تجمع امهات التوائم ولكافة الاعمار

[ريناد 2005]

السلام عليكم ورحمة الله وبركاته

[أم مااجد]

مرحبا واهلا وسهلا كيفكم الجميع
انا بخير والاولاد الحمد لله اقرا الي فات وارجع

[hasna1976]

ام العبدين
هيني هون
يلا خليكي ع الريجيم

و سلامة اولادك الله يحماهم

و طمنينا عن عبد الرحمن


بالنسبة للنقاب انا رأيي من رأي ام حبيبة
بس الواحد احيانا ما بحب الزن ع الراس
و هما فاكرين انهم مش مضايقينك
و الله يختار للواحد الاحسن و الاصح دايما

و كلها فترة و بدفي الجو فخليكي ملتزمة بالدار
و ما شاء الله اولادك في تحسن ممتاز و من احسن لاحسن ان شاء الله

و انا مثلك بالريجيم بثبت فترة و برد بنزل
بس ملاحظة انه بطني صاير مشدود كثير
و لما باكل ما بكون جوعانة مثل اول لانه بشرب مي و فواكه

بس انت دايما اكلك يكون محتوي كل العناصر بس بكميات قليلة هيك احسن الك

[hasna1976]

ام ماجد انا واياكي هون مع بعض
و الحمدلله انكم تمام

[hasna1976]

صبا
صح انا مش شادة حالي كثير
بس احسن من اول
و ما بحب امنع حالي عن اي نوع اكل بس بخفف
و حاسة فيه تغيير بجسمي

و ان شاء الله كل ما انزل شوي بكتب هون كم وزني

[hasna1976]

ريناد
خذي مني كيلوات قد ما بدك
تحت امرك انا هههههههههه

و هيك هما الاولاد يوم ممتازين و يوم ............. خليها ع الله

[osnohs]

السلام عليكم ورحمة الله وبركاته
كيفكم حبيباتي اشتقتلكم كتييييير يس الظروف صعبة بهاليومين الحمد لله على كل حال
انا والتوينز بخير الحمدلله حبيت ادخل واطمنكم عالسريع
انشالله بكره بدخل وبقرا كل الردود وبتطمن عليكم
بحبكم كتييييييير

[أم مااجد]

السلام عليكم
امبارح كتبت رد واتفاجات انه طار استفزني النت فرحت ونمت
يارب تكونو كلكم بخير
منورة احلى حسنا ويارب يعطيكي الي تتمنيه ماشاء الله عزيمتك قويه

ام العبدين وصيا وام حبيبة الله ام حسن ووريناد ونودي كلكم كلكم الي معنا بالتجمع يارب تكونو بخير انتم والكتاكيت

[osnohs]

السلام عليكم
رجعتلكم بعد طول غياب والحمدلله على كل حال
احنا بخير الحمد لله
طول الأسبوع الماضي وانا عم احاول افطمهم عن رضاعة الليل
والتزمو 3 ايام وماشالله عليهم واليوم الرابع مابتتخيلو الوضع جنان والله انا والشغالة
كنا بلشانين ليل نهار لحتى يلتزمو بالفطام
بس صارلهم يومين والله مطلعين روحي
الله يعيني لأنه بصراحة ماعندي صبر تعبت كتير
وبطلت انيمهم بالنهار الا الظهر ساعة بس وبيصحوعالساعة 8 الصبح وبالليل بينامو عالساعة 11 حاولت انهم ينامو بكير شوي مازبطت
بينامو ساعة او ساعتين وبيصحو شبعانين نوم وسهر للفجر مشان هيك بأخرهم
يارب يارب تهديهم ادعولي والله بحاجة لدعواتكم

[osnohs]

ام ماجد كيفك وينك شكلك رحتي نمتي
كيف الأولاد انشالله بخير طمنيني عنك وشو صار معاهم بالنسبة للكلام