ركن الاكلات المصرية...

[meshmesh_2005]

في في حبيبتي ايوة كده مش عايزينك تبعدي عن الركن ده ...اني مش في مصر دلوئتي لكن بقيتي ركن المصرين ....هنا بقي بنتكلم مصري صرف ...يعني هتفهمي كل الكلام مش هتعملي زي ..بقي بقري الموضوع ونص الكلام مش قادرة افهمة ...اختلاف الكلام العربي من بلد لبلد عامل لياحراج كبير قوي وابقي اسالي البنات انا سالت عن ايه وكانت سهلة قوي

[meshmesh_2005]

ايه يامريومة ده صاحية من الفجر تتطبخي ؟؟؟ مشاء الله ايه النشاط ده ده انتي تنفعي مدرسة عسل قوي هتخليالطلبة يجوا المدرسة من الفجر .....
شوفي يا ستي بخصوص موضوع الممبار ؟؟؟ انا بردك عمالة اقول ليه كل ما ماناكله نروح المستشفي ونغسل هناك مااحنا عندنا غسالة حلوة قوي .....بقيت اقول يمكن يكون الصابون الي بنغسله بيه مش جامد شوية ....فقررت المرة الجاية نغسلة بفنيك علشان ينضف بس كوييس انك لحقتيني بالوصفة الجميلة ديه
لا بجد بقي انا هاوقف الهزار ....طريقتك جميلة بس عندي ليكي سؤال تفتكري غسيلةباللملح مش يملحه شوية؟؟ بس فكرتك فعلا كويسه علي الاقل هنوفر الصابون لغسيل الاطباق وما ادراك ما غسيل الطباق!!!!!!
بخصوص المكرونة انا كنت كتبت فيالاول طريقةعمل مكرونة عادية بالبصل بس بيني وبينك بحبها قوي طعمها بيبقي جميل جدا جدا
خلي بالك انا هاستني منك خلطة الكشري عايزة كشري احلي من كشري السيدة زينب والحسين يعني نبيع للسياح من هنا عدل

[meshmesh_2005]

بنبوناية .....ياخسارة مش لحقتك اون لاين بس ولا يهمك انا اصلا مزروعة قدام الكمبيوتر زي ما الست الوالدة بتقول (فاضية بقي مش عندي لسه حاجة تشغلني بتقول واءءءءءءءءء)
بخصوص يا ستي شوربة النيل ......ان مش شفت النيل غير مرتين تلاتة هو بيتشرب ؟؟؟؟؟؟ههههههههه
شوفي يا ستي انا في الاول لما عملنا الركن قلت هنعمل كل حاجة وابسط حاجة علشان مثلا عندك البامية اللي عسولة عملتها انا مثلا مكنتش اعرف موضوع الفلفل الاخضر واديني عرفته .....انا باقول ان فيه اكلا بتبقي بسيطة لكن في ناس ساعات بتحطوا فيها حاجات جديدة انا مش اعرفها وغيري مش يعرفها وبم ان عندنا في الركن اساتذة طبخ يبقي لازم نستغل الفرصة ونتعلم
بالنسبة للرز رائع وجميل جداجدا وخصوصا الرز بالطماطم او الرز الاحمر ....ماما مش بتعمل غير الرز بتاع السمك انا بقي بحب الاحمر وهابقياعمله لوحدي شكرا يا بنبونة
بخصوص بقي اني خبيرة فانا بيتهئ لي اني هاطبع الصفحة الي انتي كاتبه فيها الكلام ده وهاعلقها علي الحيطة جنب بيان النجاح اصلي لسه مشطلعت غيرة ...ديه شهادة يا فندم اعتز بيها ...عارفة انا فعلا لما كتبت في الاول اني مش عارفة حاجة وعايزة اتعلم معاكم كنت باتكلم بصدق ...لكن انا فعلا اكتشفت حاجة غريبة قوي اني بقيت اتكلم معاكم افهم الي بتقوله وكتب انا كمان اللي باشوفه فيالبيت ...يعني انتم بمساعدتكم ليا اكتشفت بعد جديد في شخصيتي .....طلعت نوعا ما باعرف في الاكل

[عبير صباح الدين]

ازيك يا مشموشه انتى وبنبونه وجريحه وكل المصريات الشربتات عملين ايه يا حبيبى
اولا يا بنبونه انا من كفر الشيخ وباوزع منتجاتى فى القاهره واسكندريه
يا مشموشه بالنسبه للبقصمات هو فعلا بيخلى المكرونه تتقلب من الصنيه زى الكيك وبعدين انتى قولى لى عايزه اكتبلك اى اكله وانا تحت امرك وامر اللى عايز

[جريحه الحب]

استكمالا لموضوع المكرونه:
؛؛؛؛؛؛<<<<<<<>>>>>>المكرونه بالتونــــــــــه ؛؛؛؛؛<<<<<>>>
المقادير :
كيس مكرونه اقلام 500 جرام
علبه تونه قطعه واحده
1/2 كوب من المايونيز
2 فلفل رومى و2 طماطم مقطعين مكعبات صغيره
معلقه من الزعتر ملح وفلفل اسود وشطه حمرا
مكعب زبده او معلقه سمن او زيت
معلقه ثوم مفروم
الطريقه:
نسلق المكرونه مع اضافه معلقه من الزيت والملح الى ماء السلق ثم نصفيها
فى طاسه على النار نضع معلقه الزبده ونضيف اليها الثوم المفروم ثم مكعبات الفلفل الرومى ويدبل ثم نضيف الملح والشطه والفلفل الاسود والزعتر بعدها نضع اليها نص كميه الطماطم المكعبات ثم المايونيز وعلبه التونه اول ماتبدى الخلطه تغلى نضيف اليها المكرونه المسلوقه ونحركها وعند الغرف نزينها بباقى مكعبات الطماطم.
<<<<<>>>>> مكرونه بصوص الكارى <<<<>>>
المقادير:
كيس مكرونه
قطع فراخ مسلوقه او لحم او سمك
معلقه زبده
بصله مقطعه شرائح
فصين ثوم مفروم
معلقتين كبار من مسحوق الكارى
ملح وتوابل
الطريقه:
نسلق المكرونه ثم فى طاسه على النار نضع معلقه الزبده ثم نشوح فيها شرائح البصل وفصين الثوم وشرائح الفلفل الرومى حتى يصير لونهم ذهبى نضيف عليهم مسحوق الكارى ثم نزود بعض الزبيب (( اختيارى )) نقلب ثم نضيف الملح والبهارات ونزود الخليط بكوب من الماء ثم نضع فيه الحم او الدجاج او السوق المسلوقين ((( كمان هلاضافه اختيارى)) ثم بعد ماتغلى جيدا نضيف عليها المكرونه المسلوقه . ترى تجنن جربوها
<<<>>>> مكرونه نجــــــــــرسكو <<<<<<<>>>>
المقادير:
كيس مكرونه شرايط وممكن اسباجتى عريضه
1/4 كيلو صدور فراخ
1/4 كوب مرقه
1/2 كوب لبن
بصله صغيره مفرومه ناعم
2 معلقه من الدقيق
2 معلقه من السمن
بهارات وملح وفلفل
الطريقه:
نسلق المكرونه بالطريقه العاديه
ثم نضع البصل فى وعاء على النار مع اضافه السمن ثم نضيف اليه الدقيق ونقلب حتى يبدا لون الدقيق بالتغير نضع اللبن ونحرك سريعها ونضيف البهارات والملح ونحرك حتى يسمك القوام ثم اخففه باضافه المرقهز
فى وعاء اخرنضع ملعقه سمن وعليها معلقه بصل مفروم ومعلقه ثوم ونقلبهم حتى يصير لونهم اصفر نضع صدور الدجاج المقطعه بعد تتبيلها بملح وبهارات ونحرك الفراح لحد ما تتشوح ثم نضع عليها معلقتين من صلصله البشامل الى عملناها قبل ثم نحركها وبعدها نضيف اليها المكرونه المسلوقه ونقلبهم ببعض ونضيف معلقتين بشامل الى المكرونه ثم نضع المكرونه فى صنيه مدهونه ونضع باقى البشمل على الوجه ونضيف على الوجه جبن رومى مبشور او صفار بيضه وتدخلها للفرن 10 دقائق
على فكره انا اسويها دايم وهى تجنن طعمها وانا اضيف للفراخ وهى بتستوى معلقه مسطرده (خردل ) تخلى طعمها روعه

ووووويتبع <<>>؛؛<<>>؛؛
مكرونه بصوص بلونيز ومكرونه بمكعبات اللحم وسلطه المكرونه الروعه

[جريحه الحب]

يا سلام نورتو يا قمرات وازيك يا مشموشه يا عسل انتى وكل البنات
وياعبوره ان الحمد لله بخير ولكلكم وحشتونى
وبعدين ايه المنتجات الى بتوزعيها فىالقاهره والاسكندريه

[بنبونة]

عسولة العسولة بجد بجد بجد أنا وحشة إتشغلت بالرز و خفت لا يشيط

و لم أشكرك على البامية الجميلة وهى ديه نفس طريقتى

بس أنا بأكثر من الثوم شويه زيادة

تسلم إيدك يا جميل

[بنبونة]

مشمشة إنت منين ؟؟
وإزاى ما شفتيش النيل غير مرتين تلاته


مريومة تسلم إيدك على المعكرونات الجميله
بالنسبة للمعكرونة النجرسكو بأعمل البشاميل بدون بصل
وكذلك الفراخ بون ثوم
لكن إللى أعرفه إنى إن شاء الله أكيد سوف أجربها
لإن الثوم بيعطى مذاق خاص للأكل
تسلم إيدك

[بنبونة]

مساء الخير على أهل كفر الشيخ
إزيك يا عبير و معلهش إنت إللى جبتيه لنفسك
فإستحملينى شوية فى غلاسة أسئلتى
طبعا هتقولى و لما أنت عارفة إنها غلسة بتسألى ليه
هأقولك غلاسه برضه واحده شايفه إن دمها خفيف
المهم بتوزعى إيه إزاى و فين ؟؟؟؟؟؟؟؟؟؟؟؟؟؟؟؟؟؟؟؟
وشكرا لحسن تعاونك
بنبونة

[عبير صباح الدين]

اولا جريحه يا حياتى ده نورك يا اموره انتى ومنتجاتى كعك وبتى فور وحجات من دى
بنبونه يا سكره انتى مش ممكن تكونى ابدا غلسه ده انتى احلى بنبونايه وطبعا دمك خفيف وزى الشربات
انا باوزع فى كارفور الله يسامحه فى اللى عمله معايا وطبعا فى زهران اسكندريه فى اى اسائلة تانيه يا احلى من البنبونى