ركن الاكلات المصرية...

[بنبونة]

وعليكم السلام ورحمة الله وبركاته

أهلا بك أم ميدو
[IMG] [/IMG] [IMG] [/IMG]

بالنسبة للخلطة إللى بتتحط على وش الكشرى كما طلبتى هى نوعين
الأول الدقة كما نسميها وهى عبارة عن ثوم مدقوق ناعم و يشوح فى قليل من الزيت حتى يصير لونه ذهبى فاتح
مع مراعاة عدم تغير لونه للون الغامق ثم يصب فوقه خل ويترك على النار لمدة 2 دقيقة ثم يرفع من فوق النار
ويترك ليبرد و يستخدم
أما النوع الآخر فهو الصلصة و أيضا يستخدم فيها ثوم مفرى ويشوح فى الزيت مثل الدقة ويضاف لها عصير طماطم أو صلصة ( معجون طماطم ) حسب الرغبة وقد تخفف بقليل من الماء مع إضافة الملح و الفلفل و الشطة إذا بتحبيها و تترك على النار حتى تتسبك و تنضج الطماطم يضاف إليها القليل من الخل و تستخدم فوق الكشرى
و بالهناء و الشفاء
وطبعا ما تنسيش شرائح البصل المحمرة التى توضع فى الآخر خالص
أتمنى أن أكون أفدتك و تجربيها و إن شاء الله تعجبك
وبالنسبة للخلطة التى بالمحلات فالحمراء هى بالطماطم ويوجد لون أحمر غامق أكثربيكون بالشطة و التى بيكون لونها بنى فاتح فهى الدقة

[om_maram]

بسم الله الرحمن الرحيم
السلام عليكم و رحمة الله و بركاته
تحياتى لكم جميعا أنا عضوة فى الموقع لسة جديدة بشوكى يعنى وعندى أمل ألاقى أجابة لسؤال بعد أذنكم حد يعرف الأسماء المختلفة للأكل و البهارات يعنى مثلا بندورة يعنى طماطم و بطاطا يعنى بطاطس و هكذا لأنى أحيانا ادخل مواقع عربية ألاقى أسماء غريبة مثل هيل و هال و أبر الراعى و حاجات كدة يا ترى ممكن حد يساعدنى و شكرا جزاك الله خيرا

[أم ميدو]

مشكوره عزيزتى بنبونه (دا انتى بنبونه وكراملاية والعسل كله).

كفيتى ووفيتى وبارك الله فيك.

[بنبونة]

وعليكم السلام ورحمة الله وبركاته
أهلا بك يا أم مرام منورى ركننا الهاديء
شوفى يا ست الكل المنتدى هنا مليء بالأسماء و البهارات التى بتسألى عليها وهى محتاجة بحث شويه
و على العمزم أنا بحثت لك ووجدت لك بعض الأشياء هأنقلها لك و هى :
تختلف الاسماء المتداولة لبعض المواد المستخدمة في المطبخ في دول العالم العربي من منطقة لأخرى.
في ما يلي محاولة لوضع المرادفات المختلفة لكل نوع

معكرونة = أعواد اسباجيتي
ورق قصدير= المنيوم
القرنبيط الأخضر = بروكلي
بطاطس، بطاط = بطاطا
خبز جاف مطحون = بقسماط
الفرفحيني أو البقلة هي نبات ذات أوراق خضراء صغيرة تشبه أوراق الزعتر الأخضر إلا أنها مليئة بالماء= بقلة
طماطم = بندورة
توجد في محلات البهارات وتسمى البهارات البيضاء وطعمها شبيه بالبهارات المعروفة ولكن لونها أبيض =البهارات البيضاء =الفلفل الأبيض
بريد = توست
طون = تونة
جبنة بالقشطة = جبنة طرية غير مالحة
جلو = جلي
قريدس، روبيان = جمبري
ريحان، Bazil = حبق
لبن = حليب
الحمَام المائي ( يوضع القدر داخل قدر ثاني أكبر منه ويكون القدر الثاني داخله ماء ساخن ويكون ارتفاع الماء الساخن في القدر الثاني لنصف ارتفاع القدر الأول فقط )
طحين = دقيق
حلاوة الطحينية = رهش
زبادي= روب
قرنبيط = زهرة
جينجر= زنجبيل
مسحوق أحمر خمري حامض = سماق
سميت = سميد
البنجر= الشمندر
الحلوة، البسباس (في الجزائر)= الشومر
تمر هندي = صبار
معجون طماطم ، رب البندورة = صلصة طماطم
عش الغراب ، مشروم= فطر
دجاجة = فرخة = فروج
فراولة = فريز
دارسين = قرفة
مسمار = قرنفل
بصل مقلي بسمن أو زبدة = كشنة
كراث= كرات
هرد، العقدة الصفراء = كركم
جلجلان = سمسم
شبرم = كزبرة جافة
زبادي= لبن

اللبنة هى لبن يترك ليتصفى من مائه حتى يصبح كثيف وغليظ القوام. يقدم في معظم الدول العربية مع الخبز العربي وزيت الزيتون ويستخدم في السلطات في بعض الأحيان

ملفوف = لهانة = كرنب
مسلوق ومصفى = مشخول
صلصلة السمك = مهياوه
حبهان = هيل
ورق اللوري = ورق غار

يقلب في قدر على النار من غير إضافة أي شىء آخر له = يحمس

أرجو أن أكون أفدتك و هذا هو المطلوب و بما إنه منقول و توجد بعض التسمية غريبة على ولا أعرفها
فياريت لو أى أخت تلاقى غلط تصححة مشكورة

و أى طلب يا أم مرام أنا تحت أمرك

[بنبونة]

الله يبارك فيك يا أم ميدو
ولا شكر على واجب يا عزيزتى
و أنا تحت أمرك فى أى شيء تريدينه

[white angle]

السلام عليكم اخوااتي
عايزة اقول لكم علي حاجة انا عملتها كانت جميلة قوي يمكن الكل بيعملها او مش بيعملها نتجية لاختلاف حتي الثقافات في المجتمع المصري تبعا للمكان
الاكلة اسمها مكرونة بالبصل
المقادير
كيس مكرونة - زبدة (معلقتين كبار) - بصلة متوسطة مبشورة_ملح ( نص معلقة كبيرة او اقل منالنص قليلا) _شطة _وطبعا طماطم (3 حبيات كبار طماطم)
الطريقة
تسيح الزبد في الوعاء نضع البصل المبشور نحمره قليلا ...حتي ييدبل وليس لدرجة التحمير كما في رز السمك
نضع عصيرالطماطم علي الزبدة والبصل ..ونضيف الملح والشطة
نتركها قليلا حتي تصبح (مسبكة) تصبح لها قوام الصلصة
نضع المكرونة بعد اطفاء النار علي الصلصة ونقلبها جيدا حتيتمتزج بها
شوفتوا سهلة جداجدا ...انا عارفة بس كل الحكاية اني جربتها بالبصل ولاقيت طعمها جميل فقلت اقول لكم يمكن في بنت زي مش كانت تعرف انها بتتعمل بالبصل
جربها صدقوني طعمها جميل جدا

فعلا هى حلوة وانا بقيت على طول بعملها كده بس زوجى هو اللى معلمهالى لكن بيضيف مع البصل فص او فصين توم واحمرهم مع البصل وبكمل الخطوات وفعلا بتبقى طعمها وريحتها حلوة

[white angle]

ماشاء الله انا ماخدتش بالى ان انتوا وصلتوا لصفحه 47 انا قريت بس الصفحه الولى بس اكلات حلوة اووى وان شاء الله هاجربها

[الاء سعد]

اريد طريقة العصبان

[الاء سعد]

اريد طريقة العصبان

[روزتا]

السلام عليكم انا بحبكم اوى انا لسه شايفه الموضوع بتاعكو ده النهارده قرأت اول صفحه وبصراحه مقدرتش اصبر لما اوصل للاخر قلت لازم ابعت لكم الاول ازيك يامشمشه انتى لذيذه اوى وعلى فكره انا كمان تربيه انجليزى بس انا لسه سنه رابعه يعنى فاضلى تيرم واحد بس واقعد جنبكم انتى دفعه كام يامشمشه واى جامعه؟؟انتو لذاذ اوى على فكره انا متزوجه بس للاسف مش هقدر افيدكو لان كل اللى بعرف اعمله ارز ابيض وفراخ مسلوقه بس ان شاء الله اتعلم منكم وياريت يامشمشه تردى عليا