمال كبير تزيدي اكتر من الي خسيتيهم وغير المشاكل بجسمك الي راح تصير من تساقط في الشعر وفقر دم ومشاكل بالاظافر والكثير الكثير
بالنسبة لوزنك المثالي رح يكون مابين 50 و 55 بس مو شرط يمكن توصلي اكتر من هالوزن ويكون جسمك متناسق نحنا مو كتير بنعتمد على هالمعادلات لان كل جسم بيختلف بتوزيعه عن التاني
وان شاء الله اذا ضليتي متابعيتنا بتوصلي الوزن الي بدك اياه

[هدوء قلب]

ماشاء الله
بارك الله فيك دكتور سوسن .. انتِ انسانة رااائعة
ربى يجزيك كل خير على سعة صدرك

[م.سوسن العمري]

اختي سما احمد
انسب ريجيم الك هو الريجيم المتوازن الي بيحتوي على الكربوهيدرات والبروتينات والدهون ولتركيز على الخضار والفواكه والحليب ومشتقاته
وان شاءالله بأقرب وقت بينزلو الحميات في النتدى وبتابعي معنا
افضل رياضة مناسبة الك هو المشي السريع يعني لو تبدأي بنصف ساعة باليوم وبعدها تزيديهم ساعة يوميا رح تساعي جسمك كتير بالنزول
وفي دراسات كتير بينت لو ماكنتي متبعة حمية بس كنتي مواظبة على المشي اليومي بتفقدي بالسنة 6 كغ من دون اي حرمان في الاكل ويمكن تفقدي اكتر طبعا اذا خففتي من اكلك
وان شاء الله ربنا يديم عليكي الصحة

[م.سوسن العمري]

اختي bero333
انتي لوزنك الي زدتيه بالحمل بيعتبر زيادة عن الطبيعي خاصة انك عندك سمنة من قبل الحمل
حاليا بدك سعرات حرارية 2000 سعر حراري باليوم لتحافظي على وزنك بس انتي اكيد بدك تخففي وزن مو تحافظي عليه وعل هيك بنحب نبلش ب 1800 او حتا 1600 كبداية لتنظيم جسمك على مستوى معين بس بعدها بنخفضهم اكتر من هيك بس ماينزلو تحت 1200 سعر حراري باليوم
خليكي على الرياضة رح تستفيدي كتيييييييييير
وربنا يوفقك

[bicky]

شكرا جدا دكتورة سوسن أمنيتي أوصل لوزن 50 أنا قبل الزواج كنت مابين 57 و 60 وكنت محتاجة أنزل شوية كمان
ادعيلي أوصل 50 ان شاء الله

[مازلت تصميم]

السلام عليكم

مشكوره دكتوره وجزاك الله الف خير

انا عندي سؤالين

---انا طولي 153 ووزني 67 وعمري 37 ممكن اعرف كم سعره حراريه احتاجها باليوم ؟؟

--- وسؤالي الثاني - بنتي طولها تقريبا 160 ووزنها 66 وعمرها 15 ممكن تعطيني نظام صحي

لها يخفف وزنها- ولانها صغيره وفي وتدرس ما اقدر اطبق عليها الرجيمات المطروحه بالمنتدى

لاني خايفه انها ماتناسبها

ومشكوره مره ثانيه