بسم الله ما شاء الله سلم ايدياتك والله لين قعدت نظمت فى ريقى وبالذات الطريف اللى معا فنجان القهوة غير اللوزة زايدة فيه النص وياريت تقوليلى الطريقة
وان شاء الله ديما زاهية وتبسبسى وتاكلوا بالهنى
|
للبحث في شبكة لكِ النسائية:
|
عضو
بسم الله ما شاء الله سلم ايدياتك والله لين قعدت نظمت فى ريقى وبالذات الطريف اللى معا فنجان القهوة غير اللوزة زايدة فيه النص وياريت تقوليلى الطريقة
وان شاء الله ديما زاهية وتبسبسى وتاكلوا بالهنى
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
العجووولة اهلا اهلا اهلا اهلا
يا اهلا بيك وبسفيرتك الحلوة
تصدقي اول ما شفت الكفته عرفتها انها كفتة التن هكي قلبي نهبني عليها جري يمي يمي يمي
تعرفي قداش ليا ما شفتش خبزة بكل
تصدقي احني في رمضان لا نطيبو شاهي ولا نشرو خبزة طول الشهر لان مافيش حد ياكلهم
عطيك الصحة يا رب
كيتي وينك غايبة
تعالي شوفي شكلها بسبوستي جابت الدورة ههههههههههههه
خلاص اني نغريت
لو سمحتو نادوني باميرة البسبوسة ههههههههههه متاع وحدة مصدقة رسمي
اني البنات عطوني هلبة طرق بس كلهم بجوز الهند وبابا يبيها من غير جوز هند وديما يعزر فيا ويقولي بسبوسة امك احسن ولهذا اخترت طريقة ام ياسمين ليبيا الله يحفظها
كانت عبارة عن كوبين سميد
كوب ياغورت
كوب سكر
ملعقة صغيرة بكنج باودر
ملعقتين كبار سمن
وقالت ليا انها دارت بدل السمن زبدة وبدل الياغورت حليب واني تبعت كلامها حرف حرف
تعجنيها مع بعض وبعدين تدهني الطاجين بالطحينة زي ما قالت ام ياسمينة وبعدين تصبها فيه وتخليها ستة ساعات واني طبعا قعدت عندي من الساعة اثنين ونص للساعة سبعة وربع يعني مش ستة ساعات ستة ساعات بس قعدت كويس تتنقع
وقالت ليا لو اديريها من الليل واطيبيها الصبح يكون احسن
الله يبارك فيها ام ياسمينة
الطائر الازرق هي تعالي تعالي مرحبتين هذا فنجان ماما خطفيه منها خطف ههههه
وشكرا يا بنات على كلامكم الحلو الله يبارك فيكم
.. { إِنَّ رَبَّكَ لَبِالْمِرْصَادِ }..
النجم البرونزي
أهلي الاء منوره ياأميرة البسبوسه عارفه الخبزه منظر في السفره
مايكلوهاش لكن ضروري يشحوها في السفره
عارفه اني واختي طول رمضان مانكلوش حاجه ثقيله ولا خبزه
على الخفيف بس
الفائزة االثالثة لاحلى مقبلات رمضانية "مُبدعة صيف 1430هـ "
الاااااااااااء يا عينى ع البسبوسة والطرف متاعى بالقهوة مية مية يا ودى باقي الطاجين ليا انى انضنى بطنى اكبر من كيتى
تبي صار من الفركاسي الجامبو سايز تعرفي خديت طرف بس ههههههه علي اساس صغير كخخخخ
خطرها علي البسبوسة عندى طريقه ماما في بسبوسة راهو تطلع زي بسبوسة زمانات علي قولتك
وعلى فكرة رواد العام اللي فات الله يدكرها بالخير كانت تعطي في طريقه بسبوسة اللي جربها قالو تهبل توا خاطري بندورها في ملف العام اللي فات
ايه نسيت فطوري صورته توا بعدين شوي نجيبلكم الصور ان شاء الله
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
الفائزة االثالثة لاحلى مقبلات رمضانية "مُبدعة صيف 1430هـ "
العجولة الله يسلمك علي الفطور الحلو تعرفي مقعمز جنبي شنبيري عيونه طلعو في العصبان ههههههه ياحليلي وخلاص منك صحتين عليكم يارب وتانى مرة ابعتيلي صونية عصبان قبل ماتنزلي الصور هههههه
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
عضو نشيط
السلام عليكم جميعاً
صحة فطوركم ...
اختي كيتي اليوم جربت خبزة الخضار بدون جزر
ودرت نوع من المعجنات
ومبطن في الكوشة
وشوربة طبعاً وسلايط
عضو
مشالله عليكم سفرة احلى من تانية ...طبعا انى ديما وانى نسأل ..................البوريك متاع الدحية انى انحبه طايب والشمبير على قولتكم ايحبه رايب ومقرمش معرفتش انديرها المعادلة هادى بنحول انديرله وحدة رايبة تتطلع ديما طايبة والله حرت انصحونى انوطى النار ولا انعلى ؟؟؟؟؟ولا كيف
النجم البرونزي
السلام عليكم ورحمة اللهههههههههههههههههههه
الله وماشاء الله عليكن
صفر وحده احلى من الاخرى
تسلم ايديكن
اهليييييييييييييييييييييييييييين بااميرة البسبوسه
ههههههههههههههههه
ولايهمك ماما الاء ارهو اوخيتك كارثه في البسبوسه
والغريبه
ولما انقولها لاي واحده تعرفنيط
انحس في نظرة عدم تصديق
كيف اديري في كل الحلوات قعدت على البسبوسه
ههههههههههههههه
عموما تسلموا واليوم عيد ميلاد سوما بنتي
بس من غير عيد ميلاد
عضو نشيط
السلام عليكم ورحمة الله وبركاته
مساء الورد عليكم
كيف حالكم كلكم إن شاء الله كويسين
مبروك الملف ياكيتي يهبل يهبل وفكرتك تحفة تسلم إيديك وإن شاء الله الف لابأس على الوالد
بسراحة بنات بلادى منورات ربي يبارك فيكم وتسلم أياديكم استاحشتكم كلكم
الو كيف حالك إن شاء الله كويسة أكيد توا تقولي مقدمك بغبرتك عارفة كنت غايبة بس كانت عندي ظروف وتوا سمعت بالبسبوسة وانى نموت فيها وكل مانلقى طريقة جديدة نجربها ولما شفت تطبيقك شجعتينى نديرها ياريت تقوليلي انتى والا أم السنفور الزبدة سايحة والا لا ويمشى حالها بالسمادينة والا ضروري سميد
وسلامي لكل الحلوات
النجم البرونزي
أم السنفور منوره ياحبيبه خلاص المره الجايه يوصلك كسكاس كامل لعيونك
أعضاء قرؤوا هذا الموضوع: 0
الروابط المفضلة