للبحث في شبكة لكِ النسائية:
|
أشكر المشرفات الغاليات على الشعار
وإن شاء الل أكون دايماً عند حسن الظن
نبدا حبيباتى فى التطبيق العملى للموديل
المفروض ان كل واحدة طبقت العينة
وعرفت هبدأ بكام غرزة حسب الحسبة اللى فاتت
اللى عندها مشكلة تكتب لى بس عرض العينة اللى هى طبقتها
وانا احسب لها
بصوا بأة
احنا قلنا ان عرض الشال 50سم
أنا هأطبق على العينة بتاعتى
أنا عندى 20 غرزة = 10 سم عرض
معنى كدة ان انا محتاجة 100 غرزة عشان يدونى العرض اللى انا محتاجاه
أنا بأكرر تانى للافادة
تانى خطورة أساسية قب بداية الشغل هى تقسيم الغرزة
بمعنى إننا نوزع الغرزة على العرض المطلوب
لاحضوا اننا المفروض هنعمل برواز بغرزة الرزة
حسب البترون
هنعمل 5 غرز رزة فى بداية السطر و 5 غرز رزة برضه فى آخره
يبقى لو أنا هأعمل 100 غرزة
نشيل منهم 10 للحافة الرزة
يبقى الباقى 90 غرزة همة المروض انى أقسمهم عشان الغرزة
الغرزة زى ما قلنا تكرار 12 + 8
يبقى نشيل الـ 8 غرز همة كمان وبعدين نقسم العدد اللى باقى
طيب يبقى 90 - 8 = 82
يبقى اللى المفروض اننا نقسمهم على (12) اللى همة عرض الغرزة (تكرار الوحدة الواحدة) همة 82 غرزة
نقسم 82 / 12 = هيدونى 6 ويزيد 10 غرز
وبما انى محتاجة 12 غرزة
يبقى نخلى الـ 100 يبقوا 102
الخلاصة:
نبدأ بـ 102 غزة منهم 10 غرز للحافة (الرزة) والباقى هيعمل لنا 7 وحدات من غرزة الـ Basket Weave
يعنى بطريقة أخرى
ترتيب السطر هيكون كالتالى
5 غرزة رزة (وحدة الـ Basket Weave) تكرر 7 مرات وينتهى السطر بـ 5 غرزة رزة مرة تانية
أنا بأكرر بأكتر من طريقة عشان نفهم
وإذا فيه حاجة مش اضحة
اسألوا ولا تتحرجوا
بعد ما قسمنا الشغل على الورق وعرفنا ازاى هنشتغل السطر بتاعنا
هنبدأ بعمل البرواز
اللى هوة بغرزة الرزة
شرح غرزة الرزة
غرزة الرزة سهلة جدااااااااااااااااااااااا
طبعاً بالنسبة لنا عندنا عدد زوجى من الغرز
فيكون الشغل كالتالى
السطر الأول: (غرزة عدل - غرزة مقلوب) يكرر على أن ينتهى السطر بغرزة مقلوب
يكرر هذا السطر
احنا محتاجين نعمل 7 أسطر بغرزة الرزة
ماشى
وفى السطر الثامن هنبدا شغل الغرزة الأساسية
يلا ورونى الهمة
وآدى صورة تطبيقى
يا اهل الدااااااااااااااااااااار
انتم فين
ما حدش بيقول حاجة ليه؟!!!!!!!!!!!
ماشاء الله يعطيك العافيه حبيبتي
شدي حيلك واعملي لنا واحد مثلث واشارك معكم
ماشاء الله
الشال رووووووووعه كثير
تسلم ايديكِ
ممكن اعرف كمية الخيط عشان اوفرها ان شاء الله
وغير هذا بجد بنحرج لما اسأل
لأني ماعرف كثير في التريكو
أولا : مبروك عليكي شعار الورشه المميزه
ثانيا : بإذن الله أبدأها النهارده وتشوفي تطبيق المصور بكره يا قمر
ثالثا : شرحك كافي ووافي وفي منتهي الروعه والجمال وينفع المبتدئين جدا ويشجعهم علي الشغل
اللهُم أرِنَا الحق حقاً وارزقنا اتبَاعه
...........................................وأرِنَا البَاطِل باطلاً وارزُقنا اجْتِنَابه
رب لا تذرني فردا وانت خير الوارثين
الروابط المفضلة