حوامل مصر اهلا بيكم من تانى تعالوا نكمل .....

[sefo2]

صباح الخير .. ادونيى فرصة اتكلم ايه بلعتوا راديوا ... بالراحة هيدونا فى المنتدى الكاس عن احسن رغايين فى المنتدى ........

ههههههههههههه عارفة كان فى ممثل زمان كان دايما يعمل دور الرغاية قال انا رغاية قال ويفضل يعيد ويزيد لما الرغايين يزهقو
يلا ياستى ارغى انتى بئى

[ورده مصريه]

ههههههههههههه عارفة كان فى ممثل زمان كان دايما يعمل دور الرغاية قال انا رغاية قال ويفضل يعيد ويزيد لما الرغايين يزهقو
يلا ياستى ارغى انتى بئى

عرفاه اسم الحداد ... بس مش فاكرة الأسم الأول ... كان بيعمل الست الرغايه كان جميل والله بيجى فى الراديو دايما الله يرحمه بأه ..

[ورده مصريه]

سموحة ... ايه اخبارك .. طمينيا عليكى .. جوجو بتسلم عليكى اوى ..

بطوطة .. اعملى زى ما سيفو قالتلك .. انا معاها فى كل كلمه .... تعالى على نفسك شوية معلش .... انزلى السوبر ماركت كدا وشوفى ايه فى الألبان ممكن يعمل لين للمعدة ...

[Little Angel]

صباح الخير يا بنات وحشتونى اوى اوى اوى يا رغايييييييييييييييييييين

سيفو عاملة ايه يا حبيبتى وايه اخبارك و النبى تبلغيلنا عن حمايا اهه نخلص و نستريح لحسن خلاص جاتلى امراض الدنيا على ايديه...

قطة عامله ايه يا حبيبتى و حشانى انتى و جوجو احنا فعلا كنا هنضرب بعض خلاص امبارح تخيلى الراجل بيجيلنا تقريبا كل اسبوع مرتين و بيبات معانا وانا مابصدق يمشى طبعا يقوم امبارح و احنا بنتغدى يقوللى انتى مابتتصليش بيا ليه؟؟؟؟ و مابتسأليش عليا ليه؟؟ اقوله ايه ده ؟؟؟ كان نفسى اقوله هو انا طايقاك وانت عندى عشان من حبى فيك اكلمك لما تبعد عنى يوم ولا يومين ده ايه الهم ده.. بس انا سكت عشان عارفه ان ده مش كلامه ده كلام العقربة مرات اخو جوزى اكيد هى اللى قالتله ده مابتفكرش تسأل عليك ولا بتليفون حتى اصل هى حربايه قبل ماييجى والله كانت بتقول عليه كلام وعلى كل اهل جوزى والله كلام مايتقال من واحد متربية ثانية واحده و اول ماجه لو تتفرجوا على منظرها و هى بتدلعه ازاى و شويه شوية هتقعده على رجلها و تحطله الرضعه فى بقه و المصيبة ان انا و جوزى فاهمينها كويس و عارفين الحركات ده.. المهم جوزى بقى هو اللى رد عليه قاله انا مراتى ملهاش فى الحركات ده هى بتسألنى عليك كل يوم و بتتطمن منى وانا مراتى عجبانى على كده مش عايزها تعمل الحركات اللى انت عارفها ده.. فحسيت انه اتكبس مبقاش عارف يرد ازاى.. وانا فرحت اوى من جوزى انه خادلى حقى مكنتش متوقعه بصراحة.. معلش دوشتكم بس كان لازم احكيلكم.. اه نسيت اقولكم انه بات عندنا امبارح بس صحيت من النوم ملقيتهوش يا ترى ليه

لولو يا حبيبتى عاملة ايه وحشانى مالك يا حبيبتى سمعت انك تعبانه طمنينى عليكى يا حبيبتى اوعى تكونى عملتى مغامرة تانيه من مغامراتك فى المطبخ يارب تكونى بخير بس طمنينى يا قمر..

منه عاملة ايه يا حبيبتى و حشانى ايه اخبار العد التنازلى بدأ خلاص ربنا معاكى يارب و تقومى بالسلامه يارب عملتى ايه فى التحاليل بتاعتك طمنينى والنبى...

شيماء انا بكتبلك كل مرة و بتردى عليا علي انى لولو مش عارفه ليه هو انا ولولو واحد طبعا بس لحسن تكونى فاكره انى مش بسأل عليكى المهم تكونى بخير بس و طمنينى عليكى...

بطة عامله ايه يا قمر الف سلامه عليكى بالنسبة لموضوع الامساك ده مفيش احسن من المياه اشربى مياه كتييييييييييييييييييير اد ماتقدرى وكلى الحاجات اللى فيها الياف زى البطيخ و كلى عنب و ان شاء الله تبقى احسن بس طمنينا..

[ورده مصريه]

هاى .. ليتل .. وحشانى .. جوجو بتسلم عليكى وعلى صحبتها لىلى اقولك ليه مشى يا ليتل .. عشان حب الشوية بتوع مرات اخو جوزك الدلع والوش التانى المنافق .. لما لاقى منك الصراحة معجبهوش فيه ناس كدة تحب اللى يضحك عليها .. دنيا غريبة .... بلاش تزعلى نفسك بس جوزك طلع جدع اوى ..

[منتقبة سكندرية وافتخر]

ازيكم يا حوامل مصر
انا بالنسبة للأنيميا انا مش عارفة هيا النسبة ارتفعت ولا لأه بس انا حاسة اني بقيت أحسن ونفسي بدأت تتفتح على الأكل أصلي المفروض بكرة حقفل التالت أخيراااااااااااااااااااااااااا

بالنسبة للإمساك يا بطة الدكتورة قالتلي على الخس ونفع معايا جدا وكمان الخضار الطازة بيساعد جدا خيار وطماطم

أما بالنسبة لقعادي عند ماما انا رحت فعلا لما اتخنقت من الوضع الغريب اللي انا عايشة فيه ده ولما رحت لماما الحاجة الوحيدة اللي اتغيرت انه قال حيروح لمامته كل يوم الصبح بدل بالليل بس حماتي لسه زي ما هيه

تعرفوا ان احنا لما جينا نحدد معاد الفرح حماتي صممت هيا اللي تحدد المعاد واختارت معاد حتجيلي الدورة بعدها بيومين فقلتلها يا طنطن مينفعشي ردت عليا وقالتلي وايه يعني ما هي اخته كانت كده المهم أقنعت جوزي فوافق على كلامي طبعا وقالها نغير المعاد وغيرناه فعلا وقولتله خلاص نخليه 7-7 قامت اعترضت تاني وقالت لأه نخليه 9-7 وطبعا لكل ده مفيش أي أسباب مانعه للتاريخ هو عشان تبقى هيا اللي تحدد معاد الفرح وخلاص والله أنا خايفة لتختار اسماء العيال كمان ديه تبقى مصيبة ربنا يستر

المشكلة ان جوزي مش بيحب يدافع عني ويعارضها عشان هو شايف انه مينفعشي يعارض مامته مع اني مش بقوله عارضها كل اللي بقوله دافع عن حياتك الخاصة متبقاش كده سداح مداح لكا شخص ربنا بقى يهديها ويبعدها عني لما أولد لحد ما نسجل البيبي

[lolo habeby]

السلام عليكم كلكم
منة واحشانى موت وزعلانة منك علشان مش بتقعدى على الماسنجر اطمن عليكى واحشانى موتتتتتت وبصى انا معاكى مش بحب الفرق كبير بين الولاد وزاى ما قالت ام سيف بس المشكلة انى تعبت اوى فى الحمل اللى فات فغصب عنى خايفة الجرح اصلا بيوجعنى لغاية دلوقتى خايفة موت وكمان مش بس كدة كمان التجربة انا لازم ان شاء اللة اكون جاهزة نفسيا علشان انتى عارفة الخوف وهفضل خايفة من اى حاجة ومش هنزل من البيت انتى عارفة انها ممكن تكون عقد الخوف ليحصل حاجة بعد الشر فاهمانى طبعا فاعيزة اخس شوية واجهز جوزى وبنتى يستحملوانى لانى ببقى عصبية جداااااااااا من اى حاجة يعنى مثلا لو حد رن جرس البيت اكتر من رنة لازم ازعقلة (بس على فكرة الكلام دة وانا حامل بس ) بكون فى منتهى العصبية الاول عايزة اعوض ملك وجوزى عن الايام دية علشان المركب تسير وبعد كدة ربنا يسهل وربنا يرزئنا الخلف الصالح يا رب وانتى لما تولدى تخليكى معنا بردة اوعى تسيبيبنا ماشى ربنا يقومك بالسلامة وحاولى تبعتيلى التليفون او الموبيل على الخاص علشان لما اسافر ان شاء اللة ابقى اتصل بيكى ماشى بوسيلى منة وبقولك اية لا احنا اللى حاجزيين الاول ماشى يعنى سيف بتاعنا لا مواغزة
ام سيف ازيك انا حاسة بيكى طبعا وكمان من ساعت لما اخرتى الحمل وانتى مش بتدخلى زاى الاول معلش انا حاسة بكل حاجة زاى بالظبط لما قالتلى الدكتورة انتى لازم تستانى سنتيين على الحمل حاسيت ان الدنيا اسودت فى عينى بس معلش ربنا يرزئنا وقت ما يريد بس متزعليش وعايزة التهريج الجميل بتاعك بتاع زمان ماشى وعايزة بوسة كبيرة اوىىىى من جوز بنتى واحنا اللى حجزنا الاول طبعا فاهمة
ليتللللللللللللللللللللللل واحشانى يا بطية عاملة اية يا بنتى استحملية بقى كلها كام يوم ويمشى معلش ربنا هيكرمك فى ولادك استحملى وكلة عند ربنا وادخلى بقى على طول متتاخريش علينا
اميرة اية الاخبارربنا معاكى ويسهلك
امورة دا انا اربت اولد بدالك يلة يا بنتى دا منة هتولد قبلك اية دا يلة بقى يا بنوتى البنات دايما كدة
بطة اية اخبار الامساك يلة شدى حيلك بس على فكرة متكتريش من العنب لان السكر الكتير برضوا مش كويس دلوقتى واعملى زاى ما البنات قلولك ربنا يكون فى عونك
شيما انتى بتتلغبطى فى وفى ليتل معلش الحمل بقى ربنا يكون فى عونك

[lolo habeby]

سموحة عاملة اية ودود عامل اية
والشقوة اخبارها اية؟

[فراشه مصر]

السلام عليكم
مساء الخير يا حوامل مصر الغالين
لولو وحشتينى جدا جدا
ازيك زازى ملوكه حبيبتى
يارب تكونوا بخير
واخبار جوزك ايه والمشاكل
ربنا يهديكم لبعض يارب

[الاميرة طماطم]

ازيكم يا احلى حوامل
وحشتونى جدا ..

بنات فى برنامج اسمه اوبرا بييجى على mbc4
طبعا الكل عارفه ..كان موضوع الحلقه عن :-

ام استرالية اسمها برسيلا دونستن.. و هذي الام اكتشفت ان عندها موهبة لما ولدت .. الا وهي انها تقدر تعرف البيبي بيقول ايه!! و اختبرت موهبتها على 1000 مولود حول العالم من مختلف الاجناس و الالوان..و في الاخير توصلت الى هذه النتيجة..
كل المواليد من0-3 شهور بمختلف اجناسهم يقولون خمس كلمات متشاركة:

Neh="I'm hungry"
Owh="I'm sleepy"
Heh="I'm experiencing discomfort"
Eair="I have lower gas"
Eh="I need to burp"

Neh = جوعان
Oweh= نعسان
Heh= مب مرتاح - متوتر
Eair= غازات
eh= اتجشأ

هذي الكلمات هي عبارة عن اصوات يطلعها البيبي لما يصيح.. و تقدري تميزيها اكثر في بداية البكاء قبل ما يزيد البكاء و يوصل لمرحلة هيستيرية

لما اولد ان شاء الله هطبق اللغه دى واقولكم ..ده لو الكلام ده بجد كانت كل الامهات ارتاحت من فك الطلاسم بتاعه الولاد فى السن ده

ازيك يا منه .. عاملة ايه الحمد لله ان ما طلعش فيه سكر حمل ولا حاجة ربنا يتمملك على خير ان شاء الله وتطمنينا قريب
بالنسبة لموضوع لغة البيبى دى يار يت يكون صحيح يلا جربى وقوليلنا