"عروسات المستقبل تعالوا اقولكم".. جزء ( 13)

[ميويا86]

محدش عبرني وقلي مبروك ولا حتي انتي ياهنوده مكنش عيش ونت يلا علي العموم انا قلبي ابيض
هنوده انا عندي سوال لما بجي اعمل سويت للمنطقه الحساسه بيطلعلي حبوب اعمل ايه ياريت تقوللي بسرعه وعايزه حاجه تقلل نمو الشعر عشان بيطلع بعد كام يوم علي طول ياريت تقوللي

sooooooooالقمر فيييينك؟؟واحشانا
ماتزعليش ياقمر عشان انتي كتبتي في أخر صفحة ف الجزء اللي فات ......المهم طلعت الغيبة الطويييييييييييييلة دي وراها عروسة
مباااااااارك ياقمر......بارك الله لكما وبارك عليكما وجمع بينكما في خير
مش تنسينا بقة

[هنودة هنانيدو]

ياريت يا نوده تقوليلى
1_ماركة كريم اساس وبودر للبشره الدهنيه ولو ليهم اسم قوليلى عليه ,
وهل dream matte مناسب ولا لأ كبودر وكريم مع بعض
2_ماركات باقى اجزاء الميكب
3_كريم يد من ماركه غير اوريفليم
4_ايه أفضل,استعمل كريمات خاصه باليد والقدم من ماركات زى اوريفليم مثلا ولا الأحسن جليسوليد
5_كنتى اتكلمتى قبل كده عن طريقه العنايه بالقدم بوصفات منزليه وبكريمات جاهزه , ياريت تقوليلى على طريقه العنايه باليد بوصفات منزليه بالاضافه لكريم الخاص باليد
6_طريقه للعنايه بالشفاه من المنزل + حاجه جاهزه وماركتها
7_فيتامينE استعمله للشفاه يوميا قبل النوم ولا كام مره بالاسبوع
.... لو حبيت اخلطه بكريم مرطب للبشره اضيف زيت كام كبسوله لعلبة الكريم
8_بستخدم زيت اللوز المر للهالات يوميا قبل النوم ولا كام مره بالاسبوع
.... ازيل الميكب بزيت لوز مر ولا حلو ؟وبعده اغسل الوجه بماء بس ولا بغسول ؟ ولو بغسول اعمل بعده تونر ولا لأ؟
9_الغسول يغنى عن الماء والصابون صح ؟ هل التونر هو نفسه التونيك؟
10_ ينفع اعمل سكرب أرز مطحون+حليب+جليسرين سائل قبل السويت بدل سكرب ملح وليمون؟
.... ينفع استخدم نفس الاسكرب للوجه؟
11_لما اعمل سكرب للجسم كله اعمل كمان لليدين والقدمين؟
.... هل ينفع برده سكرب الارز المطحون للجسم كله؟هل نتيجته نفس نتيجه الملح والليمون؟
12_ينفع اعمل سكرب مره كل اسبوع ولا كل اسبوعين احسن؟
.... لو هعمل معاه حمام مغربى امشيهم مع بعض ازاى ؟
ميرسى اوى ليكى يا نوده يا قمر دى اسئله كتيره بس مختصره وعشمى فيكى كبير والاسئله اللى فيها تفاصيل هنزلها لك على مرتين .. ربنا يخليكى لنا يا قمر ويسعدك مع زوجك يا رب

1 -ماركة كريم اساس من بورجوا فيه نوع مخصص للبشرة الدهنية اويل فرى يعنى خالى من الزيوت وبردو البودرة من نفس ماركة حلوة

2- ماركة dream matte انا معرفش عنها معلومات اوى بس لو عرفت حاقولك

3 - كريم يد جليوسليد او نيفيا او دوف

4 -جليوسيليد حلو اوى للايد والكوع والركب والرجل خاصة فى الشتاء لانه بيمنع الجفاف وبيرطب حلو وممكن تجيبى كريم رجل من اوريفيلم خفيف للرجل هاتى بالكاموميل

5 -العناية باليد حاعملها موضوع عشان بنات كلها تستفيد منه


6- طريقة عناية بالشفاه اتعمل ليها موضوع حتلاقى فى الاجزاء اللى فاتت

7 -فيتامين ممكن 3 ايام فى الاسبوع او 4 مفيش مشكلة .. حطى 4 او 5 كبسولات على علبة الكريم

8 - زيت اللوز يوميا للهالات حلو
تزيلى ميكب بالمر .. بعده مش تغسلى بشرتك تسبي الزيت تتشربة البشرة وبتستفاد عشان تعوض البشرة جفاف ميكب

9 - الغسول ايوة بدل الصابون مش الماء
التونر هو التونيك

10 - سكرب ارز قبل السويت لا حيبقى تقيل الافضل ليمون وملح وطبعا ارز ينفع سكرب للوجه حلو

11 - سكرب بيتعمل لكل الجسم من اول الوجه للرجل وارز نفس نتيجة الملح والليمون واحلى لانه بيرطب ويخلى جسم انعم لانهه فيه لبن وجلسرين يعنى اقوى من الملح والليمون

12 -مرة فى الاسبوع سكراب واعملى مرتين فى الشهر او مرة حمام مغربى وباقى الاسابيع سكرب

[هنودة هنانيدو]

ازيك يا نوده انا قلتلك قبل كده انى بعمل كل يوم جمعه حمام بخار وماسك نشا وماء ورد .. سؤالى بقى
.... هل حمام بخار مره كل اسبوع كده مناسب ولا كتير ؟؟
وكمان فى نص الاسبوع بعمل ماسك عسل وانتى قلتى ممكن اضيف عليه زبادى او اعمل ماسك بياض بيضه مع ليمون ,
1_ طيب ايه فايدة الماسكين دول ؟؟
2_ وياترى اعمل الماسك الى فى نص الاسبوع ده بالاضافه لماسك النشا بتاع يوم الجمعه ولا اكتفى بماسك واحد فى الاسبوع كله؟؟
3_ طيب لو ممكن اعمل فى نص الاسبوع بالاضافه ليوم الجمعه ياترى ممكن اجى فى نص الاسبوع الحالى اعمل ماسك عسل بزبادى ونص الاسبوع اللى بعده اعمل بياض بيض وليمون ولا لازم التزم بنفس النوع كل مره؟؟
...... انا شعرى يا نوده القصه طولها قريب من طول الشعر فلما باجى أسرحه مش بعرف اتصرف فيها ازاى لانى من بعرف اجيبها كلها على جنب بيبقى شكلها عليا مش حلو ولا بعرف افرقها من النص واسيبها نازله كده على وشى من الجنبين وخاصه انى الجبهه عندى عريضه وبارزه شويه لقدام فبضطر ارجع شعرى كله لورا وألمه ,,
فبفكر انى اقص قصه تكون قصيره عشان اعرف ادارى بيها الجبهه انتى رأيك ايه؟ ولا عندك حل تانى وبرده صعبان عليا اقصها كلها فبفكر اقص نصها الامامى واسيب بقيتها على طوله لانى محتاره اعمل ايه بعد الجواز ان شاء الله مش هينفع ألم شعرى للخلف طول الوقت وكمان مشكلتى انى مش اعرف تسريحات للشعر غير ديل الحصان او الكحكه او الضفيره يا ريت تفيدينى اتصرف فى موضوع القصه والجبهه ده ازاى ولو عندك طرق حلوه ودلوعه لتسريح الشعر ياريت تقوليلى انتى عارفه بقى الجواز محتاج تسريحات دلع رقيقه وكده

حمام بخار مرة كل اسبوعين عشان البشرة مسمها مش تتفتح كل شوية
فايدة اى ماسك سواء دول او غيرهم ترطيب وتغذية للبشرة وتبقى صافية

ماسك واحد فى الاسبوع كله وممكن لو بشرتك محتاجة مرة كمان مفيش مشكلة

لا طبعا مش لازم تلتزمى بماسك معين براحتك المهم يكون مناسب لبشرتك

سيبى القصة على نفس الطول دجلوقتى وقرب فرحك بكام يوم قصيها قصة قصيرة عشان تعرفى تتحكمى فيها وحاشوفلك تسريحات حلوة واجيبهالك

[7abiba21]

مبرووووووووووووووك يا هنودة الجزء الجديد
وموضوعاتك روعة
جزاكى الله كل خير يا حبيبتى

[هنودة هنانيدو]

ازيك يا نوده بس عندى استفسار
تعقيب:
كتبت بواسطة هنودة هنانيدو

السويت فايدة سكرب قبلها انه يفتح مسام عشان ميبقاش فيه شعر تحت الجلد بس مش لازم تعمليه .. اعمليه لو انتى فى شعر تحت الجلد

بعد السويت عايزة تقفلى مسام يبقى نشاء مع ماء ورد
عايزة تقللى الشعر يبقى زيت زيتون

الاسمرار بيقى فى منطقتين فى ناس بيبقى عندها فى مكان واحد وناس فى الاثنين



1_ لو استعملت زيت زيتون اسيبه أد ايه واغسله بعدها ولا لأ وهيحتاج بعدها انى اعمل حاجه تقفل المسام ولا كده خلاص
2_ وبالنسبه للنشا وماء الورد ممكن استعمل ماء ورد لوحده لقفل المسام ؟ ممكن تلج كبديل؟؟
3_ طيب الاسمرار اللى بيكون فى المنطقه الداخليه اللى هى بين الافخاد(الشفرين) حله ايه وهل بيسب احراج ومشكله بعد الزواج ولا عادى ؟
4_ لو ظهر حبوب فى المنطقه الحساسه بعد السويت استخدم مرهم ايه وياترى هينفع معاه اعمل زيت زيتون او نشا وماء ورد ولا لأ؟ طيب لو ينفع هيكون ترتيبهم ازاى يعنى امتى احط المرهم وامتى زيت الزيتون مثلا؟
5_ زيتون الزيتون يسبب اسمرار على بشره ناشفه ولا لأ؟
6_بيتادين وزيت اللوز المر جاب معاكى نتيجه فى تفتيح بين الأفخاد؟
عارفه انى تقلت عليكى اوى اوى يا نوده والصفحه مليانه اسئله كتييير ليا بليز متزعليش منى

تسيبى الزيتون ساعة او ساعتين واغسلى بعدها ومش محتاجة تحطى حاجة بعده

ثلج لا بس ماء ورد لوحدها كويسة

معتمدة على درجة الغمقان يعنى لو خفيف مش حيفرق لانه مش حيبقى ملفت اما لو واصل لدرجة السواد اكيد حيفرق
بصراحة هى فى وصفات كتيرة بس يعتبر احسنهم ليمون وماء ورد وزيت لوز مر بتفتح بس بعد فترة تاخد وقت

بتحطى مرهم زى فيوسيدين لاول تحطى زيتون وبعدا ما تاخدى شاور تحطى مرهم

زيتون بيسمر لو بعده طلعتى فى شمس او حطتى عليه ماء

بيتادين جاب نتيجة واللوز المر كمان

براحتك يا عروسة بالعكس انا وباقى البنات بنستفيد من الاسئلة

[هنودة هنانيدو]

يسلمو هالايدين

تسلمى يا جميل

ازيكم يا قمرات وحشتووووووووونى جداااااااااا
سلام خاص ليكى يا هنودة ياقمر
وحشتينى ووحشنى كلامك بدات اقرأ اللى فاتنى
كل سنة وانتم طيبين يابنات وربنا يكتبلنا الحج
جميعا ان شاء الله
امييييييييييييين

دودو انتى فييييييييييييييييين ؟؟؟
حمد لله على السلامة بجد فرحت انى لقيتك معانا منورة ايه الغيبة ديه وحشتينى بجد جدااااااااااااااااااااااااااااااا

[هنودة هنانيدو]

نوده انتى اتكلمتى عن تغذيه الشعر بحمامات الزيت والماسكات بس مقلتيش طريقه عمل الماسك واستخدامه
يعنى بنخلط المكونات ونحطها على الشعر ونغطيه ونسيبه شويه وبعدين نغسله ولا نفس طريقه حمام الزيت بالظبط وفوطه سخنه وكده؟
.... فايده ماسك المايونيز ايه ؟ بيتكون من مايونيز بس ولا بنخلط معاه حاجه؟ بشترى مايونيز من السوبرماركت واستعمله كده على طول؟ انا شعرى دهنى
.... فايدة ماسك العسل والزبادى ايه ؟
....ايه رأيك فى ماسك عباره عن ملعقه عسل+بياض بيضه+ملعقه كبيره زيت زيتون وده للشعر الدهنى

ماسك بيتخلط مكونات بتاعته وتتحط على الشعر لمدة ساعة من غير فوطة ولا حاجة وستغسل عادى بالشامبو

مايونيز ترطيب وتطرية للشعر وبيبقى مايونيز فقط
ايوة من ماركت ويستخدم عالطول لانه اصلا مايونيز عبارة عن بيض وزيت

العسل والزبادى تغذية وتطرية للشعر

مسك ده بردو حلو لشعرك الدهنى

[هنودة هنانيدو]

مساء الخير ازيك يا هند ياقمر
بصى قرأت اللى فاتنى كله تقريبا
عاوزة اسألك عن حاجات لفتت نظرى
قولتى خلطة للشعر فيها زيت شبت منين دا العطار ولا فين
كمان المنتجات العالمية للعناية مش دايما الاقيها انا من المنصورة
مش مضمون انزل القاهرة ممكن ايه البديل
كمان لو حبيت اعمل رينج اسعار للحاجات اللى محتاجاها من برفان
وكريمات وماكياج ممكن حدود كام علشان اجيب كل حاجه وماركات كويسة

زيت الشبت من العطار يا دودو
البديل ممكن اوريفليم او نيفيا

يعنى لو ميكب وكريمات ماركات كويسة يبقى 700 تفريبا لان مثلا كريمات الاساس ماركة كويسة تلاقيه 100 البودرة بردو 70 البلاشر من 50 الروج وجلوسات 50 واكتر يعنى حسب الماركة وسعرها بس ده متوسط وممكن يبقى اقل ... اما برفان اكيد حيبقى اعلى لانه لو ماركات زى شانيل وجيفنشى بيبقى الواحد بيبتدى على 300 اما لو برفيوم من اوريفليم او افون يبقى رينج 70 ال 150

حبيت اشكرك شكر كبييييييييييير اوى اوى ياهند
على فكرة زيت الزيتون بعد السويت بجد النتيجة ممتااااازة
ولسه مستمرة فيها دايما بجد جزاكى الله عنا كل خير
نسيت اسأل لاقيت وصفة لشعر الوجه
انا بعمل تشقير لانه مش كتير لو عملت الخلطة دى
هتنزله ولا تكتره ولا بلاش منها ؟؟؟
رجعت علشان اتعبك معايا معلش

تعبك راحة يا دودو والحمد لله زيتون بعد السويت عجبك
مادول مش كتير خلاص مش لازم تعملى وصفات

[هنودة هنانيدو]

الف مبروك ياهنوده على الجزء 13

وعقبال الجزء المليووووووووووووون

وموضوع الشعر جميل جدا حزاكى الله كل خير

كنت عابزة اسألك عن حاجة يا سكر

كريم فيوسيدين ده مضاد حيوى ياترى استعماله كتير مضر انا سمعت الكلام ده

وياترى كريم كارباميد ده استعماله بيكون بعد السويت بس ولا ايه

كمان قريت على كريم ليوكسيد انه ينفع للنمش الجلدى اجربه للنمش ولا هيبقى وحش

جبت من كلير اند كلين غسول لوحده ومنظف لوحده

ياترى استعملهم هما الاتنين ولا الغسول يغنى عن المنظف او العكس

معلش هتقل عليكى وطولت ربنا جزاكى كل خير يارب

فيوسيدين مضاد حيوى للحبوب واى حاجة كتر استعملها مش حلو
انتى بتستعملى فيوسيدين فى حالة عملتى الوجه وعارفة انه حيطلع حبوب تحطى بعد الازالة مرتين او 3 مرات فى 3 ايام مش حيبقى كل يوم

كارباميد اصلا مرطب للجلد كان دكتور ماتبه لبنت خالى عشان بعد الحبوب السويت اللى فى الذراع او ظهر او رجل كمان صاحبتى نفس الكلام كتبهولها دكتور

ليكوسيد هو اصلا مقشر بيشيل طبقة جلد اللى فيها مشكلة بصى انا جربته على الركب والنتيجة حلوة الحمد لله معرفش للنمش ايه نظامه

الغسول والمنظف واحد بس لو قصدك انه فيه نوع بالتقشير ده مش يساخدم غير مرتين فى الاسبوع

[هنودة هنانيدو]

هنودة حبيبة قلبى اخبارك ايه وحشتينى كتيييييييييييييييييير مليون مبروك يا قمر على الجزء الجديد وعقبال المليون يارب وانتى بصحة وسعادة وهنا فى بيت جوزو ان شاء الله
معلش يا نودى سالك للمرة التانية معلش استحملينى وانا عروسة محتاسة كدا ربنا ميوئعك فى زنقة قوليلى على اسماء الشاور واللوشن المناسبن واسعارهم عشان عاوزة انزل اشتريهم ودورت على اجابة قبل كدا مش لقتها فطلب عاجل معلش
دودو حمدالله على السلامة عودا حميدا كنتى فين يا قمروحشتينا

سموحة الامورة وحشتينى يابنتى بقى اهدى عايزة اجى اكلك ههههههههههه

عندك ماركات شاور كتير وتلاقى حاجة اسمها شاور جيل وشاور كريمى الفرق ان شاور جيل ده عامل زى الجل فعلا اما كريمى بيبقى شاور عادى وده احلى من شاور جل

عندك ماركات زى نيفيا فيها شاور حلوين بتبقى ب 30 تقريبا حسب عبوة

فى من اولاى حلوين ب 18 ج

فى من ماركة اسمها فروتى ديه فيها بريحة فرواله وشيكولا ومانجة وفانيليا ب 18 ج

فى من اوريفليم شاور جوز الهند والمنجا وجريب فروت بيبقى حسب عرض كتالوج

اللوشن بقى ::

ده الكريم بيدهن بيه الجسم بعد الاستحمام يعنى بعد ما تغسلى جسمك وتنشفيه تحطى كريم او اللوشن فايدته بيرطب الجسم وينعمه جدا ويفضل جسمك مدة ناعم وطرى وميش جفاف

طبعا بعد ما تعملى سكرب اللى قولنا عليه لازم ترطبى الجسم ...وبعد ما تاخدى شاور بردو تحطى منه ....

ماركات الوشن كتيرة عندك حاجة طبيعية زيت اللوز المر بتجيبه من العطار وتدهنى بيه كل الجسم بيخلى ناعم اوى وخفيف على بشرة الجسم

اللوشن من نيفيا بردو جميل جدا وهاتى البشرة العادية مش انتى بشرتك عادية ؟؟؟

اللوشن اسمه جرجنز بس هو قليل فى مصر ده بريحة مسك حتلاقيه فى العزبى ب 45 ج لو ليكى حد فى السعودية يجبهولك ارخص

فى كمان كريمات جسم من اوريفليم اسمه ميلك اند هانى حلو اوى ب 35 ج او حسب العرض

فى بيبى جونسون اويل بريحة كاموميل والصبار والافندر بيتحط على الجسم وهو مبلول يعنى تخلصى شاور وجسمك مبلول تحطى بيبى جونسون اويل

فى كمان كريم الجسم من دوف ده غير كريم الايد حتلاقيه ب 35 ج تقريبا او اقل

فى فازلين بزبدة كاكاو ب 45 ج

فى كمان كريمات بريحة فاكهة من فروتى نفس ماركة الشاور

فى عند عبد الصمد القرشى فى قاهرة مجموهة ليل ديه لوشن وشاور بريحة مسك او عنبر او الفل بس بردو لو تعرفى تجيبهم من السعودية يبقى ارخص

كريمات معطرة ديه بتبقى كريم للجسم زى اللوشن بس بريحة برفيوم حتلاقيهم فى اوريفليم حتلاقى كريمات معطرة زى جيوردانى والفى وايكلا يعنى انتى لو بتحبى من عندهم برفيوم معين هاتى كريم بتاعة