ركن الجمال المصرى ..(نرحب بالضيوف)

[حنان فاروق]

بسم الله الرحمن الرحيم
السلام عليكم ورحمة الله وبركاته
جزاك الله خيرا يااختاه ده انتى اللى حليتى الجو بدخولك فى ركن الجمال المصرى وشكلك مصريه صميمه
واشكرك على وصفة الكريم وهجربها ان شاء الله ومن ناحيه الوصفات اللى انا قولتها متخافيش كلها انا شخصيا مجرباها توكلى على الله

[رحوبه السكره]

حنان فاروق
بارك الله فيكي
وجعله في ميزان حسناتك وزادك جمال الى جمالك وطيبة قلبك وسعة صدرك
اللهم زدها جمالا واكرمها بالذرية الصالحه امين يارب

[حنان فاروق]

بسم الله الرحمن الرحيم
السلام عليكم ورحمة الله وبركاته
الاخت الحبيبه رحوبه جزاك الله خيرا على رقة احاسيسك والله اننى كدت اطير فرحا وانا اقرأ كلماتك الجميله ادخل الله السعاده على قلبك كما ادخلتيها على قلبى وبرغم ان باقة الوردماهى الا صوره ولكن والله اننى اجسست اننى ا مسكتها بيدى وشممت عبيرها
ربنا يخليكى ليه يارحاب وجعلها الله صحبه خير وصحبه صالحه

[7awa]

السلام عليكم ورحمة الله وبركاته

حبيبتى حنان انتى فكرتك رائعه انك توضعى وصفات ممكن نلاقى كل مكوناتها فى مصر

وانا من مرتادى حراز يعنى زبونه عنده بس عمرى ما عرفت كريم العروسه ده غير دلوقتى بارك الله لك

وعاوزة اسالك حبيبتى لو سمحتى نبات السعد انتى بتشتريه مطحون ولا انتى الى بتطحنيه

ولو انتى الى بتطحنيه قولى لى ازاى بتطحنيه لانى اشتريته ورميتها لانى ما عرفتش اطحنه

واسفه للاطاله

[حنان فاروق]

بسم الله الرحمن الرحيم
وعليكم السلام ورحمة الله وبركاته
مرحبا بك اختى الحبيبه انا كمان بحب منتجات حراز لانها عوده الى الطبيعه فقد اخذت قرار الا استعمل اى كيماويات وكل ما استخدمه فى عنايتى هو طبيعى والحمد لله وانا اللى بعمله بنفسى عشان اكون ضمناه
وانا سعيده انك لقيتى كريم العروسه وبالنسبه لاعشاب السعد ان بجبها مفرومه جاهزه لان حسب علمى انها من الاعشاب القاسيه ولو لم ترمى الاعشاب اللى عندك يمكنك غليها واستفيدى من الماء بتاعه فى الدهان .
.وياريت تقولياى عملتى ايه وربنا يوفقك

[mohagraa]

السلام عليكم
ازيكم جميعا يا بنات سواء مصريات او عربيات او مسلمات
اولا/ شكرا للاخت حنان على موضوعها الجميل.وانا متباعه الموضوع بس يا خساره مش عارفه اجرب الوصفات لانى مش فى مصر .
ثانيا /احب اعرف من الاخت حنان بعض المعلومات عن:

1-كيفية التخلص من الحبوب والنمش للابد.
2-طرق لازالة الشعر للابد بس تكون مواد التركيبه سهله ومش محتاجه لعطار
3- وصفه لتنعيم الشعر والقضاء على التقصف وكذلك القضاء على اى قشور بالشعر.
4-وصفه لازالة سواد الكوع والركبتين
5-وصفه لازالة السواد الموجود تحت العينين
6 -وصفة لعمل سنفرة يدوى للجسم .

وخدى راحتك يا حنان فى الرد وترتيب الموضوعات لانى حسيت انك مرتبه افكارك وعايزه تطرحى الوصفات بالترتيب وبتتابع ليستفيد الجميع.
الله يعينك وجزاك الله خيرا .

[raaiaraaia]

بسم الله الرحمن الرحيم
حببتى حنان متسكرين اوى على اهتمامك وذوقك ورقتك وجمالك وربنا يكرمك يا رب ويخليكى احلى واحده فى الدنيا دى كلها جزاك الله خيرا

[رحوبه السكره]

السلام عليكم ورحمة لله وربركاته

ازيك ياحنان
بص ياستي ان مش هتقل عليكي
بس خو ايه حراز اللي بتكلموا عنه ده هو ده محل ومنتجات اسمها كده ؟؟
وياريت لو محل عنده حاجات طبيعيه توصفيلي مكانه
بارك الله فيكي

[ام سلمى الامورة]

حنان
موضوعك بجد جميل جدا
وواضح كمان انك منظمة اوي اوي وانا هاسالك سؤال يمكن مش وقته بس انا باعتبره من مشاكل البشرة اللي انتي بداتي بيها الموضوع
هو خشونة الكعبين
مهما اقولك مش هتصدقي انا جربت فازلين السعودية وكريم ايفون وكل الكريمات اللي موجودة في السوق المشكلة ايه بقى اني اشوف الصندل او السابوه من دول اتجنن عليه واقوم اهتم برجلي جدا علشان البسه وتبقى كعوبي طرية وجميلة اوي بمجرد ما اخرج من البيت ابص الاقي كعوبي نشفت جدا مش عارفة من ايه اقوم راميه الصندل والا السابوه اللي اتجننت عليه في الاول وجري على الكوتشات والحاجات المقفولة
ياريت ياجميل بما انك موسوعة كدة تقوليلي على حاجة تنفع وعلى فكرة انا في ايام باهتم فيها اوي برجلي قبل ما انام وايام باكون تعبانة جدا اكتر حاجة ممكن اعملها اني احط رجلي في ماية سخنة وانشفها وخلاص ومش باقدر اكمل لاني باكون تعبانة جدا
حنونة انا ليا موضوع مجمع شوية بنات مصريات زي السكر في ركن السياحة ياريت نحاول نضم الموضوعين لبعض هنستفيد كلنا خبرة وتعارف
وليكي مني الشوية دول

[ام سلمى الامورة]

على فكرة يابنات انا عندي وصفة لبياض الايد ونعومتها سهلة جدا ومتجربة ومن البيت
الردة الخشنة بتاعة شوي السمك ايدك مش هتحتاج اكتر من معلقتين كبار ( شفتو يعني اشتروا بعشرة قروش ردة ) ومعلقتين لبن (يعني ممن تقفوا عند اللبان وتاخدوا شوية كدة ببلاش ) مش باقولكم حاجة ببلاش كدة وبعدين حطوا الاثنين مع بعض وفي ايديكم وهاتك يافرك ممكن اثناء تمثيلية او فيلم علشان ماتزهقوش وبعدين اشطفوا ايديكم بماء فاتر وبس خلاص
ممكن بقى لزيادة النعومة تدهنوا ايديكم زيت زيتون والبسو جوانتي المواعين وخشوا على الحوض نص ساعة كدة والا ادعكوا السيراميك اهو كله مصلحة اي حاجة تسخن الايد علشان تشرب الزيت وبعدين اغسلوا ايديكم عادي وادعولي والا ها